Aizaya 11:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ẹro ko che yoro nẹ uchuku ri Jessi rhe, oghọn kọ cha tan nẹ esiri rọye rhe.

Aizaya 11:1 ပူးပေါင်းရင်းမြစ်များ

2 Samuẹl 23:3

Ọghẹnẹ rẹ Izrẹl ta nure, oragha rẹ Izrẹl ra kẹ vwẹ. ọke rẹ ọvo de suẹn ihwo vwẹ ọ rẹ ọsoso ro de suẹn vwẹ oshọ rẹ Ọghẹnẹ,

1 Ikun rẹ Ivie 2:12

Boaz rẹ Obẹd, Obẹd ri Jesse.

Une rẹ Ejiro 145:11

Ayen che gbe ikun rẹ urinrin rẹ uvie wẹn, kugbe ikun rẹ ogangan wẹn,

Aizaya 11:10

Vwẹ ẹdẹ yena owọ ri Jessi na ko che mudia pọe kerẹ oka vwọ kẹ ihwo na; ọye irere na cha guọnọ, ẹdia rọye kọ mu urinrin.

Aizaya 4:2

Vwe ẹdẹ yena oghọ na rẹ Ọrovwohwo na kọ cha dia erhuvwu kugbe urinrin, emamọ re otọ na kọye cha dia omẹyan ọ re urinrin rẹ otu rẹ ihwo re rhọre vwẹ Izrẹl.

Aizaya 53:2

Kidie ọ rho vwẹ irharo rọye kerẹ urhe ọboba, kerẹ owọ rẹ urhe rọ djẹ nẹ otọ ọyaya rhe, o vwo irhen eye erhuvwu ro siurhuru re vwo no-o, erhuvwu ọvuọvo rhere ro vwo je ohwo-o.

Aizaya 6:13

Ọ da tobọ dianẹ ẹkehwe chekọ vwọ, a cha torhẹ kirẹ uloho eyẹ ọhahe, rẹ uchuku rọye chekọ siẹ re de she nu. Ubi ọfuanfọn na ọye hẹ uchuku na.

Aizaya 9:6

Kidie avwanre e vwiẹ ọmọ na kẹ, avwanre a vwẹ ọmọ na kẹ, isuesun na kẹ igabọ rọye ọ cha dia, ke se odẹ rọye Ọgba-Aghwanre, Ọghẹnẹ ro vwo Ogangan, Ọsẹ ri Bẹdẹ, Ọmọ rẹ ovie rẹ Ufuoma.

Aizaya 9:7

Obuebu rẹ isuesun rọye vẹ ufuoma rọye se vwo oba-a vwe enu rẹ ekete ri Devid, kugbe enu rẹ uvie rọye, rọ tọn phihọ, rọ yọnrọn vwẹ ọsoso vẹ ọvwata ne ọke nana yanran rhiri bẹdẹ. Oruru rẹ Ọrovwohwo rẹ otuofovwi na yi ri ru ọna.

Jerimaya 23:5

Nighe, ẹdẹ cha, Ọrovwohwo tare, me cha vwọ kpare oghọn rẹ ọvwata kẹ Devid, kọ re uvie kerẹ ovie ọghwanghwanre, ko brorhiẹ rẹ ọsoso vẹ ọvwata vwẹ otọ na.

Jerimaya 33:15

Vwẹ ẹdẹ yena kugbe ọke yena ki mi che ru re Oghọn rẹ ọvwata vwo yoro phia kẹ Devid, kọ bru orhiẹn rẹ esiri vẹ ọ rẹ ọvwata vwẹ otọ na.

Izikiẹl 17:22

Enẹ Ọrovwohwo Ọghẹnẹ tare: Ekpuyovwi mẹ kọ reyọ omoghọn nẹ obo ẹroro rẹ igedu na rhe, ke me vwọ phia, ki mi vwirhi oghọn ọboba nẹ obo ẹroro rọye, ke me kọn phihọ enu rẹ ugbenu ro kpenu gogorogo.

Izikiẹl 37:25

Ayen ke dia otọ na rẹ esẹ rẹ ovwan diare re me vwọ kẹ odibo mẹ Jekọp, te ayen te emọ rayen kugbe uvwiẹ rayen ke dia etiyin bẹde; Devid odibo mẹ kọ dia osun rayen bẹdẹ.

Maika 5:2

Ẹkẹvuọvo wẹ, E Bẹtlẹhẹm Efrata, wẹ re ma hanvwe vwẹ usun rẹ uvwiẹ ri Juda, oma wẹ ọye ohwo ọvo che nurhe kẹ vwẹ rọ cha dia osun vwẹ Izrẹl, ohwo rọ herọ nẹ awanre rhe, nẹ ọke re rhabae rhe.

Zekaraya 3:8

Gbe nyo asakiephana, E Joshua orherẹn ro kpenu na, wọwẹ vẹ igbeyan wẹn ri tidia obaro wẹn, kidie ayen ihwo ri vwẹ oka esiri; nighe, Me Oghọn rọ dia odibo mẹ na rhe.

Zekaraya 6:12

re wọ ta kẹ, E nẹ Ọrovwohwo rẹ otuofovwi na tare, nighe, ohwo rẹ odẹ rọye dia Oghọn na: kidie ọ cha rho vwẹ ẹdia rọye, ọ cha bọn uwevwi rẹ Ọrovwohwo na.

Matiu 1:1

Ọbe rẹ orua rẹ Jesu Kristi, ọmọ rẹ Devid; ọmọ rẹ Ebraham.

Ọbe ri Pọl si rhe Ihwo ri Rom 15:12

Ọfa, Aizaya tare nẹ, Vwẹ evun rẹ uvwiẹ ri Jẹsse na ohwo ọvo che mu ro che sun ihwo ri Keferi; ọye ihwo ri Keferi na che phiẹrohọ.

Hibru 7:14

Kidie o muẹro nẹ orua ri Juda ọye Ọrovwavwanre nurhe, yi Mosis ta ota rẹ orherẹn ọvuọvo kpahe orua yena-a.

Ẹvwọphia 22:16

Mẹvwẹ ri Jesu ri ji amakashe mẹ rhe we ro se iseri nana kẹ ishọshi na. Mẹvwẹ hẹ owọ kugbe upene ri Devid, isio rẹ irhiọke ro lo.

Ẹvwọphia 5:5

Etiyin ọvo vwẹ ekpako na da ta kẹ vwẹ, Wọ viẹ-ẹ; nighe, Okpohrokpo rẹ orua ri Juda na, Owọ ri Devid, o phi kparobọ nure, kọye ri se rhie ọbe na kugbe isiaphrẹ ighwrẹ na.

Rutu 4:17

Eya to dia kẹrẹ de mu odẹ kẹ, tanẹ, Evwiẹ ọmọshare ọvo ki Naomi: Ayen de se odẹ rọye Obẹd: ọye ọsẹ ri Jesse, ọsẹ ri Devid.

1 Samuẹl 17:58

Sọl da ta kẹ, Wẹ ọmọ rẹ ono, emeghele na? Dẹvid da kpahe, Mẹvwẹ ọmọ rẹ odibo wẹn Jesse ohwo ri Bẹtlẹhẹm.