Aizaya 10:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ E, Asiria, ophiaphien rẹ ophu mẹ, ọkpọ rẹ omẹdja mẹ!

Aizaya 10:5 ပူးပေါင်းရင်းမြစ်များ

Jẹnẹsis 10:11

Otọ yena kọye o nu kpo Asiria, ọ da ra bọ Ninivẹh, Rehobọt-Ir, Kala, kugbe

Ivie rẹ Ivẹ 18:25

Ọ rọ marho, ku wo rori nẹ obuko rẹ Ọrovwohwo me wan rhe etinẹ na rhe vwọ ghwọrọ na? Ọrovwohwo re ta kẹ vwẹ, Yanran ra vwọ so otọ na rere wọ ghwọrọ.

Ivie rẹ Ivẹ 19:25

Wo ji nyo-o Ne me jẹ iroro rọye krire? Iroro re me jẹre rhabae rhe Me rhe vwọ phia asakiephana re, Nẹ wọ hirhe irere ra gba ogba yariẹ phihọ erhurhu,

Une rẹ Ejiro 125:3

Kidie ọkpọ rẹ ohwo umwemwu che se rovwoma-a vwẹ otọ ra ghare te ọvwata, ọ rha dia ọtiọye-e ọvwata kọ cha vwẹ abọ rayen ru obọ re chọre.

Une rẹ Ejiro 17:14

Vwẹ obọ wẹn vwo sivwi, Ọrovwohwo, nẹ obọ rẹ ihwo rẹ ẹkẹn rayen dia ọ rẹ akpọ na ọvo. Gbe jẹn evun rayen vọn vẹ obo re wọ kọn koko kẹ ayen jẹn emọ rayen vwo buebu kpahe; jẹn ayen mrẹ emu jovwo kẹ emọ rayen.

Aizaya 10:15

Kẹ ushurhe yan eyan kẹ ọro vwo she urhe, eye isara rhe mu oma kpenu kẹ oro yọnherọ? Kerẹ ẹsiẹ rẹ ophiaphiẹ da fa ohwo rọ yọnherọ, eyẹ kerẹ ẹsiẹ rẹ ọkpọ da rhoma mu ohwo rọ yọnherọ nẹ otọ!

Aizaya 10:25

Vwẹ ọmọke krẹn emerha ivuemiovwo mẹ ko vwo oba, ophu mẹ kọ cha garọ vi ẹghwọrọ rayen ọvo.

Aizaya 13:5

Ayen re nẹ ogboko cha, nẹ oba rẹ odjuvwu cha, Ọrovwohwo vẹ ekuakua rẹ ophu rọye, re ọ rhe vwọ ghwọrọ akpọ ejobi.

Aizaya 14:24

Ọrovwohwo rẹ otuofovwi kpokpa nure Obo ri mi roro phihọ, eriyin ọ cha dia, obo me tanẹ ọ dia ọtiọye o mudia phihọ,

Aizaya 14:25

ke me guọghọ ihwo rẹ Asiria re hẹ otọ mẹ, vwẹ enu rẹ ugbenu mi de chiyi ayen muotọ, urhekpe rọye kọ che bioma nẹ ayen, oghwa na ko phre she nẹ igabọ rayen.

Aizaya 23:13

Nighere otọ rẹ ihwo ri Kaldia. Ọna hẹ ihwo na; o dia Asiria-a Akpọ-eyere ri Taya da họhọ akpọ-eyere rẹ eranvwe re djoma. Ayen bọn ẹgedẹge rẹ imu rayen nure, ayen kprọ ighẹn rayen ejobi te otọ, ayen ruru phihọ erhurhu.

Aizaya 26:20

Mọ, ihwo mẹ, ro ivun wẹn, re wo bi ẹchẹ gbe oma, Si oma wẹn nu emerha bẹsiẹ rẹ ophu rọye vwo fue.

Aizaya 29:2

Dede na oma cha rhọ Ariẹl, e che beroma a cha viẹ vwọ, kọ cha họhọ Ariẹl kẹ vwẹ.

Aizaya 30:27

Nighe, odẹ rẹ Ọrovwohwo che ne ogboko rhe, ọtorhẹ vẹ ophu rọye, vwe evun rẹ ọkpan rẹ ivwirhi, ẹbẹrunu rọye vọnre vẹ ophu, ẹrenvwe kerẹ ẹkuerhanre rọ torhẹ;

Aizaya 30:30

Ọrovwohwo ko che ru re de nyo urhuru rẹ ọrho rọye ka je cha mrẹ odju rẹ ochẹ rẹ ighabọ rọye, vwẹ ophu ọtuatua kugbe ela ve ẹtorhẹ re erhanre, vẹ ikoro rọ bẹre vẹ ọgiribọ kugbe iblosio rẹ erhanre.

Aizaya 30:9

Kidie ena ihwo ri gbe ozighi, emọ re vwọrọn efian, emọ ri jẹ eme enyo ri nyo uyono rẹ Ọrovwohwo na-a,

Aizaya 34:2

Kidie ophu mu Ọrovwohwo kpahe ẹgborho na ejobi, ophu djọghọ djogho kpahe usun re otu rayen, ọ vwe ughwu ke ayen nure, o siobọ ne ayen ke ehwe

Aizaya 66:14

Wọ cha mrẹ, udu wẹn kọ ghọghọ, ibeku wẹn ke rho bodo bodo kerẹ egbri; ka cha mrẹ vughe nẹ obọ rẹ Ọrovwohwo vẹ idibo rọye herọ, nẹ ophu rọye ọtuatua kpahe ivwighrẹ rọye.

Aizaya 7:17

Ọrovwohwo cha vwẹ ẹdẹ kẹ wẹ kugbe ihwo wẹn vẹ uwevwi rẹ ọsẹ wẹn tiẹ oghẹre rẹ ẹdẹ ọtiọye rọ je rhe dẹvo-o rẹ Ifrem vwọ hẹriẹ oma nẹ Juda na–Oviẹ rẹ Asiria.

Aizaya 7:20

Vwẹ ẹdẹ yena Ọrovwohwo kọ vwẹ are wanre ihwo re durhie nẹ ovrẹn rẹ Urhie na rhe–vẹ ovie rẹ Asiria–uyovwi vẹ ẹto rẹ awọ ka je wanre ẹtuegba rayen rhe.

Aizaya 8:4

kidie tavwe re ọmọ na kẹ riẹn obo re se Ọsẹ mẹ eyẹ Oni mẹ, efe ri Damaskọs vẹ eyere ri Sameria ejobi ka cha kua ayen yanran vwọ rhe ovie rẹ Asiria.

Aizaya 8:7

fiki rẹ ọtiọye na nighe, Ọrovwohwo cha reyọ ame rẹ Urhie na vwo ku ayen ame rode buebu, ovie rẹ Asiria kugbe urinrin rọye ejobi; ame na ko che phoro igbo na ejobi kugbe egbẹn rayen,

Izikiẹl 22:31

Fiki rẹ ọtiọye na ki mi ku ophu mẹ ku ayen; me vwẹ erhanre rẹ ophu mẹ torhẹ ayen, ke me guọnọ idjerhe rayen vwẹ enu rẹ uyovwi rayen, eriyin Ọrovwohwo Ọghẹnẹ tare.

Izikiẹl 7:10

Nighe, ẹdẹ na! Nighe, ọ cha! Ughwu wẹn rhire, orhiẹn rẹ eku ghwẹ ẹbe phihọ re, eheri kpa ipho re.

Daniẹl 11:36

Ovie na kọ che ru obo ri jere, ko che brọrho o mi rhe mu oma rọye kpenu nọ edjọ kedjọ, kọ cha ta ota rẹ ọdẹ kpahe Ọghẹnẹ ro vwo eghẹnẹ ejobi na. O che yovwo bẹsiẹ rẹ ophu na vwọ gba; fikiridie obo ra jẹ iroro rọye kpahe otọ kẹ jovwo na cha phia.

Nahum 1:1

Epha ra bọ kpahe Ninivẹ. Ọbe rẹ emramrẹ ri Nahum ohwo rẹ Ẹlkosh.

Habakọk 1:12

Ọ dia owẹ re herọ rhiri bẹdẹ, E Ọrovwohwo Ọghẹnẹ mẹ, Ọfuanfọn Ọvuọvo mẹ na? Avwanre che ghwu-u, E Ọrovwohwo, wẹ re vwẹ ayen mu kerẹ ẹdjọeguo; Wẹ, E Oragha, wẹ re vwẹ ayen mu vwọ kẹ efafa.

Zẹfanaya 2:13

Kọ riẹn obọ rọye kpahe ubrakpọ rẹ obenu na, kọ guọghọ Asiria; kọ ru Ninive phihọ ọfefe phrẹnphrẹn kerẹ atọn

Ukeri 24:24

Ẹkẹvuọvo ekọ che nẹ Kitim cha ke cha họnre Asshur kugbe Eber; ekpuyovwi rọye ka guọghọ rhe.