Aizaya 11:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Okpohrokpo vẹ omogodẹ ke cha dia kugbe, ẹdjẹnẹkpo vẹ ẹmẹvwe ki rhuẹn vwẹ asan ọvo, te ọmọ rẹ erhuẹn vẹ ubido kugbe oghwara ke yan usun, omotete kọye che sun ayen.

Aizaya 11:6 ပူးပေါင်းရင်းမြစ်များ

ỌBE RẸ JOB 5:23

Kidie wọ vẹ ibieragha rẹ aghwa na cha dia obọ, eranvwe rẹ aghwa na vẹ owẹ cha dia vwẹ ufuoma.

Aizaya 2:4

Ko che guẹdjọ rẹ orere vẹ orere, ko che brorhiẹ rẹ ihwo buebu kẹ ayen che duvwu oda rayen phihọ ighwro, ibiri rayen phihọ egbage, orere gbe cha kparo oda vwọ so orere, eyẹ ayen gbe cha kpare ofovwi ọfa-a.

Aizaya 65:25

Okpohrokpo vẹ ogodẹ ke cha re emu kugbe, ekpẹn kọ cha re ọdi kerẹ erhuẹn, ekpẹn kọ dia emu rẹ ọrọdekọ, ayen gbe woma-a eye ghwọrọ-ọ vwẹ enu rẹ ugbenu ọfuanfon Mẹ ọfa-a, eriyin Ọrovwohwo tare.

Izikiẹl 34:25

Me vẹ ayen ke re ọphọ rẹ ufuoma, ke me djẹ eranvwe re djoma nẹ otọ na, re ayen sa dia dẹndẹn vwẹ evun rẹ aton na ayen rhe shevwerhẹ vwẹ evun rẹ egbọ na.

Hosia 2:18

Ke me vẹ owẹ cha re ọphọ vwẹ ẹdẹ yena kugbe eranvwe rẹ aghwa, ephran rẹ irharheghe, vẹ ọbo ri kpono vwẹ otọ, ke me guọghọ umurhabọ, ọlọkọ kugbe ofovwi nẹ otọ na; ke me vwẹ owẹ sherhẹ otọ gbiei.

Ọbe ri Pọl si rhe Ihwo ri Rom 14:17

Kidie uvie rẹ Ọghẹnẹ na dia ọ rẹ emuọre kugbe udi ẹda-a ẹkẹvuọvo ọ rẹ ọvwata kugbe ufuoma kugbe aghọghọ vwẹ oma rẹ Erhi Ọfuanfon.