Aizaya 11:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ ẹkẹvuọvo ọvwata o vwo guẹdjọ rẹ ivwiogbere, o Me vwẹ ẹghwanre brorhiẹ rẹ ihwo dẹndẹn rẹ akpọ na, kọ cha vwẹ ọkpọ rẹ unu rọye ghwie akpọ na, ẹnwẹn rẹ unu rọye ọ vwọ hwẹ iruimwemwu

Aizaya 11:4 ပူးပေါင်းရင်းမြစ်များ

2 Samuẹl 8:15

Devid da re uvie vwẹ enu rẹ Izrẹl ejobi, Devid de guẹdjọ rẹ ọsoso vẹ abavo rẹ ihwo rọye.

ỌBE RẸ JOB 15:30

ọ sa djẹ vabọ nẹ ebri na-a; ẹkuerhanre cha ya eghọn rọye, odju che djuẹ idodo rọye kuẹfia.

ỌBE RẸ JOB 4:9

Ẹnwẹ rẹ Ọghẹnẹ ayen wan ghwọrọ, je vwi gidigidi rẹ ophu rọye ayen wan guọghọ.

Une rẹ Ejiro 110:2

Ọrovwohwo ji ọkpọ rẹ ẹgba wẹn nẹ Zayọn rhe.

Une rẹ Ejiro 18:8

Ivwirhi de bru nẹ umwe rọye rhe, erhanre rọ torhẹ de nẹ unu rọye rhe. imwerhanre weiwei de nẹ oma rọye rhe.

Une rẹ Ejiro 2:9

Wọ vwẹ ọkpọ rẹ utehru vwo vwirhi ayen, ku wọ ghwọrọ ayen vworo vworo kerẹ ema rọ mẹma na.

Une rẹ Ejiro 76:10

Uyota ophu rẹ iliwo rẹ akpọ che jiri uwe; ọmophu ri chekọ vwẹ akpọ na ku wọ vwẹ ayen rhuo oma wẹn.

Aizaya 1:17

yono emu esiri ru; guọnọ ọsoso, siobọ nẹ oshenyẹ, chochọ rẹ ọmọphrorivwi re wọ rẹ kẹ ayeuku.

Aizaya 13:11

Ki mi hwe akpọ na fiki rẹ umiovwo rọye, oruimwemwu fiki rẹ orukuruku rọye; ki mi ru eheri rẹ ohwo ro phuoma vwo oba, ọkon rẹ ohwo ro shuẹ akpọ ko fue.

Aizaya 14:30

Emekpako rẹ ivwiogbere ke re emu, e ra akpọ bẹn ki sherhẹ vwẹ egbemọphẹ, ẹkẹvuọvo ke me vwẹ owẹvwe hwe esiri wẹn umuku wẹn ri chekọ ki mi hwe ayen.

Aizaya 16:5

Etiyin ka cha bọn ekete phihọ vwẹ ẹguọnọ ro jẹrhẹriẹ ro jephieghe ko che tidia enu rọye vwẹ ọ rẹ uyota vwẹ utughẹ ri Devid ohwo ro che guẹdjọ rọ je guọnọ ọsoso kpata kpata ọye ọ ru ọvwata.

Aizaya 2:4

Ko che guẹdjọ rẹ orere vẹ orere, ko che brorhiẹ rẹ ihwo buebu kẹ ayen che duvwu oda rayen phihọ ighwro, ibiri rayen phihọ egbage, orere gbe cha kparo oda vwọ so orere, eyẹ ayen gbe cha kpare ofovwi ọfa-a.

Aizaya 26:6

Owọ chiyiro muotọ, awọ rẹ ivwiogbere, kugbe ichiyi rẹ ihwo rẹ akpọ bẹn.

Aizaya 29:19

Ihwo dẹndẹn cha mrẹ aghọghọ ọkpokpọ vwẹ evun rẹ Ọrovwohwo, ovwiogbere vwẹ usun rẹ ihwo na cha ghọghọ vwẹ Oma rẹ Ọfuanfon Ọvuọvo rẹ Izrẹl na.

Aizaya 3:14

Ọrovwohwo o mu ẹdjọ phihọ eguo re, ọ vẹ ekpako na kugbe isun rẹ ihwo rọye. We re ghwọrọ ogba ri vain na, ekuakua re ivwiogbere na hẹ uwevwi wẹn.

Aizaya 30:28

ẹnwen rọye kẹrẹ utọ ro ko phoro ro rhi re ohwo te ohọre; ro che phorhi ẹgborho kpo ẹghwọrọ, kọ cha gba urhe mu unu re ihwo na re o sun ayen ghwru.

Aizaya 30:31

Ihwo rẹ Asiria ke cha phariẹ yeyeghe re ayen de nyo urhuru rẹ Ọrovwohwo na, vwẹ ọke re ọkpọ rọye da ghwiẹ

Aizaya 30:33

Kidie a rhuẹrẹ asan rọ torhẹ phihọ otọ kẹ ayen kri re, Uyota, vwọ ke ovie na a rhuẹrẹ hẹrhẹ, omamọ re iyara m tọnre kokodo hehere, vẹ irhe kugbe erhanre re koko phihọ gbidi, ẹnwẹn re Ọrovwohwo, kere uto re ihiosio re erhanre re koko phihọ.

Aizaya 32:1

Nighe, ovie ọvo cha re vwe ọvwata, isun ki sun vwe ọsoso.

Aizaya 32:7

Irhurhu re ohwo rhurhu imiomiovwi; iroro umwemwu ọye ọvo ọ roro rọ vwẹ efian ghwọrọ ọvwiọgbere, owene ẹdjọ re ovwuvwọhwo na phiọre.

Aizaya 33:22

Kidie Ọrovwohwo na oguẹdjọ re avwanre, Ọrovwohwo osun re avwanre, Ọrovwohwo na ovie re avwanre, o se sivwi avwanre

Aizaya 40:7

Odi na vwioro, ododo phoriẹ, vwẹ ọke rẹ Ọrovwohwo da nwẹn kuo, uyota ohwo na họhọ odi.

Aizaya 49:2

O de ru unu Mẹ dandan kerẹ ọlọkọ, vwẹ evun rẹ uhoho re obọ rọye o de si vwe nu, o de ru vwe kerẹ ubigẹ ra phọnre, vwẹ evun rẹ ako rọye o de si vwe nu.

Aizaya 61:1

Erhi rẹ Ọrovwohwo Ọghẹnẹ ọ he oma mẹ, fikiridie ọ vwẹ evwri ghworo uvwe Me vwọ ghwẹ ikun esiri na rhe ihwo re kpokpo, o ji vwe rhe gba udu ro vwirhiri koko, rhi ghwoghwo egbemọphẹ kẹ ighuvwu, esiobọno kẹ ihwo re hẹ uwodi;

Aizaya 9:7

Obuebu rẹ isuesun rọye vẹ ufuoma rọye se vwo oba-a vwe enu rẹ ekete ri Devid, kugbe enu rẹ uvie rọye, rọ tọn phihọ, rọ yọnrọn vwẹ ọsoso vẹ ọvwata ne ọke nana yanran rhiri bẹdẹ. Oruru rẹ Ọrovwohwo rẹ otuofovwi na yi ri ru ọna.

Jerimaya 33:15

Vwẹ ẹdẹ yena kugbe ọke yena ki mi che ru re Oghọn rẹ ọvwata vwo yoro phia kẹ Devid, kọ bru orhiẹn rẹ esiri vẹ ọ rẹ ọvwata vwẹ otọ na.

Jerimaya 5:28

oma da rhe ro ayen sọkọ sọkọ. Ayen riẹn ughwru vwẹ uruemu rẹ orukuruku-u, ayen brorhiẹ rẹ esiri-i ayen nyo ota rẹ ọmọphrorivwi re vwo ruo yovwi-i, ayen je chọ ochọ rẹ ọrakpọbẹ kẹ-ẹ.

Hosia 6:5

Fiki rẹ ọtiọye me vwọ vwẹ emraro na she ayen me da vwẹ eta rẹ unu mẹ hwe ayen, orhiẹbro mẹ da phia kerẹ uvo.

Zẹfanaya 2:3

Guọnọ Ọrovwohwo na, ovwan ihwo dẹndẹn re dia otọ na, re yọnrọ irhi rọye, guọnọ ovwata, guọnọ omaevwokpotọ; ọkeọvo se se si we nu vwẹ ẹdẹ rẹ ophu rẹ Ọrovwohwo na.

Malakae 4:6

Kọ cha rhẹriẹ udu rẹ esẹ na bru emọ rayen ọ me rha rhẹriẹ udu rẹ emọ na bru esẹ rayen, ọ rha dia ọtiọye-e me da rhe vwẹ obọ ke me cha vwẹ ekan guọghọ otọ na.

Matiu 11:5

orhuẹro mrẹ orẹ, okpolo yanre, ehonvwoti e sivwi ayen, idierhọ nyo ẹme, irivwi vrẹre, iyẹnrẹ esiri na eghwoghwiro kẹ igbere.

Matiu 5:5

Ebruba kẹ ihwo ri ruẹ dẹndẹn; kidie ayen cha reuku rẹ akpọ na.

Iruo rẹ Iyinkọn na 9:1

Ẹkẹvuọvo Sọl, ọ jẹ nwẹn ẹnwẹn rẹ ozighẹ heriheri kpahe iyinkọn rẹ Ọrovwohwo na, o de bro orherẹn rode na,

2 Kọrẹnt 10:1

Mẹvwẹ, Pọl, rẹ ovwan, vẹ omaevwo-kpotọ kugbe edẹndẹn ri Kristi–mẹvwẹ rọ vẹ udu rẹ oshọ vwẹ ọke re me vẹ ovwan de hirhe opharo ku ohwohwo, ẹkẹvuọvo ro yivwaro vwẹ obuko rẹ ovwan!–

Galesha 5:23

dẹndẹn, oma echiro; enana gbi vwo urhi ọfa ro mu aye-en.

2 Tẹsalonaika 2:8

Ọke yena ka cha vwẹ onogbozighi na phia, Ọrovwohwo Jesu kọ cha vwẹ ota rẹ unu rọye hwe ghwu kọ ghwọrọ vwẹ omavwọphia kugbe ẹcha rọye.

Taitọs 3:2

Wa ta ota omiomiovwi kpahe ohwo ọvuọvo-o, we sivwi oseghe-e, ru dẹndẹn, vwẹ oma kpotọ kẹ kohwo kohwo.

Jems 3:13

Ono re ghwanre ro vwo erianriẹn vwẹ usun rẹ ovwan na? E gbe jọ vwẹ omamọ rẹ eyere vẹ iruo esiri kugbe oma evwokpotọ dje aghwanre rọye phia.

Ẹvwọphia 1:16

Ọ da yọnre isio ighwrẹ vwẹ obọrhe, ọgbọdọ ọvo rọ dan prẹprẹ de yoro nẹ unu rọye rhe, opharo rọye kọ ruaro gala gala kerẹ ọnre.

Ẹvwọphia 19:11

Etiyin me da mrẹ odjuvwu ro rhie phihọ, mi vwo ni, me da mrẹ esi ọfuanfon! E de se ọ ro tidia vwẹ enu rọye na Ọresiri kugbe Uyota, vwẹ evun rẹ ọvwata ọye o de guẹdjọ ọye o de ji phiẹ ofovwi.

Ẹvwọphia 19:15

Ọlọkọ rọ dan prẹprẹ de yoro nẹ unu rọye rhe kọye ọ vwọ nyavwe ẹgborho na hwe, kọ vwẹ ọkpọ rẹ utehru sun ayen; ko che chiyi okọ rẹ imiemi rẹ ophu rẹ Ọghẹnẹ Ọrovwoẹgba.

Ẹvwọphia 2:16

Gbe kurhẹriẹ. Ọ dia eriyi-in, mi che bru ovwan rhe nanana ke me cha vwẹ ọlọkọ rẹ unu mẹ vwọ họnre ayen.