Aizaya 13:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Kidie isio rẹ obo odjuvwu veẹ ọghwẹgbe rayen gbe cha vwẹ orẹmrẹ rayẹn phia-a; ọnre rọ vacha na ko che bi, emeranvwe na gbi che lo-o.

Aizaya 13:10 ပူးပေါင်းရင်းမြစ်များ

ỌBE RẸ JOB 9:7

ọ ro ji urhi kẹ ọnre, rọ gbe va cha-a; ọ rọ huhẹ elo rẹ isio na.

Aghwoghwo 12:2

Bẹsiẹ rẹ ọnre na vẹ uvo na, vẹ emeranvwe na, vẹ isio na che vwo mu ebri rẹ enu na de che bi rẹ osio da rhọ nu;

Aizaya 24:21

Vwẹ ẹdẹ yena Ọrovwohwo ko hwe otu rẹ ofovwi rẹ odjuvwu, vwẹ obo odjuvwu, ivie rẹ akpọ na, vwẹ evun rẹ akpọ na.

Aizaya 24:23

Ọke yena emeranvwe kọ dia bisi bisi, ọnre na oma kọ cha vuọ, kidie Ọrovwohwo rẹ otuofovwi na cha re uvie vwe enu rẹ Ugbenu ri Zayọn vwi Jerusalẹm vwẹ obaro rẹ ekpako rọye ọ da vwe urinrm rọye phia

Aizaya 47:5

Tidia fo gbiẹi, yanran kpo evun re ebri, E ọmọtẹ ri Kaldia, kidie e gbi che se we ọfa nẹ oni rẹ uvie

Aizaya 5:30

Ayen guan vwi fiki rọye vwẹ ẹdẹ yena, kerẹ urhie ro do. Ohwo da kparo ni otọ na, nighere, ebri kugbe ivuemiovwo, orẹmrẹ na ko che mu ebri vwi fiki rẹ ikoro na.

Aizaya 50:3

Me vwẹ ebri vwo rhuo idjuvwu na, esiso kọye ayen vwo phopho.

Joẹl 2:10

Otọ na re kpogho vwẹ obaro rẹ ayen, obenu na ra phariẹ. Ọnre na vẹ emeranvwe mu ebri, elo rẹ isio na de si reyọ.

Joẹl 2:31

Ọnre na ko che hirhe phihọ ebri, emeranvwe ko che hirhe phihọ ọbara, tavwe rẹ ẹdẹ rode ro mu oshọ rẹ Ọrovwohwo na ki che te.

Joẹl 3:15

Te ọnre vẹ emeranvwe muegho, isio ri lo she divwi

Emọs 5:20

Ẹdẹ rẹ Ọrovwohwo na dia ebri hwi, ọ dia orẹmrẹ-ẹ, egho kpoi o vwo orẹmrẹ kaka-a?

Nahum 1:8

Ẹkẹvuọvo ọ cha vwẹ oghwe ro kuẹ vwo furhie otu ri mu kpahọ, kọ cha djẹ ivwighrẹ rọye ra ro evun rẹ ebri.

Zekaraya 14:6

Vwẹ ẹdẹ yena ekpahe vẹ imicho gbe dia-a.

Matiu 24:29

Siẹvuọvo na, rẹ ukpokpogho nana ejobi de nẹ otọ nu, ọnre ko che muegho, emeranvwe gbi che lo-o, isio ki che she nẹ enu rhe, ogangan rẹ obo odjuvwu ejobi ki che kpogho;

Iyẹnrẹ Esiri ri Mak 13:24

Ẹkẹvuọvo vwẹ ẹdẹ yena, rẹ ukpokpogho na de re nu, ọnre ko che mu ebri, emeranvwe gbi se lo-o.

Iyẹnrẹ Esiri ri Luk 21:25

Oka kọ cha dia evun rẹ ọnre kugbe emeranvwe kugbe isio, vwẹ enu rẹ akpọ na kẹ uvwerhe rẹ ẹgborho na vẹ ofuedje vwẹ ẹsiẹ rẹ ọsẹghẹ rẹ abadi da cha rọ da gbogha,

Iruo rẹ Iyinkọn na 2:20

ọnre na ko che mu ebri emeranvwe na ko che hirhe phihọ ọbara, kẹsiẹye ẹdẹ rẹ Ọrovwohwo na ki rhi te, ẹdẹ rode na kọ vwẹ oma phia.

Ẹvwọphia 8:12

Amakashe rẹne de hworo oware rọye, a da ghwiẹ akarha rẹ ọnre, kugbe akarha rẹ emeranvwe, kugbe akarha rẹ isio, ọtiọye na akarha rẹ orẹmrẹ rayen de mu ebri; akarha rẹ ọnre gbi vwo orẹmrẹ-ẹ, ọtiọye ji te akarha rẹ emeranvwe.