Aizaya 11:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ọvwata kọye cha dia umuamwa ro vwo mu ehun, esegbuyota kọye dia umuamwa ro vwo fiẹbe,

Aizaya 11:5 ပူးပေါင်းရင်းမြစ်များ

Une rẹ Ejiro 109:19

Jọ dia kerẹ ewun ro ku phihọ oma rọye kerẹ umuehu ro vwo muẹ kọke kọke!

Une rẹ Ejiro 45:4

Vwẹ evun re ọrho wẹn gua rhe vẹ obọẹkparọ vwi fiki rẹ uyota rere wọ rhe chochọ rẹ ọvwata, jẹn obọrhe wẹn yono uwe uruemu ro mu oshọ!

Une rẹ Ejiro 89:9

Wọwẹ ri sun oseghe re abadi na; vwe ọke re ọgbogho rọye da kpara, wọwẹ ri fue ayen.

Une rẹ Ejiro 93:1

Ọrovwohwo na ria uvie; ọ vwẹ ọrho rhuo oma riariẹ, Ọrovwohwo na rhuori, ọ vwe ogangan chobiẹ. E, akpọ na ọ tọnrọ phihọ, o gbi che ghwie ọfa-a,

Aizaya 25:1

E Ọrovwohwo, wẹ ọye Ọghẹnẹ mẹ, Me kpare owẹ kpenu, mi Jiri ode wẹn; kidie wo ru emu rẹ igbunu, iroro wọ jẹre awanre rhe, uyota gbagba.

Aizaya 32:1

Nighe, ovie ọvo cha re vwe ọvwata, isun ki sun vwe ọsoso.

Aizaya 59:17

Ọ da gba ọvwata mu ohọre kerẹ emekpo-udu, erhu rẹ esivwo ro vwo tughẹ uyovwi, o ku iwun rẹ ihri-eriọ phihọ kerẹ amwa, ọ da vwẹ ophu phopho oma kerẹ okpa.

Aizaya 9:6

Kidie avwanre e vwiẹ ọmọ na kẹ, avwanre a vwẹ ọmọ na kẹ, isuesun na kẹ igabọ rọye ọ cha dia, ke se odẹ rọye Ọgba-Aghwanre, Ọghẹnẹ ro vwo Ogangan, Ọsẹ ri Bẹdẹ, Ọmọ rẹ ovie rẹ Ufuoma.

Aizaya 9:7

Obuebu rẹ isuesun rọye vẹ ufuoma rọye se vwo oba-a vwe enu rẹ ekete ri Devid, kugbe enu rẹ uvie rọye, rọ tọn phihọ, rọ yọnrọn vwẹ ọsoso vẹ ọvwata ne ọke nana yanran rhiri bẹdẹ. Oruru rẹ Ọrovwohwo rẹ otuofovwi na yi ri ru ọna.

Hosia 2:20

Me sa wẹ otọ vwẹ ọ rẹ uyota; ku wọ riẹn Ọrovwohwo na.

Zekaraya 8:16

Enana he emu wo che ru, Wa ta uyota kẹ ohwohwo, wo bru orhiẹn rẹ uyota vẹ ọ rẹ ufuoma vwẹ inurhorọ rẹ ovwan,

2 Kọrẹnt 6:7

ota rẹ uyota, kugbe ogangan rẹ Ọghẹnẹ; vwẹ ekuakua rẹ ọvwata vwẹ obọrhe vẹ obọhwẹre;

Ẹfesọs 6:14

Mudia koi, vwe uyota na chobiẹ ehun, vwẹ ọghan rẹ ovwata mu arhare,

Hibru 2:17

Fiki rẹ ọtiọye na kọye a vwọ ma họhọ imoni rọye vwẹ idjerhe kidjerhe, rere ọ vwọ sa dia orherẹn rode ro nẹ aruẹdọn ro vwo esegbuyota vwẹ evun rẹ ẹga rẹ Ọghẹnẹ, rọ vwọ go ese rẹ imwemwu nẹ ihwo oma.

1 Pita 4:1

Ri Kristi vwọ reoja vwẹ ugboma nure na, gba vwẹ iroro ọvuọvo yena choma, kidie kohwo kohwo rọ reoja vwẹ ugboma nure yọ vabọ rẹ imwemwu,

1 Jọn 1:9

Ẹkẹvuọvo avwanre da fan imwemwu rẹ avwanre, ọye hẹ ohwo rẹ uyota vẹ ọsoso, rọ sa vwẹ umwemwu ghovwo ohwo ọ Me rha hworhẹ avwanre nẹ orukuruku rẹ avwanre ejobi.

Ẹvwọphia 1:13

vwẹ uherevie rẹ igburhukpẹ na ohwo ọvo rọ họhọ ọmọ rẹ ohwo da herọ, ro ku adagba ro te otọ phihọ ọ vwẹ umuamwa rẹ oro vwo mu udu;

Ẹvwọphia 3:14

Kẹ enẹ o si rhe amakashe rẹ ishọshi ri Laodisha: Eta rẹ ohwo re se Isẹ, ro segbuyota kugbe oseri rẹ uyota, ẹtuọhọ rẹ emama rẹ Ọghẹnẹ.