Aizaya 12:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Aghọghọ wo vwo vo ame nẹ erhanre rẹ esivwo na rhe.

Aizaya 12:3 ပူးပေါင်းရင်းမြစ်များ

Une rẹ Ejiro 36:9

Kidie obọ wẹn ọye ogbugbu rẹ arhọ epha, vwẹ evun rẹ urhukpẹ wẹn etiyin ma da mrorẹ.

Une rẹ Ejiro 87:7

Te ibuine te igbeha ejobi ra ta, Ogbugbu mẹ ejobi hẹ evun wẹn.

Solomon 2:3

Kerẹ omamọ rẹ orhomrẹ vwẹ ohri rẹ irhe, ọtiọye ọnse mẹ epha vwẹ ohri rẹ imighene Omavwerhe rode mi vwo tidia vwẹ ophie rọye, omamọ rọye kọ miẹmiẹ ovwẹ nẹghẹ nẹghẹ.

Aizaya 41:18

Ki mi rhie urhie rẹ ame vwẹ ugbenu oyaya na, ogbugbu ke varhe vwẹ iyara na, ki mi hirhe aghwa na phihọ oku rẹ ame, otọ ọyaya na ko hirhe phihọ ogbugbu rẹ ame.

Aizaya 49:10

owẹvwe eye urhuru rẹ ame che hwe aye-en, eye uvo gbaegbae vẹ odju che mu aye-en, kidie ohwo rọ re ehrọre kẹ ayen ko sun ayen, vwẹ oma rẹ ova rẹ ame kẹ etiyin e de sun ayen.

Jerimaya 2:13

Kidie ihwo mẹ ru imu ivẹ chọ! ayen sen vwẹ, rẹ ẹtẹrhe rẹ ame rẹ urhuarhọ na, ayen da tọn egọdọ rẹ ame kẹ omobọ rayen, egọdọ re vwẹn, re sa yọnrọn ame-e.

Izikiẹl 47:9

Kasan kasan rẹ ame na teri kemu kemu ọkpokpọ rẹ ọ rhẹrhẹ vwẹ ame na ejobi kọ rhọ, iyeri buebu ke dia ame na; kidie ame na djẹ kpo etiyin, rere ame rẹ abadi na vwọ vwerhe, kemu kemu kọ rhọ vwẹ asan kasan rẹ urhie na djẹra ejobi.

Zekaraya 13:1

Vwẹ ẹdẹ yena ogbugbu ko rhie phihọ kẹ uwevwi ri Devid vẹ ihwo re dia Jerusalẹm rọ vwọ hworhẹ ayen fon nẹ umwemwu vẹ ijẹfuọn.

Iyẹnrẹ Esiri ri Jọn 1:16

Nẹ oma rẹ ọvọnvọn rọye avwanre ejobi, da mrẹ ẹserọphẹ kpahe ẹserọphẹ reyọ.

Ẹvwọphia 22:1

Etiyin ọ da vwẹ urhie rẹ ame rẹ arhọ na vwọ nẹ vwẹ, ọ pha ghologholo, rọ djẹ nẹ ekete rẹ Ọghẹnẹ na kugbe ọ rẹ Omogodẹ na cha

Ẹvwọphia 22:17

Erhi na kugbe Ọpha na ta, Yanrhe. E jẹn ohwo ro nyori ta, Yanrhe. E jẹn ohwo rẹ urhuru rẹ ame hwe yanrhe, e jẹn ohwo rọ guọnọre da ame rẹ arhọ na ọphẹ.

Ẹvwọphia 7:17

Kidie Omogodẹ na rọ hẹ uherevie rẹ ekete na kọ dia osuigegede rayen, ko sun ayen kpo ogbugbu rẹ arhọ na; Ọghẹnẹ ko rhie ameoviẹ nẹ ayen ẹro.

1 Samuẹl 2:1

Hanah da je nẹ ẹrhovwo, ọ da ta, Udu mẹ ghọghọre vwẹ evun rẹ Ọrovwohwo; ogangan mẹ kpare kpenu vwẹ evun rẹ Ọrovwohwo. Unu mẹ kọ vwẹ ivwighrẹn mẹ jehwẹ, kidie me ghọghọre vwẹ evun rẹ esivwo wẹn.