Aizaya 13:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Kerhọn, edo mu vwẹ enu rẹ igbenu na kerẹ edo rẹ urogho! Kerhọn, edo rẹ uvie ọ rẹ ẹgborho ri bi koko! Ọrovwohwo rẹ otuofovwi ro biẹ otuofovwi koko ri kpo ofovwi.

Aizaya 13:4 ပူးပေါင်းရင်းမြစ်များ

Aizaya 17:12

E, agbranran rẹ otu buebu na, ayen van kerẹ ohọre rẹ obo abadi! E, ekuvwie rẹ irere na, ayen kuvwie kerẹ edo rẹ Abadi!

Aizaya 48:14

Ghwẹ oma koko, ovwan ejobi, re we nyo! Ono vwẹ usun rayen ri dje imu nana? Ọrovwohwo na guọnọ, o che ru obo ro rori na gba vwẹ oma ri Babilọn, igbabọ rọye cha riẹn kpahe ihwo ri Kaldia.

Aizaya 5:26

Kọ cha vwẹ oka se orere rọ hẹ kọ kudje se nẹ ẹtan rẹ akpọ rhe, gbe nọ, okpokpakpa, kpatakpata ọ cha rhe!

Aizaya 5:30

Ayen guan vwi fiki rọye vwẹ ẹdẹ yena, kerẹ urhie ro do. Ohwo da kparo ni otọ na, nighere, ebri kugbe ivuemiovwo, orẹmrẹ na ko che mu ebri vwi fiki rẹ ikoro na.

Jerimaya 21:4

Enẹ wa cha ta kẹ Zedikaya, Enẹ Ọrovwohwo, Ọghẹnẹ rẹ Izrẹl tare, Nighe, me cha rheriẹ ekuakua rẹ ofovwi re abọ re ovwan na kpuko e re wa vwọ họnre ovie ri Babilọn kugbe ihwo ri Kaldia e re yariẹ ovwan phihọ vwẹ obotafe rẹ igbẹhẹ na, Ke me cha ghwa ayen koko rhe uherevie rẹ orere na.

Jerimaya 25:14

Kidie irere buebu vẹ ivie ride na cha vwẹ evo rayen ru eviẹn, obo rẹ umwemwu rayen vẹ iruo rẹ abọ rayen epha me cha hwa osa kẹ ayen te.

Joẹl 2:25

Ke Me cha rhan ikpe na rhivwi ikpe re igurube na vwọ ghwọrọ na, ebaka na, eghwọghọ na, emegbọ na unuofovwi mẹ rode na, ri mi ji rhe ohri rẹ ovwan na.

Joẹl 3:14

Urogho, urogho, vwẹ evun rẹ iyara rẹ orhiebro! kidie ẹdẹ rẹ Ọrovwohwo na kẹrire vwẹ evun rẹ Iyara rẹ orhiebro.

Ẹvwọphia 18:8

ọtiọye etiekọ rọye cha rhe ẹdẹvo, emiavwe kugbe omaemuohọ kugbe owẹvwe, ka vwẹ erhanre torhẹ; kidie Ọrovwohwo Ọghẹnẹ ro bruhwe na ọgba o ruẹ.