Aizaya 11:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ẹguọnọ rọye kẹ evun rẹ oshọ ẹdjẹ rẹ Ọrovwohwo ọ dia O dia obo rẹ ẹro rọye mrẹre o che ni vwo guẹdjọ-ọ eyẹ ọ cha vwẹ obo ro nyori brorhiẹ-ẹ,

Aizaya 11:3 ပူးပေါင်းရင်းမြစ်များ

2 Samuẹl 14:17

Ọmọtẹ wẹn de roro nẹ, Ota rẹ ọrovwovwe ovie kọ nẹrhẹ oma fuvwe; kidie ọrovwovwe ovie họhọ amakashe rẹ Ọghẹnẹ ro vughe emuesiri vẹ obrabra; Ọrovwohwo rẹ Ọghẹnẹ nene uwe dia.

2 Samuẹl 14:8

Etiyin ovie na da ta kẹ aye na, Kpo uwevwi wẹn, ki mi ji ohwo rhe vwẹ ẹro te we.

1 Ivie 3:28

Izrẹl ejobi de nyo orhiẹn rẹ ovie bruru na; udidi rẹ ovie de mu ayen, fikiridie ayen mrẹ vughe nẹ aghwanre rẹ Ọghẹnẹ rhere, rere o vwo bru orhiẹn rẹ ọsoso.

1 Ivie 3:9

Fiki ọtiọye na gba vwẹ erhi rẹ ẹruọ vwọ kẹ odibo wẹn ro vwo sun ihwo wẹn, rere mi se vwo vughe emu esiri vẹ emu umwemwu; kono se sun ihwo ibuebu wẹn nana?

ỌBE RẸ JOB 12:11

Erhọn rha davwẹ eta nẹ kirobo rẹ ẹrẹnvwe unu davwẹ emu?

ỌBE RẸ JOB 34:3

kidie orhọn davwẹ eta nẹ kirobo rẹ ẹrẹnvwe davwẹ emuọre.

Isẹ 2:5

kẹsiẹye wọ ke riẹn otọ rẹ oshọẹdjẹ rẹ Ọrovwohwo na ku wọ mrẹ erianriẹn rẹ Ọghẹnẹ.

Isẹ 2:9

Kẹsiẹna wọ ke cha riẹn otọ rẹ ọvwata vẹ orhiebro kugbe orhiọsoso vwẹ idjerhe kidjerhe esiri ejobi.

Aizaya 33:6

kọye cha nẹrhẹ akpọ wẹn mu vi, esivwo buebu, ẹghwanre kugbe erianriẹn, oshọ rẹ Ọrovwohwo kọye cha dia efe rọye

Izikiẹl 45:8

Ọye na kọye re cha dia ẹkẹn rẹ otọ rọye vwẹ Izrẹl na. Isun mẹ gbi che shenyẹ ihwo mẹ ọfa-a, ẹkẹvuọvo ayen ke jẹ uwevwi rẹ Izrẹl vwo otọ na kirobo ra gharọ kẹ orua rayen.

Maika 4:3

Ko che guẹdjọ rẹ ihwo buebu, ko brorhiẹ rẹ ẹgborho egangan re he ogboko, ayen ki che duvwu elọkọ rayen phihọ ighwro, ibiri rayen phihọ egbage re vwo fru odi; ẹgborho gbe kpare ọlọkọ vwọ so ẹgborho-o, ayen gbi che nyo umri rẹ ofovwi ọfa-a;

Iyẹnrẹ Esiri ri Luk 2:52

Jesu da rhe vọn vẹ aghwanre, ọ da rho ugboma, o de vwo ẹroesiri vwẹ obọ rẹ Ọghẹnẹ vẹ obọ rẹ ihwo.

Iyẹnrẹ Esiri ri Jọn 2:25

fikiridie ọ riẹn ihwo ejobi ọ gbe guọnọ nẹ ọvuọvo dia oseri kẹ ohwo-o; kidie ekpuyovwi rọye riẹn obo re hẹ evun rẹ ohwo.

Iyẹnrẹ Esiri ri Jọn 7:24

We nẹ opharo guẹdjọ-ọ, ẹkẹvuọvo we guẹdjọ rẹ ọsoso.

Hibru 5:14

Ẹkẹvuọvo emuọre ọgangan ọye a vwọ kẹ omirẹgua, kẹ eye ri vwo ọhọ ri se vwo vughe emu esiri vẹ ọbrabra.

1 Samuẹl 16:7

Ẹkẹvuọvo Ọrovwohwo da ta kẹ Samuel, wo nẹ ekroma rọye-e eyẹ obo rọ rhuoma te eyẹ ugrogro-o, fikiridie Me senrọ nure; kidie Ọrovwohwo nẹ kirobo rẹ ohwo rẹ akpọ nẹ-ẹ; ohwo rẹ akpọ nẹ ekroma, ẹkẹvuọvo Ọrovwohwo nẹ evun rẹ udu.