Aizaya 13:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ ofu ko dje ayen. Obi vẹ odjadja ko fru ayen, ke mrẹ odjadja kerẹ aye rọ chuẹ uvwiẹ. Kẹ ayen rhienu phihọ ni ohwohwo, opharo rayen ki mu la.

Aizaya 13:8 ပူးပေါင်းရင်းမြစ်များ

Ivie rẹ Ivẹ 19:26

Ọke rẹ ihwo re dia ayen, de dje ẹgba rayen ofu ko dje ayen vẹ ibeghe, ayen da rhe họhọ ẹbe rẹ aghwa, kẹrẹ ẹbe ọboban, kerẹ odi rọ hẹ enu rẹ uwevwi; Ro ghwuvo tavwe ro ki gro.

Une rẹ Ejiro 48:7

Vwẹ odju ro nẹ obaro ọnre cha wọ vwọ hra ekọ ri Tarshish.

Aizaya 26:17

Kerẹ aye rọ chuẹ uvwiẹ ro phre ro ghunle bunu vwẹ odjadja rọye, vwẹ ọke rẹ uvwiẹ rọye de te, ọtiọye avwanre epha fiki wẹn. E Ọrovwohwo;

Jerimaya 13:21

Kidie wo ta, siẹ ra da vwẹ ayen mu vwẹ enu wẹn ihwo ru wo rori nẹ igbeyan wẹn? wọ gbe rhovwo ako fia kerẹ aye rọ chuẹ uvwiẹ?

Jerimaya 30:6

Gba nọ asakiephana, re wọ mrẹ, Die sorọ me vwọ mrẹ ọshare kọshare rọ vwẹ abọ rọye cha ehun rọye kere aye rọ chuẹ uvwiẹ die sorọ rẹ opharo kopharo vwo wene?

Jerimaya 4:31

Mi nyo oviẹ kerẹ oviẹ rẹ aye rọ chuẹ uvwiẹ, vẹ odjadja kerẹ odjadja rẹ aye vwẹ o tu vwiẹ. Ọnana oviẹ rẹ ọmọtẹ ri Zayọn rẹ ofu dje, ọ riẹn abọ rọye gbagbaragba. Eghwo! mi ro sherua vwẹ obọ rẹ izighẹ ri hwe vwe.

Jerimaya 46:5

Die jabọ me vwọ mrẹ? ofu dje ayen ayen de rhivwi kpuko. E hwe egbofovwi rayen totọ, ayen da djẹ okpokpakpa, ayen gbi ni uko-o. Oshọ vwẹ asan ejobi: eriyin Ọrovwohwo na tare.

Jerimaya 48:41

a cha reyọ irere na ogba ọgangan na ke che gborho. Udu rẹ ihwo rẹ ofovwi rẹ Moab cha dia vwẹ ẹdẹ yena kerẹ udu rẹ aye rọ chuẹ uvwiẹ,

Jerimaya 49:22

Nighe, ọvo cha kparoma rọ da rhan pherephere kerẹ ugo, ko rhie ibekpe rọye phihọ kpahe Bọzra, udu rẹ egbofovwi rẹ Idọm vwẹ ẹdẹ yena ke họhọ ọ rẹ aye rọ chuẹ uvwiẹ,

Jerimaya 49:24

Damaskọs hirhe phihọ ọvwiẹrẹ re, o kuoma rhẹriẹ kọ djẹ, uguegue de muo; uvwerhe vẹ oja gbarọ kokoroko, kerẹ aye rọ chuẹ uvwiẹ.

Jerimaya 50:43

Ovie ri Babilọn nyo usi rayen, abọ rọye de she ghwrọghọ, ophu de muo, odjadja kerẹ ọ rẹ aye rọ chuẹ uvwiẹ.

Jerimaya 51:30

Egba rẹ ofovwi ri Babilọn fue ohọnre re, ayen da oma ji vwẹ ogba ọgangan rayen, ogangan rayen reri, ayen rhi hirhe phihọ eya, ẹdia rọye herọ tọrhẹ, a guọghọ itehru rọye nure.

Izikiẹl 20:47

ta kẹ egbo rọ hẹ obi Nẹgẹb, Nyo ota rẹ Ọrovwohwo na Enẹ Ọrovwohwo Ọghẹnẹ tare, Nighe, mi che koko erhanre phihọ owẹ, kọ torhẹ kurhe kurhẹ ọkpokpọ rọ hẹ evun wẹn kugbe kurhe kurhe ọyaya, e rhe se fue ogidi erhanre na-a, opharo ejobi nẹ obọrhe ọnre rhe rhi te obọhwẹre ọnre erhanre kọ torhẹ.

Hosia 13:13

Obi rẹ uvwiẹ nuro oma rhe, ẹkẹvuọvo ọmọ ogheghẹ o ruẹ, asakiephana ọ gbe cha ohwarha-a vwẹ asan unu rẹ ọmọ wan cha.

Joẹl 2:6

Ihwo re hẹ obaro rẹ ayen ki brenu, epharo ejobi ki djedje koi.

Nahum 2:10

Kua! ẹkuafiotọ vẹ ẹghwọrọ! Udu nẹ ẹdia, igbo ra phariẹ, uvweri vọn oma ejobi hwe, epharo ejobi ki phurẹn phurẹn!

Iyẹnrẹ Esiri ri Jọn 16:21

Ọke rẹ aye da chuẹ uvwiẹ kọ mrẹ odjadja, fikiridie yẹ ọke rọye tere; ẹkẹvuọvo ọke ro de vwiẹ ọmọ na nu, ọ gbe karohọ odjadja na ọfa-a, fiki rẹ aghọghọ rẹ ọmọ ro vwiẹ phihọ akpọ na.

1 Tẹsalonaika 5:3

Ọke rẹ ihwo vwọ ta nẹ, Ufuoma kugbe ofuvwegbe he rọ, siẹvuọvo na ughwu mi rhi she teye ayen kpregede kerẹ aye rọ chuẹ uvwiẹ, o gbi rhe vwo ohwo rọ cha djẹ vabọ-ọ.