Aizaya 13:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Babilọn, rẹ urinrin re uvie ejobi na, udindin vẹ eheri rẹ ihwo ri Kaldia, ko cha họhọ Sọdọm vi Gomorrah vwẹ ọke rẹ Ọghẹnẹ vwọ guọghọ ayen.

Aizaya 13:19 ပူးပေါင်းရင်းမြစ်များ

Jẹnẹsis 19:24

Etiyin Ọrovwohwo da rhọ osio rẹ ibieragha vẹ erhanre phihọ Sodọm vi Gomora nẹ obo odjuvwu rhe,

Jẹnẹsis 19:25

ọ da ghwọrọ irere yena ejobi, vẹ ishekpotọ na ejobi, kugbe ẹbe re djẹ vwẹ otọ na ejobi.

Aizaya 13:1

Aroẹmrẹ rẹ Aizaya rẹ ọmọ rẹ Amọz mrẹ kpahe Babilọn

Aizaya 21:9

Nighere, ihwo re gua na yan cha, ihwo re gua iyesi urhiẹ ivivẹ! Ọ da kpahe, Osheri, Babilọn sheri ọ vẹ uhoho rẹ ẹdjọ rọye ejobi a guọghọ ayen ejobi te otọ.

Aizaya 47:5

Tidia fo gbiẹi, yanran kpo evun re ebri, E ọmọtẹ ri Kaldia, kidie e gbi che se we ọfa nẹ oni rẹ uvie

Aizaya 48:14

Ghwẹ oma koko, ovwan ejobi, re we nyo! Ono vwẹ usun rayen ri dje imu nana? Ọrovwohwo na guọnọ, o che ru obo ro rori na gba vwẹ oma ri Babilọn, igbabọ rọye cha riẹn kpahe ihwo ri Kaldia.

Jerimaya 25:12

Siẹ rẹ ikpe ujorha gbẹ ihwe na da gba nure, ki mi ru ovie ri Babilọn vẹ orere yena djadja, otọ rẹ ihwo ri Kaldia na, fiki rẹ orukuruku rayen, eriyin Ọrovwohwo tare, ki mi ru ayen ofefe bẹdẹ bẹdẹ.

Jerimaya 49:18

Kerẹ ọke ra vwọ ghwọrọ Sodọm vẹ Gomora vẹ irere re kẹrẹ ayen na, eriyin Ọrovwohwo tare, ohwo cha dia etiyi-in, ohwo cha yan vwọ-ọ.

Jerimaya 50:40

Kirobo rẹ ọke rẹ Ọghẹnẹ vwo gere Sodọm vi Gomora vẹ irere re kẹrẹ ghwiotọ ye, eriyin Ọrovwohwo tare, ọtiọye ohwo gbe sa dia etiyi-in, ọmọ rẹ ohwo rha yan vwọ-ọ.

Jerimaya 51:26

E rhe mie we olalọ ọvuọvo vwọ bọn ubienyẹ-ẹ kugbe olalọ ọvuọvo re vwo ru uchivwo-o, ẹkẹvuọvo ẹghwọrọ kufia ri bẹdẹ wọ cha dia, eriyin Ọrovwohwo tare.

Jerimaya 51:29

Otọ na kpogho chahoma vwẹ odjadja, kidie iroro rẹ Ọrovwohwo jẹn kpahe Babilọn ji mudia, ro vwo ru otọ ri Babilọn ofefe, ohwo cha dia-a.

Jerimaya 51:41

Mavọ e mu Babilọn, ejiro rẹ akpọ ejobi de fuen! Mavọ Babilọn rhoma rhe dia emuoshọ vwẹ ohri rẹ ẹgborho na!

Jerimaya 51:62

tanẹ, E Ọrovwohwo, wẹ re ta kpahe etinẹ na nẹ wo che bro fia, rere emuọvo vwo je dia, ihwo eyẹ eranvwe, kọ dia ofefe bẹdẹ.

Daniẹl 4:30

etiyin ovie na da ta, Onana dia Babilọn rọde na, re me vwẹ ẹgba vẹ ogangan mẹ bọn rọ dia ighẹn rẹ ovie vwọ kẹ urinrin vẹ ọrho mẹ?

Emọs 4:11

Me guọghọ ovwan ẹvo, kerẹ ẹsie re Ọghẹnẹ vwọ guọghọ Sodọm vi Gomorah, wa da họhọ imwerhanre re kpare she nẹ erhanre, yu we ji rhivwi bru vwẹ rhe-e, Ọrovwohwo na tarọ.

Zẹfanaya 2:9

Vwẹ ọtiọye na, kirobo re me herọ na, Eriyin Ọrovwohwo rẹ otuofovwi na tare, Ọghẹnẹ rẹ Izrẹl na, Moab kọ cha họhọ Sodọm, ihwo rẹ Ammọn kerẹ Gomora, otọ rọ vọnre vẹ avwrọgbo kugbe esokpọ ra kua fiotọ bẹdẹ. Umuku rẹ ihwo mẹ ri chekọ ki gborho ayen, ihwo ri ghwu cheko vwo ẹgborho mẹ na ki che vwo ayen.

Ọbe ri Pọl si rhe Ihwo ri Rom 9:29

Kirobo rẹ Aizaya je mraro, Ọ dianẹ Ọrovwohwo rẹ otuofovwi jẹ emo ẹ vwọ kẹ avwanre vwo-o, avwanre ka dia kerẹ Sodọm ke ru avwanre họhọ Gomora.

Urhi Rivẹ 29:23

osio rẹ ibieragha rẹ erhanre ve isọn ọnre ke rhọ phihọ otọ na ejobi, kugbe otuanto re torhẹ kufia ejobi, asan ro shaton, re voro-o, ro di ẹbe-e ra torhẹ muotọ kiri Sodọm vi Gomora, Adma vi Ziboim, rẹ Ọrovwohwo vwẹ ophu rọye vwọ ghwọrọ kufia na,

Ẹvwọphia 18:11

Ineki rẹ akpọ na da viẹ muomahọ kẹ, kidie a mrẹ ohwo rọ dẹ oghwaeki rayen ọfa-a,

Ẹvwọphia 18:19

Ayen da ghwẹ ekpẹn ku iyovwi rayen, rẹ ayen vwọ viẹ muomahọ, kperẹ nẹ Eghwo, eghwo, wẹ orere rode na asan rẹ ihwo ri vwo ekọ vwẹ abadi da wan oma rọye fe! Vwẹ unọke ọvuọvo na a ghwọerọ kufia.