Aizaya 10:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Orere ro jẹ Ọghẹnẹ ẹriẹn mi ji ro ra ihwo rẹ ophu rẹ ayen mu vwe me vuẹ rẹ na rọ reyọ emuọre re gborho ekuakua, re chiyi ayen pẹtẹ pẹtẹ kerẹ ibehre rẹ irhuvwu.

Aizaya 10:6 ပူးပေါင်းရင်းမြစ်များ

2 Samuẹl 22:43

Mi de hwe ayen vworovworo kerẹ iwurhie rẹ otọ, mi de rhe chiyi ayen muoto kerẹ ibehre rẹ urhuvwu.

Ivie rẹ Ivẹ 18:25

Ọ rọ marho, ku wo rori nẹ obuko rẹ Ọrovwohwo me wan rhe etinẹ na rhe vwọ ghwọrọ na? Ọrovwohwo re ta kẹ vwẹ, Yanran ra vwọ so otọ na rere wọ ghwọrọ.

Aizaya 19:17

Otọ ri Juda kọ cha dia uguegue kẹ ihwo rẹ Ijipt kohwo kohwo re se odẹ rọye kẹ oshọ ko che muo fiki rẹ iroro rẹ Ọrovwohwo re otuofovwi na jẹ kpahe ayen.

Aizaya 22:5

Kidie Ọrovwohwo Ọghẹnẹ rẹ otuofovwi o vwo ẹdẹ ọvo rẹ edo vẹ echivwo muotọ kugbe ozighi vwẹ iyara rẹ emramrẹ, ra cha vwọ san igbẹhẹ tueghe re che vwo kperi se igbenu

Aizaya 24:5

Ihwo rẹ akpọ na gbe akpọ na ku tughu tughu kidie ayen gbe irhi rọye ku, ayen de miovwo irhi na, ayen da ghwọrọ ọphọ ri bẹdẹ na.

Aizaya 29:13

Ọrovwohwo na da ta: Fikiridie ihwo nana vwẹ ugbunu rayen si kẹre ovwẹ ayen da vwẹ ẹbẹrunu rayen mu ọghọ kẹ vwẹ, yẹ udu rayen sheri kẹ vwẹ, oshọ mẹ rayen djẹ da dia urhi rẹ ihwo rẹ akpọ re erianriẹ rẹ ayen yono phihọ uyovwi;

Aizaya 32:6

Kidie ẹkpa ota rẹ ẹkpa ọ ta, udu rọye umwemwu ọ roro: ro vwo ru emu ọbrabra, rọ vwọ ta ota ọchochọ kpahe Ọrovwohwo, ọ cha davwerhọn re ohwo rẹ owẹvwe hwe-e, ame rẹ ohwo re urhuru siẹ o mi kuofia.

Aizaya 33:1

Ekan ke we, oghwọrọ na, kono ekpuyovwi wẹn je ẹghwọrọ; wẹ ohwo ogbarogba na, ohwo ve owe ji ru emu ogbarogha devo-o Ọke wọ da ghwọrọ ihwo nu, ekpuyovwi wẹn ka je ghwọrọ owe; ọke wo de ru ogbarogba ru wo se ru nure, ke ji nene uwe ru emu ogbarogba rhe.

Aizaya 33:14

Iruimwemwu re he Zayọn oshọ re mu ayen, uguegue mu otu ri je Ọghẹnẹ e vwo Ono vwe usun re avwanre na ve erhanre sa dia? ono vvve usun re avwanre ve ẹtorhẹ ri bẹdẹ na sa dia?

Aizaya 41:25

Me kpare ophu rẹ ohwo ọvo nẹ obọhwẹrẹ ọnre rhe, Ọ ghine rhe nure, nẹ evacha rẹ ọnre rhe, ko se odẹ mẹ; ko che chiyi isun na muotọ kerẹ odo, kirobo rọ ọmẹma na chiyi ekpẹn.

Aizaya 49:17

Ihwo re bọn wẹn ọ phẹrẹ ayen obọ nọ otu re guọghọ owẹ, ihwo ri kporo uwe te otọ ma yan ju we vwo.

Aizaya 49:25

Uyota, enẹ Ọrovwohwo tare vwevwe rẹ ighuvwu rẹ ọgba na a je cha reyọ ayen, emuọre rẹ odiphri na e ji che sivwo mie, kidie ihwo ri nene uwe ghwo ki mi nene ayen ghwọ, ki mi sivwi emọ wẹn.

Aizaya 5:25

Kọye ophu rẹ Ọrovwohwo vwọ tua kpahe ihwo rọye, ọ da riẹn obọ kpahe ayen ọ da ghwiẹ ayen, igbenu na de kpogho irivwi rayen kerẹ ikueku vwẹ uherevie rẹ urhuvwu Vwẹ enana ejobi na ophu rọye ji fue-e, yẹn obọ rọye je riẹn phia rhe.

Aizaya 5:29

Edo rayen kiri okpohrokpo, ayen do kerẹ emọ rẹ okpohrokpo ayen gua gbako phihọ emu rayen, ayen mi kpono yanran, ohwo ọvuọvo sa karhiẹ mie aye-en.

Aizaya 5:5

Gba kerhọn re me ta kẹ wẹn obo ri mi che ru kẹ ogba ri vain mẹ na. Ki mi si ogba na no, ka cha guọghọ, Ki mi tueghe ogba rọye, ke chiyo mu ekpẹn

Aizaya 63:3

Mẹvwẹ ọvo kpoi ri chiyi okọ ri wain na, vwẹ usun rẹ ihwo na ohwo ọvuọvo vwọ ba vwẹ-ẹ, Mi chiyi ayen vwe evun rẹ ophu Mẹ mi de mi ayen vwẹ evun rẹ ivuemiovwo mẹ, ọbara re arhọ rọye na da sare ku iwun Mẹ, Me vwẹ ayen mu iwun Mẹ ejobi.

Aizaya 63:6

Mi chiyi ihwo na muotọ vwẹ ophu Mẹ, Me da vwẹ udi hwe ayen vwẹ ophu Mẹ, Mi de ku ọbara rẹ arhọ rayen ku otọ.

Aizaya 7:17

Ọrovwohwo cha vwẹ ẹdẹ kẹ wẹ kugbe ihwo wẹn vẹ uwevwi rẹ ọsẹ wẹn tiẹ oghẹre rẹ ẹdẹ ọtiọye rọ je rhe dẹvo-o rẹ Ifrem vwọ hẹriẹ oma nẹ Juda na–Oviẹ rẹ Asiria.

Aizaya 8:4

kidie tavwe re ọmọ na kẹ riẹn obo re se Ọsẹ mẹ eyẹ Oni mẹ, efe ri Damaskọs vẹ eyere ri Sameria ejobi ka cha kua ayen yanran vwọ rhe ovie rẹ Asiria.

Aizaya 8:8

kọ hworhẹ ayen rọ Juda, kọ vọn hwẹ o me djẹ hẹ obaro, bẹsiẹ ro vwo te ohọre, ko che ku reghereghe te asan re otọ wẹn heri te, E Imanuẹl.

Aizaya 9:17

Fiki rẹ ọtiọye na oma gbe vwerhe Ọrovwohwo kpahe imighene raye-en, o gbe re ehrọre rẹ ọmọphrorivwi vẹ eyauku raye-en, kidie ayen ohwo ọvuọvo vwo Ọghẹnẹ-e, ayen iruimwemwu rẹ unu rayen ọvuọvo ta ota rẹ ẹkpa. Kidie vwẹ enana ejobi na ophu rọye ji fue-e, yẹn obọ rọye je riẹn phia.

Aizaya 9:19

Fiki rẹ ophu rẹ Ọrovwohwo rẹ otuofovwi na otọ na vwọ torhẹ na ihwo na kerẹ irhe re vwo mu erhanre, o vwo ohwo ọvo rọ yan jẹ oniọvo rọye vwo-o.

Jerimaya 25:9

gbe nighe, mi che se uvwiẹ rẹ obọhwẹre ọnre cha, eriyin Ọrovwohwo tare, kugbe Nebukadreza ovie ri Babilọn, odibo mẹ na, me ghwẹ ayen rhe vwọ họnre otọ nana vẹ ihwo re dia, je kpahe irere nana re yarierẹ na; me cha ghwọrọ ayen tọtọtọ, mi de ru ayen imuosho vẹ unuẹfiọn, kugbe ihwo ra hwe bẹdẹ.

Jerimaya 3:10

Yi Juda rẹ oniọvo rẹ ofian rọye na se rhivwi bru vwe rhe vẹ udu rọye ejobi-i, omeru ọ epha, eriyin Ọrovwohwo tare.

Jerimaya 34:22

Nighe, mi che ji urhi, eriyin Ọrovwohwo tare, me cha rhoma reyọ ayen rhe orere nana; ayen cha họnrọ rẹ ayen da reyọ, ra da vwẹ erhanre torhẹ. Mi che ru irere ri Juda ifefe rẹ ihwo de jẹn ayen ẹdia.

Jerimaya 4:14

E Jerusalẹm, họ oma wẹn nẹ orukuruku rọ hẹ udu wẹn, rere wọ vwọ rhọ. Mavọ iroro umwemwu wẹn dia evun wẹn krite?

Izikiẹl 29:20

Me vwẹ otọ rẹ Ijipt vwọ kpẹvwẹ ẹse kẹ wẹ kidie wọ wian phihọ, fikiridie ayen wian kẹ vwẹ, eriyin Ọrovwohwo Ọghẹnẹ tare.

Izikiẹl 38:12

re ayen gborho ugborho re ayen ghwẹ ekuakua kpo; rere ayen ra ghwọrọ asan ra kua nu na rẹ ihwo rhoma dia re na, kugbe ihwo ra ghwẹ koko nẹ ẹgborho na rhe, ri vwo uchuru kugbe ekuakua, re dia uherevie rẹ otọ na.

Izikiẹl 38:13

Shẹba vi Dedan kugbe ineki ri Tarshish vẹ ẹko rọye ke ta kẹ wẹ, Wo rhe vwẹ ẹgba vwọ reyọ emu re gborhori? Wọ rhe ghwẹ urogho rẹ ihwo na koko rere wọ rhe ghwẹ emu re gborhori na yanran, rere wọ rhe ghwẹ idọnọ vẹ iro reyọ, rere wọ ghwẹ uchuru vẹ ekuakua, re wọ ghwẹ imu buebu reyọ?

Maika 7:10

Etiyin ọvweghrẹ mẹ kọ mrẹ, oma kọ vo ohwo rọ ta kẹ vwẹ Tivọ Ọrovwohwo re Ọghẹnẹ wẹn epha? Ki mi ghorie ẹro no, asakiephana ke chiyo te otọ kerẹ ibehre rẹ urhuvwu.

Habakọk 1:12

Ọ dia owẹ re herọ rhiri bẹdẹ, E Ọrovwohwo Ọghẹnẹ mẹ, Ọfuanfọn Ọvuọvo mẹ na? Avwanre che ghwu-u, E Ọrovwohwo, wẹ re vwẹ ayen mu kerẹ ẹdjọeguo; Wẹ, E Oragha, wẹ re vwẹ ayen mu vwọ kẹ efafa.

Zekaraya 10:5

Ayen che kuomagbe dia kerẹ egba vwẹ ofovwi, de chihi ivwighrẹ na phihọ ibehre rẹ irhuvwu na ayen cha họnre fikiridie Ọrovwohwo vẹ ayen herọ, kẹ ayen che kpogho otu re djẹ iyesi na.

Matiu 15:7

Evwọnrọn efian na, mavọ Aizaya mraro kpahe ovwan.