Aizaya 11:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ọrovwohwo kọ cha guọghọ ẹrenvwe rẹ urhie rẹ Ijipt tototo; ko kpogho obọ phihọ enu rẹ Abadi rẹ Ijipt Vẹ odju ọtotorhẹ rọye o me gharọ kpo abada ighwrẹ rẹ ihwo mrasan wan otọ ọyaya vrẹn.

Aizaya 11:15 ပူးပေါင်းရင်းမြစ်များ

Ẹyano 14:21

Mosis da riẹn obọ rọye phihọ abadi na; Ọrovwohwo da djẹ abadi na kpo uko vwẹ odju ọgangan ro dju nẹ obaro ọnre rhe vwẹ ason na ejobi, o de ru abadi na kpọ yamu, ame na da ghare.

Ẹyano 14:22

Ihwo rẹ Izrẹl da yan otọ ọyaya ruẹ evun rẹ abadi na, ame na de mu igbẹhẹ vwẹ obọrhe vẹ obọhwẹre rayen.

Ẹyano 14:29

Ẹkẹvuọvo ihwo rẹ Izrẹl da wan otọ ọyaya vrẹn vwẹ abadi na, ame na da dia igbẹhẹ kẹ ayen vwẹ ẹbẹre nana te ẹbẹre yena.

Aizaya 19:16

Vwẹ ẹdẹ yena, ihwo rẹ Ijipt na ke cha họhọ eya, ke cha phariẹ vẹ oshọ vwọ kẹ obọ na rẹ Ọrovwohwo rẹ otuofovwi che kpogho phihọ ayen na.

Aizaya 43:16

Enẹ Ọrovwohwo tare, rọ gbẹn idjerhe phiyọ abadi, rọ jẹ obẹlẹ phiyọ ame rode na,

Aizaya 44:27

onọ re ta kẹ ikokodo na nẹ, Kpọ, yamu, ki mi ru irhie wẹn na kpọ fiotọ,

Aizaya 50:2

Mavọ, ọke Me vwọ rhe, ohwo gbe herọ-ọ? Ọke Mi vwo se, o rhe vwo ohwo ro nyori-i? Obọ Mẹ krẹnọ, ro vwo je ohwo ẹtan? Gbine Mi vwo ogangan re vwo sivwẹ-ẹ? Nighere, vwẹ ẹghwọ re unu mẹ abadi na kọ kpọ, Mi ru urhie na phihọ aton, iyeri rayen ki gbo kidie ame herọ-ọ i mu ghwu fiki r;pe urhuru rẹ ame.

Aizaya 51:11

i re si nẹ ijọpha re Ọrovwohwo na mrasan rhivwi, ayen Me rhe vẹ ine ẹsuọ vwọ rhe Zayọn, aghọghọ ri bẹdẹ na kọ dia uyovwi rayen, kẹ ayen vwo aghọghọ vẹ omavwerhe, te oja vẹ unuẹfiọn ke dje ghwru.

Aizaya 63:12

ono ri ru igbabọ rẹ urinrin na nẹ o kpo oborhe ri Mosis, rọ hẹriẹ ame na kẹ ayen wan rọ vwọ re odẹ re rara kẹ oma rọye,

Aizaya 7:20

Vwẹ ẹdẹ yena Ọrovwohwo kọ vwẹ are wanre ihwo re durhie nẹ ovrẹn rẹ Urhie na rhe–vẹ ovie rẹ Asiria–uyovwi vẹ ẹto rẹ awọ ka je wanre ẹtuegba rayen rhe.

Aizaya 8:7

fiki rẹ ọtiọye na nighe, Ọrovwohwo cha reyọ ame rẹ Urhie na vwo ku ayen ame rode buebu, ovie rẹ Asiria kugbe urinrin rọye ejobi; ame na ko che phoro igbo na ejobi kugbe egbẹn rayen,

Izikiẹl 29:10

fiki rẹ ọtiọye na, nighere, ki mi mu kpahe owẹ, mi ji mu kpahe irhie wẹn, ki mi ru otọ rẹ Ijipt vwọ hirhe phihọ asan ra kua nu vẹ erhurhu diodi, nẹ Migdol re te Siyene, rhiri re te ughwru rẹ Itiopia.

Izikiẹl 30:12

Ki mi ru Nile kpọ ke me shẹ otọ na kẹ ihwo umwemwu, ke me cha kua otọ na vẹ obo re herọ ejobi fiotọ, vwẹ obọ rẹ erhorha, Mẹvwẹ, Ọrovwohwo, re tarọ.

Zekaraya 10:11

Ayen cha wan urhie rẹ Ijipt vrẹn, ka teye ọgbogho rẹ urhie na, ru ikokodo rẹ Nile ejobi yamu. A vwẹ eheri rẹ Asiria totọ, ọkpọ rẹ uvie rẹ Ijipt gbe dia-a.

Ẹvwọphia 16:12

Amakashe resan de ku udjokpo rọye phihọ urhie rode na Yufretis, ame rọye da kpọ yamu, rere ivie re hẹ obaro ọnre vwọ mrasan wan.