Aizaya 13:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Beroma, kidie ẹdẹ rẹ Ọrovwohwo na kẹrire, kerẹ ẹghwọrọ ro nẹ obọ rẹ Ọrovwoẹgba rhe eriyin ọ cha rhe!

Aizaya 13:6 ပူးပေါင်းရင်းမြစ်များ

ỌBE RẸ JOB 31:23

Kidie me hẹ uguegue rẹ okpetu ro che nẹ obọ rẹ Ọghẹnẹ cha, mi gbi se yivwi hirhe aro ku ọrho rọye na-a.

Aizaya 10:25

Vwẹ ọmọke krẹn emerha ivuemiovwo mẹ ko vwo oba, ophu mẹ kọ cha garọ vi ẹghwọrọ rayen ọvo.

Aizaya 10:3

Kidie we ru vwẹ ẹdẹ rẹ ẹlaghọ na, vwẹ evun rẹ ogiribo ro che dju ne ogboko rhe na? Kono wa djẹ bru rọ cha ovwan uko, ki tivọ we de si efe re ovwan nu?

Aizaya 13:9

Nighere, ẹdẹ rẹ Ọrovwohwo cha, brabra vẹ ophu kugbe ivuemiovwo rode, rọ cha nẹrhẹ akpọ na ejobi kua rọ guọghọ iruimwemwu rọye no.

Aizaya 14:23

Ki mi che vwo ru asan re isorhuẹn dia, kugbe ẹtẹrhe rẹ ame, ke me vwẹ uhwerhe rẹ ughwu vwo hwerhe, eriyin Ọrovwohwo re otuofovwi tare.

Aizaya 14:31

Beroma, E anurhoro, viẹ, E orere, wran vẹ oshọ, E Filistia, ovwan ejobi! Kidie ivwirhi nẹ obọrhe ọnre cha, ọ ro churu ihwo siẹ hẹ usun rọye-e.

Aizaya 2:12

Kidie Ọrovwohwo rẹ ofovwi na vwẹ ẹdẹ kẹ ihwo ri herẹ kugbe iri phuoma, kẹ ihwo ri mu oma kpenu,

Aizaya 23:1

Arọẹmrẹ kpahe Taya, Berọma, E eko ri Tarshish, kidie a ghwọrọ Taya totọ, uwevwi chekọ vwo siẹvo kẹ erhuru-u! Kẹ otọ ri Saiprọs a da vwọ phia kẹ ayen.

Aizaya 34:2

Kidie ophu mu Ọrovwohwo kpahe ẹgborho na ejobi, ophu djọghọ djogho kpahe usun re otu rayen, ọ vwe ughwu ke ayen nure, o siobọ ne ayen ke ehwe

Aizaya 34:8

Kidie Ọrovwohwo bru ẹdẹ re ihri rọye nure, ukpe re ọsa ehwa fiki re ọbo re ru ke Zayọn.

Aizaya 47:11

Ẹkẹvuọvo okpetu che bru we rhe, ru wọ je sa rhuẹrẹ, ukpokpogho che she teyọ owẹ, ru wo je se phorho nẹ oma, ẹghwọrọ ko bru we rhe kpregede, ju wọ riẹn emu ọvuọvo kpahọ-ọ.

Aizaya 52:5

Asakiephana kidie Mi vwo vwẹ etinẹ, eriyin Ọrovwohwo tare, re di vwo mu ihwo Mẹ yanran ghevweghe? Isun rayen re beroma, eriyin Ọrovwohwo tare, kọke kọke ayen vwọ je odẹ Mẹ fia.

Aizaya 61:2

re ghwoghwo ukpe rẹ ẹreyọ re evun esiri rẹ Ọrovwohwo, kugbe ẹdẹ rẹ ihri rẹ Ọghẹnẹ rẹ avwanre, re bru ihwo ri muomahọ uche,

Aizaya 63:4

Kidie ẹdẹ re irhi ẹriọ ọ hẹ udu mẹ, ikpe mẹ rẹ ẹtan hirhe o te nure,

Aizaya 65:14

nighere, idibo Mẹ cha so ine fiki rẹ aghọghọ rọ hẹ udu rayen ẹkẹvuọvo wọ che kperi fiki rẹ ọdjadja rọ he udu wẹn, wo che beroma fiki rẹ ọdjarhe re erhi wẹn.

Jerimaya 25:34

Viẹ, ovwan isuigegede, re we kperi, gbunie vwẹ iwurhie, ovwan ilori rẹ igegede na, Kidie ẹdẹ rẹ ehwe vẹ ọ rẹ ohra rẹ ovwan rhire wo che she kerẹ egbo yoyovwi

Jerimaya 49:3

Beroma, E Hẹshbọn, kidie a ghwọrọ Ai te otọ! Wa vie, E emetẹ ri Rabba! vwẹ isiso rhuo oma wẹn, viẹ, re wọ djẹrhe djẹkpo vwẹ ohri rẹ ogba na! Kidie e che mu Milkọm, kugbe irherẹn vẹ isun rọye kpo ighuvwu.

Jerimaya 51:8

Kpregede ọye Babilọn she guọghọ; viẹ ke! Kẹ umwuodirhẹ fiki rẹ odjadja rọye na; ọkeọvo e mi se sivwo vwobọ.

Izikiẹl 13:5

Wọ je yan kpo asan ri kpori na-a, eyẹ wo je bọn igbẹhẹ kẹ uwevwi re Izrẹl na-a, rere o vwo se mudia vwẹ ofovwi vwẹ ẹdẹ rẹ Ọrovwohwo na.

Izikiẹl 21:12

Viẹ wo beroma, ọmọ rẹ ohwo, kidie ihwo mẹ a ta kpaha na; a ta kpahe isun rẹ Izrẹl, a vwẹ ayen vẹ ihwo mẹ vwọ kẹ ọlọkọ hwe. Gba ghwiẹ ekpoghowọ wẹn.

Daniẹl 5:26

Ọna kọye otọ rẹ ota na. MẸNẸ, Ọghẹnẹ kerẹ ẹdẹ rẹ uvie wẹn o de vwo te oba;

Daniẹl 5:9

Etiyin oshọ de mu ovie Bẹlshaza gangan, ophioma rọye de kurhẹriẹ, ofu de ji dje ehọnvwọre rọye.

Joẹl 1:11

Jo gbe we unu, E otu ri voro otọ, Beroma, E otu re rhuẹrẹ vain, fiki rẹ ọka vẹ irosun, fikiridie orhọ rẹ udju na ejobi ghwọrọ kufia.

Joẹl 1:13

Vwẹ esiso rhuo re wọ viẹ, E irherẹn na berọma, E otu ri gbe odibo vwẹ enu rẹ agbada na Ro uwevwi, vwẹ esiso rhuo shevwerhẹ. E otu ri gbe odibo kẹ Ọghẹnẹ mẹ! Fikiridie izobo rẹ ọka vẹ izobo rẹ udi e si ayen nẹ uwevwi rẹ Ọghẹnẹ wẹn re.

Joẹl 1:15

Eghwo kẹ ẹdẹ na! Kidie ẹdẹ rẹ Ọrovwohwo na kerire, kerẹ ẹghwọrọ ro nẹ obọ rẹ Ọrovwoẹgba cha– eriyin ọ cha rhe.

Joẹl 1:5

Vrẹn, ovwan igbaudu, re wa viẹ; we beroma, ovwan ihwo ejobi re da udi, fiki rẹ udi rọ miẹmiẹ, kidie e kuro kufia nẹ unu wẹn.

Joẹl 2:1

Hworo owanre na vwi Zayọn, teye unuebo vwẹ ugbenu ọfuanfon mẹ Jẹn ihwo re dia otọ na ejobi mu phariẹ, kidie ẹdẹ rẹ Ọrovwohwo na, ọ kẹrire,

Joẹl 2:11

Ọrovwohwo na da kpare urhuru rọye kẹ unuofovwi na, kidie otu rọye pha buebu gbidi; ọ rọ ta ota na pha gangan. Kidie ẹdẹ rẹ Ọrovwohwo na pha rhuarho o mu oshọ gangan; kono ri se dede?

Joẹl 2:31

Ọnre na ko che hirhe phihọ ebri, emeranvwe ko che hirhe phihọ ọbara, tavwe rẹ ẹdẹ rode ro mu oshọ rẹ Ọrovwohwo na ki che te.

Emọs 5:18

Ekan kẹ wẹ rọ guọnọ ẹdẹ rẹ Ọrovwohwo na! Die wọ vwọ guọnọ ẹdẹ rẹ Ọrovwohwo na? Ẹdẹ na ebri hwi, o vwo orẹmrẹ-ẹ,

Zẹfanaya 1:14

Ẹdẹ rode rẹ Ọrovwohwo na si kẹri re ọ kẹrire ọ cha vẹ ọkpakpa; edọ rẹ ẹdẹ rẹ Ọrovwohwo o muenu korokoro, ọgba rode na kperẹ phia vwẹ etiyin.

Zẹfanaya 1:7

Rhurhu unu vwẹ obaro rẹ Ọrovwohwo Ọghẹnẹ! Kidie ẹdẹ rẹ Ọrovwohwo na te otọ re; Ọrovwohwo rhuẹrẹ izobo kpahe Ọ nabọ ru erhorha rọye fuanfon.

Zekaraya 14:1

Gbe nighe, ẹdẹ rẹ Ọrovwohwo cha re, ra cha vwọ ghare emu ra ghwẹ mie ovwan vwẹ ohri rẹ ovwan.

Malakae 4:5

Nighere, mi che ji Elaija rẹ ọmraro na bru ovwan rhe tavwe rẹ ẹdẹ ro muoshọ rẹ Ọrovwohwo na ki rhi te.

Jems 5:1

Edafe na, ovwan mọ, wa viẹ we bunu vwọ kẹ ukpokpogho ro bru ovwan cha na.

Ẹvwọphia 18:10

ayen ki mudia tephe, vẹ oshọ rẹ odjadja rọye, ke ta, Eghwo! eghwo i wẹ orere rode na, we ọgba rẹ orere na, Babilọn vwẹ unọke ọvuọvo na e vwo bruhwe we.