Aizaya 12:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Aizaya 12:2 ပူးပေါင်းရင်းမြစ်များ

2 Samuẹl 7:24

Wọ da vwẹ ihwo wẹn Izrẹl mudia bẹdẹ; Wẹ E Ọrovwohwo wo de hirhe phihọ Ọghẹnẹ kẹ ayen.

ỌBE RẸ JOB 13:16

Ọna kọye cha dia esivwo mẹ, nẹ ọ rọ riẹn Ọghẹnẹ-ẹ sa cha obaro rọye-e.

Une rẹ Ejiro 112:8

Udu rọye nabọ fọ, oshọ rhe se muo-o, bẹsiẹ rọ vwọ mrẹ ẹguọnọ rọye vwẹ enu rẹ ukọn rọye.

Une rẹ Ejiro 118:14

Ọrovwohwo na ọye ogangan mẹ kugbe une mẹ, ọ rha rhe dia esivwo mẹ re.

Une rẹ Ejiro 118:21

Me kpẹvwẹ owẹ ru vwo nyo vwẹ ru wọ rhe vwọ dia esivwo mẹ.

Une rẹ Ejiro 27:1

Ọrovwohwo ọye urhukpẹ mẹ kugbe esivwo mẹ, kono me djẹ oshọ rọye? Ọrovwohwo ọye ogba ogangan rẹ arhọ mẹ; kẹ oshọ rẹ ono ri rhe mu vwe?

Une rẹ Ejiro 65:6

wẹ re vwẹ ogangan wẹn mu igbenu mudia kokoroko, wọ da vwẹ ẹgba rhuo oma riariẹ,

Une rẹ Ejiro 68:20

Ọghẹnẹ rẹ avwanre ọye Ọghẹnẹ rẹ esivwo, Ọghẹnẹ Ọrovwohwo na, ọye abọẹva rẹ ughwu rheri.

Une rẹ Ejiro 68:21

Ẹkẹvuọvo Ọghẹnẹ cha guọghọ iyovwi rẹ ivwighrẹ rọye, erhu rẹ ẹtuẹto ke ohwo rọ yan vwẹ idjerhe rẹ abe

Une rẹ Ejiro 83:18

Jẹn ayen riẹn nẹ wọwẹ ọvo kpoi, rẹ odẹ rọye Ọrovwohwo na, ri Me Kpenu vwẹ enu rẹ kpọ na ejobi.

Ẹyano 15:2

Ọrovwohwo ọye ogangan mẹ kugbe une mẹ, o ji rhi hirhe phihọ esivwo mẹ; ọnana Ọghẹnẹ mẹ, ki mi jiro, Ọghẹnẹ rẹ ọsẹ mẹ, ke me kparọ kpenu.

Aizaya 10:24

Ọtiọye na enẹ Ọrovwohwo tare, Ọrovwohwo rẹ otuofovwi E ihwo mẹ, re dia Zayọn, wa dje oshọ rẹ ihwo re Asiria-a vwẹ ọke rayen da vwẹ ọkpọ ghwiẹ ovwan eyẹ ugbọphogho fa ovwan kirobo re Ijipt ruru.

Aizaya 17:10

Kidie Ọghẹnẹ rẹ esivwo wẹn chọrọ owẹ ẹro, wo gbe karohọ Oragha rẹ odjahọ wẹ-ẹn; ọtiọye na owene wọ kọn ekankọn esiri, wo de mu ẹdjọ ọrhorha phihọ,

Aizaya 27:5

Eyẹrẹ gbe jẹn ayen vwẹ ẹro so ochọ mẹ, jẹn ayen vẹ ovwẹ rhuẹrẹ kugbe, jẹn ayen vẹ ovwẹ rhuẹrẹ kugbe.

Aizaya 32:2

Ovuọvo ko dia kere asan odjahọ vwọ ke aphọpho, Urhurho vw ọ ọke re ọgiribọ, kere uto re ame vwe otọ oyaya, kerẹ uhoho re oragha rode vwe otọ ophephe

Aizaya 33:22

Kidie Ọrovwohwo na oguẹdjọ re avwanre, Ọrovwohwo osun re avwanre, Ọrovwohwo na ovie re avwanre, o se sivwi avwanre

Aizaya 38:20

Ọrovwohwo se sivwi uvwe, Ke mẹ vwẹ akpata so ine vwe ẹdẹ rẹ akpọ mẹ ejobi, vwe uwevwi rẹ Ọrovwohwo.

Aizaya 45:17

Ẹkẹvuọvo Izrẹl Ọrovwohwo ri sivwiro vẹ esivwo ri bẹdẹ, wọ cha mrẹ omaẹvuọ-ọ eyẹ ozighi-i rhiri bẹdẹ.

Aizaya 49:5

Asakiephana Ọrovwohwo tare, rọ ma vwẹ nẹ evun rhe nẹ Me dia odibo rọye, vwọ reyọ Jekọp vwo rhivwi rhe, ra vwọ ghwẹ Izrẹl kokọ bro ra, kidie Mi vwo ọghọ vwe obaro rẹ Ọrovwohwo, Ọghẹnẹ Me rhi hirhe phihọ ogangan mẹ re–

Aizaya 50:10

Ono vwẹ usun rẹ ovwan na re dje oshọ rẹ Ọrovwohwo ro mu ọghọ kẹ urhuru rẹ idibo rọye, re yan vwẹ evun rẹ ebri ri vwo urhukpẹ-eẹ, dede na yẹ ayen vwẹ ẹro so odẹ rẹ Ọrovwohwo re vwẹ oma da Ọghẹnẹ rọye?

Aizaya 51:12

Mẹvwẹ, Mẹvwẹ he ohwo ro bru we uche, ono owẹ rọ djẹ oshọ rẹ ohwo rẹ akpọ ro ghwẹ, re ọmọ re ohwo ra mare kerẹ odi ghevweghe,

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Aizaya 62:11

Nighere, Ọrovwohwo na ghwoghwo nure ke oba re akpọ na duvwu. Ta kẹ ọmọtẹ ri Zayọn, Nighere, esivwo wẹn na rhire; nighere, osa ẹhwa rọye rhere, ẹse ẹkpẹvwẹ rọye ji rhe.

Aizaya 65:18

Ẹkẹvuọvo gba ghọghọ re oma vwerhe owẹ bẹdẹ vwẹ oma rẹ obo re Me mare, kidie nighere, Me ma Jerusalẹm vwọ kẹ omavwerhe, ihwo rọye ke aghọghọ.

Aizaya 7:14

Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

Jerimaya 23:6

Juda kọ rhọ vwẹ ẹdẹ rọye na, Izrẹl kọ dia egbẹrhẹnẹdẹ. Ọnana ọye odẹ re vwo se Ọrovwohwo ọvwata rẹ avwanre.

Jerimaya 3:23

Uyota igbenu na ghine ọphiẹvwẹ, Ukoko rẹ ozighi vwẹ enu rẹ igbenu ride na. Uyota vwẹ evun rẹ Ọrovwohwo Ọghẹnẹ rẹ avwanre ọye esivwo rẹ Izrẹl epha.

Daniẹl 3:28

Nẹbukadreza da ta, Ebruba kẹ Ọghẹnẹ ri Shadrak, Mẹshak vẹ Abẹdnigo, rọ ji amakashe rhe rhi sivwi idibo rọye, re vwẹ ẹro suọ ayen da jẹ ota rẹ ovie fia, ayen phi oma rayen phihọ otọ ra ga eghẹnẹ efa-a jọkpa rẹ Ọghẹnẹ rayen ọvo.

Hosia 1:7

Ẹkẹvuọvo me re ehrọre rẹ uwevwi ri Juda, ki mi sivwi ayen vwẹ oma rẹ Ọrovwohwọ rẹ Ọghẹnẹ rayen, Me vwẹ umurhabọ sivwi aye-en, eyẹrẹ ọlọkọ, eyẹrẹ ofovwi eyẹrẹ Iyesi, eyẹrẹ ihwo re gua iyesi.

Joẹl 2:23

Ghọghọ, E emọ ri Zayọn, re oma vwerhe owẹ vwẹ evun rẹ Ọrovwohwo, Ọghẹnẹ wẹn; kidie ọ rhọ osio rẹ ẹsosuọ kẹ wẹ ro vwo mu we ẹro, ọ rhọ osio buebu phihọ otọ kẹ wẹ, rẹ osio rẹsosuọ rẹ osio rẹ ure, kirobo ri jovwo.

Jona 2:9

Ẹkẹvuọvo me vẹ urhuru rẹ ẹkpẹvwẹ gbe che ze izobo kẹ wẹ. Obo ri mi veri dẹn me hwa osa rọye. Esivwo Ọrovwohwo o rheri!

Habakọk 3:18

ye me je ghọghọ vwẹ oma rẹ Ọrovwohwo ghene, mi vwo aghọghọ vwẹ oma rẹ Ọghẹnẹ rẹ esivwo mẹ.

Ọbe ri Pọl si rhe Ihwo ri Rom 1:16

Kidie oma rẹ iyẹnrẹ esiri na sa vo ovwẹ-ẹ: kidie ọye hẹ ogangan rẹ Ọghẹnẹ ro ruẹ iruo rẹ esivwo kẹ ohwo kohwo ro segbuyota ejobi, ẹsosuọ vwọ kẹ ihwo ri Ju tavwe ro ki te ihwo ri Grik.

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

Ẹvwọphia 7:10

ri kuvwie tanẹ, Esivwo kẹ Ọghẹnẹ rẹ avwanre ro tidia phihọ enu rẹ ekete na, ji kugbe Omogodẹ na!

1 Samuẹl 2:1

Hanah da je nẹ ẹrhovwo, ọ da ta, Udu mẹ ghọghọre vwẹ evun rẹ Ọrovwohwo; ogangan mẹ kpare kpenu vwẹ evun rẹ Ọrovwohwo. Unu mẹ kọ vwẹ ivwighrẹn mẹ jehwẹ, kidie me ghọghọre vwẹ evun rẹ esivwo wẹn.