Aizaya 11:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ẹkẹvuọvo kẹ ayen che pho mu igabọ ri Filistia ri obuko ọnre, kẹ ayen kuomagbe ra kua ihwo ri obaro ọnre. Ke ayen riẹn obọ vwọ so Idọm kugbe Moab ihwo rẹ Ammọn ki mu ọghọ kẹ ayen.

Aizaya 11:14 ပူးပေါင်းရင်းမြစ်များ

Aizaya 14:29

Wa ghọghọ-ọ E Filistia, ovwan ejobi, nẹ evwirhi ọkpọ ra vwọ ghwiẹ wẹ, kidie nẹ owọ rẹ ọrọdekọ rhe, Etiyin ọrobiebi che nurhe, emamọ rọye ke cha dia ọrọdekọ rọ rhan.

Aizaya 15:1

Aroẹmrẹ ra mrẹ kpahe Moab. Kidie a guọghọ Ar tototo vwe ason ọvuọvo na, Moab wo ghwru nure; kidie a guọghọ Kir te otọ vwẹ ason ọvuọvo na, Moab wo ghwru nure.

Aizaya 16:14

Ẹkẹvuọvo Asakiephana Ọrovwohwo tare nẹ, Vwẹ ikpe erha, kerẹ ikpe rẹ ohwo re durhieri, urinrin ri Moab ka cha vwọ jehwẹ, vwẹ obo rẹ ihwo rọye bu te na, imihwo re cha rhọ ke dia hahavwe guọguọ

Aizaya 25:10

Kidie Ọrovwohwo cha ghwobọ kpahe ugbenu nana, ke che chiyi Moab phihọ otọ vwẹ asan rọ epha, kirobo re chiyi ẹbe eyaya muotọ vwẹ erhurhu

Aizaya 33:1

Ekan ke we, oghwọrọ na, kono ekpuyovwi wẹn je ẹghwọrọ; wẹ ohwo ogbarogba na, ohwo ve owe ji ru emu ogbarogha devo-o Ọke wọ da ghwọrọ ihwo nu, ekpuyovwi wẹn ka je ghwọrọ owe; ọke wo de ru ogbarogba ru wo se ru nure, ke ji nene uwe ru emu ogbarogba rhe.

Aizaya 59:19

Ọtiọye na kẹ ayen cha djẹ oshọ rẹ Ọrovwohwo nẹ obuko ọnre rhe, urinrin rọye nẹ ẹvacha rẹ ọnre rhe, ọ cha rhe kerẹ uto rọ dje ọkẹre rẹ odju rẹ Ọrovwohwo muẹ vwọ djẹ.

Aizaya 60:14

Emọ re ihwo ri shenyẹ wẹ ke cha rhe ri shiguẹ te otọ kẹ wẹ, kugbe ihwo ejobi re je wẹ fia ki che shiguẹ vwẹ asan awọ wẹn, ke ayen che se we Orere rẹ Ọrovwohwo, Zayọn rẹ Ọfuanfon Ọvuọvo rẹ Izrẹl na.

Aizaya 63:1

Ona ono ro ne Idọm cha na, rọ vẹ iwun rẹ ododo gbe nẹ Bozrah cha, ro muẹ urinrin vwe evun rẹ irhuo rọye, ro chiyẹ cha vwe evun rẹ ogangan rọye rode? Mẹvwẹ, ri ghwoghwo ase ẹriọ, kugbe ẹgba rẹ esivwo.

Aizaya 9:12

Otu ri Siria vwẹ obaro ọnre kugbe Filistia vwẹ obuko ọnre mi rhie unu vwo mu Izrẹl rọ. Kidie vwẹ enana ejobi na ophu rọye feuri-i yẹn obọ rọye je riẹn phia.

Jerimaya 40:11

Eriyin rhe, ọke rẹ ihwo ri Ju re hẹ obi Moab, vẹ uherevie rẹ ihwo rẹ Amọn vẹ e re hẹ obi Idọm kugbe e re hẹ obo etọ efa vwo nyo nẹ ovie ri Babilọn yan jẹ ihwo evo vwo vwẹ evun ri Juda nẹ ọ vwẹ Gedalaya ọmọ rẹ Ahikam rẹ ọmọ in Shafan mu osun vwẹ enu rayen,

Jerimaya 48:40

Kidie enẹ Ọrovwohwo tare: Nighe, ọvo cha rhan pherephere kerẹ ugo, kọ bẹrẹ ibekpe rọye sa Moab,

Jerimaya 49:2

Ọtiọye na, gbe nighe, ede cha, eriyin Ọrovwohwo tare, ri mi che vwo ruo re de nyo edo rẹ ofovwi kpahe Rabba rẹ ihwo rẹ Amọn, ọ che hirhe phihọ ẹrhẹnre rẹ ekpẹn ofefe, a cha vwẹ erhanre torhẹ ighwre rọye, kẹsiẹye Izrẹl ke kua ihwo re kuarọ jovwo na, eriyin Ọrovwohwo tare.

Jerimaya 49:22

Nighe, ọvo cha kparoma rọ da rhan pherephere kerẹ ugo, ko rhie ibekpe rọye phihọ kpahe Bọzra, udu rẹ egbofovwi rẹ Idọm vwẹ ẹdẹ yena ke họhọ ọ rẹ aye rọ chuẹ uvwiẹ,

Jerimaya 49:28

Vwọ kpahe Kedar vẹ uvie ri Hazọ ri Nebukadreza ovie ri Babilọn teyere na. Enẹ Ọrovwohwo na tare Vren, ra vwọ so Kidar! Guọghọ ihwo rẹ obaro ọnre na!

Izikiẹl 25:14

Ke me reihri vwẹ obo rẹ Idọm vwẹ oma rẹ ihwo mẹ Izrẹl, kẹ ayen che ruẹ vwẹ Idọm kirobo rẹ ivuemiovwo mẹ epha kugbe obo rẹ ophu mẹ epha, ke ayen riẹn ihri ẹriọ mẹ, eriyin Ọrovwohwo Ọghẹnẹ tare.

Daniẹl 11:41

Kọ che te otọ rẹ urinrin na. Ihwo uriori ihwe ki che she, ẹkẹvuọvo e che sivwi enana nẹ obọ rọye. Edọm vi Moab kugbe etọ rọ ma rhọ vwi Amọn.

Joẹl 3:19

Ijipt kọ cha rhoma dia ofefe Edom kọ cha dia aghwa ofefe ghevweghe, fiki rẹ emu ogbarogba re ru kẹ ihwo ri Juda, kidie ayen sun ọbara rẹ ekun te otọ vwẹ otọ rayen.

Emọs 9:12

rere ayen mrẹ asan reyọ asan ro chekọ vwẹ Edọm vẹ ẹgborho na ejobi ra vwẹ odẹ mẹ se, eriyin Ọrovwohwo rọ ru ọnana na tare.

Habakọk 1:8

Iyesi rayen djẹ onẹ phẹre nọ edjanakpo, i muoshọ nẹ ikpohrokpo rẹ ovwọnvwọn; otu re gua iyesi rayen ra gọlọ hẹ obaro. Uyota, otu re gua iyesi rayen ogboko i nurhe, e rhan kerẹ ugo rọ mrẹ obo ro re fru.

Zẹfanaya 2:5

Ekan kẹ ovwan re dia obo erhuru rẹ abadi na, ovwan ẹgborho rẹ ihwo ri Kẹrẹt. Ota rẹ Ọrovwohwo na wẹ a tarọ kpahe, E Kenan, otọ rẹ ihwo ri Filistia; ke me guọghọ owẹ bẹsiẹ rẹ a vwọ mrẹ nẹ ohwo ọvuọvo gbi chekọ-ọ.

Zẹfanaya 2:7

Obo erhuru na ko che hirhe phihọ ẹkẹn rẹ umuku rẹ ihwo ri chekọ vwẹ uwevwi ri Juda, kẹ etiyin ayen da cha ghẹrẹ ichuru, vwẹ uwevwi rẹ Ashkẹlọn kẹ etiyin ayen che shevwerhẹ vwẹ ovwọnvwọn. Kidie Ọrovwohwo Ọghẹnẹ rayen kọ davwerhọ rẹ ayen kọ vwẹ ughwẹ rayen rhivwi rhe ayen.

Zẹfanaya 2:9

Vwẹ ọtiọye na, kirobo re me herọ na, Eriyin Ọrovwohwo rẹ otuofovwi na tare, Ọghẹnẹ rẹ Izrẹl na, Moab kọ cha họhọ Sodọm, ihwo rẹ Ammọn kerẹ Gomora, otọ rọ vọnre vẹ avwrọgbo kugbe esokpọ ra kua fiotọ bẹdẹ. Umuku rẹ ihwo mẹ ri chekọ ki gborho ayen, ihwo ri ghwu cheko vwo ẹgborho mẹ na ki che vwo ayen.

Ukeri 24:17

Me mrẹrẹ, ẹkẹvuọvo yọ dia asakiephana-a, mi niro ẹkẹvuọvo o si kẹrẹ-ẹ isio ọvo che nẹ oma ri Jekọp rhe ọkpọ ọvo che nẹ evun rẹ Izrẹl rhe; Kọ cha guọghọ uyovwi ri Moab, ko che vwirhi emọ ri Shet kuotọ.

Matiu 8:11

Me ta kẹ ovwan nẹ, ihwo buebu che nẹ obaro ọnre rhe kugbe obọrhe ọnre, i mi rhi tidia kugbe Ebraham, Aizik kugbe Jekọp vwẹ uviẹ rẹ Ọghẹnẹ.

Iguẹdjọ 6:3

Kidie ọke rẹ ihwo rẹ Izrẹl da kọn ekankọn phihọ otọ nu ihwo ri Midian kugbe ihwo rẹ Amalẹk vẹ ihwo re dia obaro rẹ ọnre na Me kpare ohọnre bru ayen rhe;