Aizaya 11:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Vwẹ edẹ yena Ọrovwohwo kọ cha riẹn obọ rọye vwẹ obọ rivẹ rhe vwọ ghwẹ umuku rẹ ihwo rọye ri chekọ, nẹ Asiria rhe, nẹ Ijipt, nẹ Patios, nẹ Itiopia, nẹ Elam, nẹ Shinar, nẹ Hamat, kugbe irere re hẹ obo oma rẹ urhie.

Aizaya 11:11 ပူးပေါင်းရင်းမြစ်များ

Jẹnẹsis 10:10

Emuophihọ rẹ uvie rọye ki Babẹl, Erẹk kugbe Akad, enana ejobi kẹ otọ ri Shinar epha.

Jẹnẹsis 10:22

Emọ ri Shẹm: Elam, Asshur, Apak-shad, Lud, kugbe Aram.

Jẹnẹsis 11:2

Ọke rẹ ihwo vwọ kua nẹ abọ rẹ ọnre da vacha re, ayen da rhe mrẹ uphephe ọvo vwẹ otọ ri Shinar ayen da dia Etiyin.

Jẹnẹsis 14:1

Ọke rẹ Amrafel vwọ ovie ri Shinar, Ariọk ke ovie re Elasai, Chedor-laomer kẹ ovie rẹ Elam, Tidal kẹ ovie ri Goiim,

Jẹnẹsis 2:13

Odẹ rẹ urhie rivẹ ki Gihọn, urhie nana re djẹ wan ubrotọ ri Kush.

Ivie rẹ Ivẹ 17:24

Ovie rẹ Asiria da kua ihwo nẹ Babilọn rhe, vẹ Kuta, vẹ Ava, Hamat, vi Sefavem rhe, ọ da ghwẹ ayen phihọ irere ri Sameria ra kua ihwo rẹ Izrẹl nu na, ayen de rhe vwo Sameria, ayen de yeri irere rọye.

Ẹsta 10:1

Ovie Ahasuerus de bru arhọghọ nene otọ na ejobi vẹ unuerhuru na ejobi.

Une rẹ Ejiro 68:22

Ọrovwohwo na tare, Me sa reyọ ayen rhivwi nẹ Bashan rhe, Me sa reyọ ayen nẹ obọ okokodo rẹ abadi rhe,

Aizaya 1:9

Odiane kẹ Ọrovwohwo rẹ ofovwi je imi ihwo ẹvo vwo kẹ avwanre vwonẹ, mane kẹ avwanre a dia kerẹ Sodọm, ke avwanre a họhọ Gomora.

Aizaya 10:20

Vwẹ ẹdẹ yena umuku ri chekọ vwẹ Izrẹl kugbe iri ghwu chekọ vwẹ uwevwi ri Jekọp gbe cha vwẹ oma rere ohwo rọ ghwiẹ ayen na-a, ẹkẹvuọvo kẹ ayen vwẹ oma rẹrẹ Ọrovwohwo, Ọfuanfon Ọvuọvo re Izrẹl na, vwẹ ọ re uyota.

Aizaya 10:9

O dianẹ Kalno họhọ Kikamishi-i? O dianẹ Ramat họhọ Apadi-i? Ọ dianẹ Sameria họhọ Damaskọ-ọ?

Aizaya 11:16

Idjerhe rode kọ cha wan nẹ Asiria rhe vwọ kẹ umuku rẹ ihwo rọye ri chekọ, kirobo rọ epha kẹ Izrẹl ọke rẹ ayen vwo nẹ otọ rẹ Ijipt cha.

Aizaya 19:21

Ọrovwohwo kọ vwẹ oma rọye kẹ ihwo re Ijipt riẹn, ihwo rẹ Ijipt ke riẹn Ọrovwohwo vwẹ ẹdẹ yena kẹ ayen ga vẹ izobo kugbe izobo ẹtorhẹ, ayen ki ve ive kẹ Ọrovwohwo kẹ ayen hwaosa rẹ ive na.

Aizaya 19:22

Ọrovwohwo kọ ghwiẹ Ijipt ọ ghwiẹ jẹn o sivwẹ, ayen ki rhivwi bru Ọrovwohwo rhe, ko nyo orẹ rayen o mi sivwi ayen.

Aizaya 21:2

A da mrẹ emramre ọtuatua kẹ vwẹ, ogborhugborho re gborho, ọguọghọ ra ghwọrọ. Yanran, E Elam kpo imu, E Media; unuẹfion rọ fẹrẹ ejobi me vwẹ ayen te oba.

Aizaya 22:6

Elam ghwa ekpọ rẹ ibigẹn vẹ ekpẹrẹ kugbe ihwo re gua iyesi, Kir da guọnọ ekpọfia na phia.

Aizaya 24:15

Fiki rẹ ọtiọye na vwẹ urinrin kẹ Ọrovwohwo vwẹ obaro ọnre, vwẹ orhoma re abadi na ejobi, vwẹ urinrin kẹ odẹ re Ọrovwohwo, Ọghẹnẹ re Izrẹl.

Aizaya 37:31

Yẹ ihwo ri ghwu chekọ vwẹ uwevwi ri Juda cha rhoma tan awọ kpotọ, e me rha mọ emamọ vwẹ obenu,

Aizaya 42:10

So ine kẹ Ọrovwohwo une ọkpokpọ, ejiro rọye nẹ oba rẹ akpọ rhe! Jẹn urhie kperi kugbe obo re yọnrọn ejobi, erhuru na vẹ ihwo re dia ayen.

Aizaya 42:12

Jẹn ayen vwẹ urinrin kẹ Ọrovwohwo, wo ghwoghwo ejiro rọye vwẹ erhuru na ejobi.

Aizaya 42:4

Ọ cha bẹ-ẹn eyẹ ke ofu dje-e bẹsiẹ rọ vwẹ ọsoso vwo chivwi akpọ na, erhuru na ejobi ke cha hẹrhẹ urhi rọye.

Aizaya 45:14

Enẹ Ọrovwohwo rẹ otuofovwi na tare. Efe rẹ Ijipt kugbe oghwa rẹ ineki rẹ Etiopia, kugbe ihwo ri Seba, eshare puma, ki bru we rhe ke dia ewẹn ki nenẹ uwe. ke rhe vẹ igoni vwẹ obọ rhi shiguẹ kẹ wẹ. Ayen ke rẹ wẹ tanẹ; Ọghẹnẹ vẹ owẹ ọvo re gba herọ, ọfa gbe herọ-ọ, Ọghẹnẹ ọfa rọ barọ gbe herọ-ọ.

Aizaya 49:12

No, enana cha no ogboko rhe, nighere, enana cha nẹ obọhwẹre vẹ obuko ọnre rhe, enana ki che nẹ obọ ri Syene rhe.

Aizaya 66:19

ke Me cha vwẹ oka vi vwẹ uherevie rẹ ayen. Vwẹ uherevie rẹ ayen ri ghwu chekọ na mi de ji ihwo kpo ẹgborho na, kpo Tarshish, Put, kugbe Lud, ri siẹ umurhabọ, kpo Tubal kugbe Javan, re te erhuru re hẹ ogboko na, ri ji nyo usi mẹ-ẹ eyẹ mrẹ urinrin mẹ-ẹ; ayen ki che ghwoghwo urinrin mẹ vwẹ ohri re ẹgborho na.

Jerimaya 25:25

Ivie ri Zimri ejobi, ivie rẹ Elam ejobi, kugbe ivie ri Midia ejobi.

Jerimaya 31:10

Nyo ota rẹ Ọrovwohwo, E ẹgborho na, rere wo ghwoghwo vwẹ erhuru rẹ obo ogboko na, ta nẹ, Ọ rọ hra Izrẹl na ji che koko, ọ je cha sẹro rọye kirobo rẹ osuigegede sẹro rẹ igegede rọye.

Jerimaya 44:1

Ota ro bru Jerimaya rhe kpahe ihwo ri Ju ejobi re dia otọ rẹ Ijipt, vwi Tapanhes, vwi Mẹmfis, vẹ otọ rẹ Patrọs.

Jerimaya 49:23

Vwọ kpahe Damaskọs Hamat vẹ Apad kpoghore, kidie ayen nyo ikun omiomiovwo re, Ayen ra wran vwẹ evun rẹ oshọ, kerẹ abadi rọ họnran rọ sa fon riẹi.

Izikiẹl 27:6

Vwẹ ehahe ri Bashan ọye ayen vwọ kare uvi wẹn, ayen da vwẹ afọn so erheri ọ ro nẹ erhuru ri Saiprọs rhe, ra vwẹ akeni vwọ phare.

Izikiẹl 29:14

ke me rhoma vwẹ efe rẹ Ijipt rhivwi rhe, ke me vwẹ ayen rhivwi kpo otọ ri Patrọs, otọ rẹ ayen nurhe, kẹ etiyin ayen da dia uvie rẹ ayen kpoghono vwẹ akpọ na,

Izikiẹl 30:14

Ke me kua Patrọs fiọtọ, ki mi phi erhanre phihọ Zoan, ki mi vwi Thebes gu ẹdjọ.

Izikiẹl 32:24

Elam hẹ etiyin vẹ otu rọye ejobi re gba riariẹ ushi rọye; ayen re hweri, ra vwẹ ọlọkọ hwe, re vẹ upheruphe gbe kpo akpọ rẹ obotọ, re vwẹ uguegue muẹ ihwo vwẹ otọ rẹ ihwo ekpokpo, ke ayen ghwa oghwa rẹ omaẹvuọ rayen kugbe ayen ihwo ri kpo obo Ukpotọ

Izikiẹl 38:8

Ẹdẹ buebu da wan nu ku wọ cha ghwẹ koko gbidi, vwẹ ikpe re cha vwẹ obaro na ku wọ ra vwẹ ofovwi vwọ so otọ na re si nẹ obọ rẹ ofovwi na, otọ rẹ ihwo da rhe ghwẹ koko nẹ ẹgborho buebu rhe rhi koko vwẹ igbenu rẹ Izrẹl, ra kua jovwo rhabae; ihwo ra ghwẹ nẹ ẹgborho na rhe. Asakiephana egbemọphẹ kọye ayen epha, ayen ejobi re kpae.

Daniẹl 1:2

Eriyin Ọrovwohwo de phi Jehoiakim, ovie ri Juda phihọ obọ rọye, vẹ ekuakua evo rẹ uwevwi rẹ Ọghẹnẹ, ọ da ghwẹ ayen kpo otọ ri Shina, vwọ kpo uwevwi rẹ ẹdjọ rọye, ọ da ghwẹ ekuakua na phihọ uwevwi rẹ efe rẹ ẹdjọ rọye.

Daniẹl 11:18

Ukuko rọye kọ che hirhe epharo ku obo erhuru na kọ reyọ ayen buebu, ẹkẹvuọvo onotu ọvo ko che phi oba phihọ arọeyivwo rọye ọruyota kọ cha nẹrhẹ ọjẹfia rọye rhọma she hwe.

Daniẹl 8:2

Me da mrẹ vwẹ evun rẹ emramrẹ na; mi vwo ni, kẹ otorho ri Susa mie pha, vwẹ ubrotọ rẹ Elam; me da mrẹ vwẹ evun rẹ emramrẹ na, nẹ oma rẹ urhie rẹ Ulai mie pha.

Hosia 1:11

Te ihwo ri Juda vẹ ihwo rẹ Izrẹl ka ghwẹ ayen koko, kẹ ayen vwẹ ohwo ọvo mu osun kẹ oma rayẹn, kẹ ayen yan nẹ otọ na, fikiridie ẹdẹ ri Jezrẹl cha rho gangan.

Hosia 11:10

Ayen che nene Ọrovwohwo, ko che kperi kerẹ okpohrokpo, e, o che kperi, emọ rọye ki che nẹ obuko ọnre rhe vẹ ophariẹ;

Hosia 11:11

Ayen cha vẹ ophariẹ kerẹ emephran ri nẹ Ijipt cha, kerẹ ilekuku ri nẹ Asiria cha, ke me vwẹ ayen rhivwi kpo iwevwi rayen, eriyin Ọrovwohwo tare.

Maika 7:12

Vwe ẹdẹ yena ayen ki che bru we rhe, nẹ Asiria re te Ijipt, nẹ Ijipt rhe re te Urhie na, nẹ abadi re te abadi nẹ ugbenu re te ugbenu.

Zẹfanaya 2:11

Ọrovwohwo na cha vwẹ oshọ mu ayen, eriyin ọ cha vwẹ owẹvwe hwe edjọ rẹ otọ na, kọye ayen che shiguẹ kẹ, dohwo dasan rọye, etọ rẹ ẹgbọrho na ejobi.

Zekaraya 5:11

Ọ da ta kẹ vwẹ, Vwo kpo otọ ri Shina, rere a bọn uwevwi kẹ; ọke ra da rhuẹrẹ ọnana nu, ayen ki mu ovwanvwọn na kpahe otọ vwẹ asan rọyen.

Zekaraya 8:7

E nẹ Ọrovwohwo rẹ otuofovwi tare: Nighere, mi che sivwi ihwo Mẹ nẹ orho rẹ obaro ọnre vwo nẹ orho rẹ obuko ọnre rhe,

Zekaraya 9:2

Ji te Ramat ro gbere ughwru na, Taya vẹ Saidọn, owenẹ ayen ghwanre dede.

Ọbe ri Pọl si rhe Ihwo ri Rom 11:15

Ẹsiọn rẹ ihwo ri Ju da nẹrhẹ arhuẹrẹ akpọ na kugbe, ẹreyọ rayen kẹ arhọ rẹ evrenushi?

Ọbe ri Pọl si rhe Ihwo ri Rom 11:26

ọtiọye na ihwo rẹ Izrẹl ejobi ke sivwi ayen; kirobo re siro nẹ, Osivwi na ko nẹ Zayọn rhe, kọ djẹ ijẹfuọn nẹ Jekọp;

2 Kọrẹnt 3:16

Ẹkẹvuọvo ọke re ohwọ de hirhe oma ku Ọrovwohwo na ke si oga na no.

Urhi Rivẹ 9:29

Dede na ihwo wẹn vẹ ukuẹriọ wẹn ayen ruẹọ, e re Wọ vwẹ ogangan Wẹn rode kugbe ugbobọ wẹn reyọ rhe na.