Aizaya 11:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Idjerhe rode kọ cha wan nẹ Asiria rhe vwọ kẹ umuku rẹ ihwo rọye ri chekọ, kirobo rọ epha kẹ Izrẹl ọke rẹ ayen vwo nẹ otọ rẹ Ijipt cha.

Aizaya 11:16 ပူးပေါင်းရင်းမြစ်များ

Ẹyano 14:22

Ihwo rẹ Izrẹl da yan otọ ọyaya ruẹ evun rẹ abadi na, ame na de mu igbẹhẹ vwẹ obọrhe vẹ obọhwẹre rayen.

Aizaya 1:9

Odiane kẹ Ọrovwohwo rẹ ofovwi je imi ihwo ẹvo vwo kẹ avwanre vwonẹ, mane kẹ avwanre a dia kerẹ Sodọm, ke avwanre a họhọ Gomora.

Aizaya 10:20

Vwẹ ẹdẹ yena umuku ri chekọ vwẹ Izrẹl kugbe iri ghwu chekọ vwẹ uwevwi ri Jekọp gbe cha vwẹ oma rere ohwo rọ ghwiẹ ayen na-a, ẹkẹvuọvo kẹ ayen vwẹ oma rẹrẹ Ọrovwohwo, Ọfuanfon Ọvuọvo re Izrẹl na, vwẹ ọ re uyota.

Aizaya 11:11

Vwẹ edẹ yena Ọrovwohwo kọ cha riẹn obọ rọye vwẹ obọ rivẹ rhe vwọ ghwẹ umuku rẹ ihwo rọye ri chekọ, nẹ Asiria rhe, nẹ Ijipt, nẹ Patios, nẹ Itiopia, nẹ Elam, nẹ Shinar, nẹ Hamat, kugbe irere re hẹ obo oma rẹ urhie.

Aizaya 19:23

Vwe ẹdẹ yena idjerhe rode kọ cha dia nẹ Ijipt re te Asiria ihwo rẹ Asiria ke rhe Ijipt, ihwo re Ijipt ke re Asiria, ihwo re Ijipt kugbe Asiria ki kuomaghe ga vwe asan ọvo.

Aizaya 27:13

Vwẹ ẹdẹ yena ke che hworo ọgban rode, ihwo ri ghwruru vwẹ otọ rẹ Asiria kugbe e ra djẹre kpo otọ rẹ Ijipt ke cha rhe rhe ga Ọrovwohwo na vwẹ enu rẹ ugbenu ọfuanfon vwi Jerusalẹm.

Aizaya 49:11

Ki mi che ru igbenu Mẹ ejobi phihọ idjerhe, idjerhe ride Mẹ ejobi ka vọnrhọn ayen kpenu.

Aizaya 49:12

No, enana cha no ogboko rhe, nighere, enana cha nẹ obọhwẹre vẹ obuko ọnre rhe, enana ki che nẹ obọ ri Syene rhe.

Aizaya 51:10

Ọ dia owẹ re nẹrhẹ urhie na kpọ mu, ame okokodo rode na; we ri ru idjerhe phihọ okokodo rẹ urhie rere e ra tan hirhe na vwọ wan vrẹn?

Aizaya 57:14

Ka cha ta vwọ kpahọ nẹ, Bọn phihọ, bọn phihọ, rhuẹrẹ idjerhe na, si uchukurhe umwemwu rẹ idjerhe rẹ ihwo Mẹ no

Aizaya 62:10

Wan anurhoro na, wan inurhoro na, rhuẹrẹ idjerhe na phihọ kẹ ihwo na; gbẹn gbẹn idjerhe rode na phihọ, tọrọ ibieragha nọ, kpare oka ke ihwo na mrẹ.

Zẹfanaya 2:7

Obo erhuru na ko che hirhe phihọ ẹkẹn rẹ umuku rẹ ihwo ri chekọ vwẹ uwevwi ri Juda, kẹ etiyin ayen da cha ghẹrẹ ichuru, vwẹ uwevwi rẹ Ashkẹlọn kẹ etiyin ayen che shevwerhẹ vwẹ ovwọnvwọn. Kidie Ọrovwohwo Ọghẹnẹ rayen kọ davwerhọ rẹ ayen kọ vwẹ ughwẹ rayen rhivwi rhe ayen.