Aizaya 10:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Kidie we ru vwẹ ẹdẹ rẹ ẹlaghọ na, vwẹ evun rẹ ogiribo ro che dju ne ogboko rhe na? Kono wa djẹ bru rọ cha ovwan uko, ki tivọ we de si efe re ovwan nu?

Aizaya 10:3 ပူးပေါင်းရင်းမြစ်များ

Jẹnẹsis 31:1

Vwẹ ọke yena Jekọp de nyo rẹ emọ ri Laban vwọ tanẹ, Jekọp ghwe eyere rẹ ọsẹ rẹ avwanre reyọ, eyere rẹ ọsẹ rẹ avwanre na kọye o vwo fe na.

Ivie rẹ Ivẹ 7:15

Kọye ayen da vwọ kpahe ayen re te Jọdan, nighere, idjerhe na ejobi vọnre vẹ iwun vẹ ekuakua rẹ ofovwi rẹ ihwo ri Siria vwẹ okpakpa kpare kufia vwẹ ọke rẹ ayen vwọ djẹ. Ikọn na de rhivwi ayen da ra nẹ iyẹnrẹ kẹ ovie na.

ỌBE RẸ JOB 31:14

kidie mi che ruẹ vwẹ ọke rẹ Ọghẹnẹ de vrẹn vwọ so ovwẹ? ro da guọnọ otọ rọye, kidie me kpahe kẹ?

Isẹ 11:4

Efe sa chọ ohwo uko vwẹ ẹdẹ rẹ ophu-u, ẹkẹvuọvo ọvwata siẹ ohwo nẹ ughwu.

Aizaya 13:6

Beroma, kidie ẹdẹ rẹ Ọrovwohwo na kẹrire, kerẹ ẹghwọrọ ro nẹ obọ rẹ Ọrovwoẹgba rhe eriyin ọ cha rhe!

Aizaya 17:4

Vwẹ ẹdẹ yena ka cha vwẹ urinrin ri Jekọp hwa otọ, ivwri rẹ uvwo rọye ki che si dọn.

Aizaya 20:6

Ihwo re dia erhuru nana ejobi ke cha ta vwẹ ẹdẹ yena, Nighere, Ọnana obo re phiare kẹ ihwo rẹ avwanre vwẹ ẹro so rẹ avwanre djẹ bru nẹ e cha avwanre uko sivwi avwanre nẹ obọ rẹ ovie rẹ Asiria. Avwanre, komavọ avwanre vwọ sa vabọ?

Aizaya 26:14

Ayen ghwuru, ayen sa rhọ-ọ, uhoho ayen ruẹ, ayen che se vrẹ-ẹn, ki fiki rọye na wọ rhe vwọ ghwọrọ ayen wo de phoro odẹ rẹ ayen ejobi rere evwo jẹ ayen ẹkarophihọ..

Aizaya 26:21

Kidie nighere, Ọrovwohwo na re nẹ ẹdia rọye cha ro che vwo hwe ihwo rẹ akpọ na fiki rẹ umwemwu rayen, akpọ na kọ cha vwẹ ọbara re hweri vwẹ evun rọye phia, o gbi che rhurhu ihwo re hweri na ọfa-a.

Aizaya 28:20

Kidie ehwa na krẹnọ, o rhe te riẹn oma phihọ-ọ, amwa na hwa nọ o rhe te vwo phopho-o.

Aizaya 29:6

Ọrovwohwo rẹ otuofovwi na kọ vwẹriẹ akuọrha wẹn vẹ agbrara te otọ ro kpogho kugbe edo rode, vẹ ogiribo kugbe odju vẹ erhanre rọ la rọ ghwọrọ.

Aizaya 30:16

ẹkẹvuọvo wọ tare nẹ, Ẹjo! Avwanre djẹ fafa vwẹ enu rẹ iyesi, vwẹ otiọye na gba djẹ yanran, yẹ, Avwanre ke gua vwe enu rẹ iyesi re eshare kpata kpata, vwẹ ọtiọye na ihwo re vwo tua wẹn na ke djẹ gangan.

Aizaya 30:5

ọvuọvo rọye cha mrẹ omaẹvuọ vwẹ oma re ihwo ri fi erere kẹ aye-en, re ke ayen ọchuko eyẹ erere-e, ẹkẹvuọvo omaẹvuọ vẹ omaẹphọphọ.

Aizaya 30:7

Kidie ọchuko rẹ Ijipt fi emuovo-o, odiodi gheghe, kọye mi vwo mu odẹ kẹ nẹ Rahab ro di tidia gbiẹi.

Aizaya 33:14

Iruimwemwu re he Zayọn oshọ re mu ayen, uguegue mu otu ri je Ọghẹnẹ e vwo Ono vwe usun re avwanre na ve erhanre sa dia? ono vvve usun re avwanre ve ẹtorhẹ ri bẹdẹ na sa dia?

Aizaya 39:3

Etiyin Aizaya rẹ ọmraro na de bru Ovie Hẹzikaya rhe, ọ da ta kẹ, Didi emu ihwo nana tare? Ki tivọ ayen nu bru we rhe? Hẹzikaya da ta, Ogboko ayen nu bru vwe rhe, nẹ Babilọn rhe.

Aizaya 5:14

Fiki rẹ ọtiọye na ushi rhie unu rọye phihọ ọ nabọ rhie phihọ ghworo ikpihwo ri Jerusalẹm kugbe otu rayen ejobi ke ghwọrọ ruọ, ọbibinagba na ejobi kugbe ohwo rẹ oma muẹ.

Aizaya 5:26

Kọ cha vwẹ oka se orere rọ hẹ kọ kudje se nẹ ẹtan rẹ akpọ rhe, gbe nọ, okpokpakpa, kpatakpata ọ cha rhe!

Jerimaya 22:7

Me cha reyọ otu re ghwọrọ vwọ họnre owẹ, dohwo dekuakua rọye, ayen che she emamọ ri igẹdu wẹn kuoto, a da ghwe ayen phihọ erhanre.

Jerimaya 4:30

E wọwẹ, ra kua jovwo na, Die wo rori ru wọ vwọ vwẹ isene rhuẹrẹ oma re wọ vwọ reyọ iro vwọ sẹ fia, ru wọ vwọ vwẹ itiro si ẹro wẹn? Wọ de rhuẹrẹ oma wẹn ghevweghe. Esen wẹn jẹ wẹ fia, ayen guọnọ owẹ hwe.

Jerimaya 5:31

emraro na mraro rẹ efian irherẹn na ki nene idjedje rayen ihwo mẹ ghwa reyọ wan ọtiọye, komavọ ovwan ru vwẹ ọke rẹ oba de te?

Jerimaya 9:9

Mi gbe hwe ayen vwi fiki rẹ imu nana-a, eriyin Ọrovwohwo na tare; mi gbi reihri na kẹ oma mẹ kpahe orere ọtiọnana?

Hosia 5:13

Ọke rẹ Ifrem vwọ mrẹ ọga rọye, ri Juda vwọ mrẹ omẹwan rọye, etiyin Ifrem de kpo Asiria, o de ji ohwo bru ovie rode na. Ẹkẹvuọvo o se sivwi uwe-e eyere sivwi ora wẹn kpo-o.

Hosia 9:5

Kidie wo che ru vwẹ ẹdẹ rẹ orẹ re bruru na, kugbe ẹdore rẹ Ọrovwohwo na?

Hosia 9:7

Ẹdẹ rẹ ojẹriọ na rhire, ẹdẹ rẹ osa ẹ hwa tere Izrẹl cha riẹn. Ọmraro na vwonẹ ẹkpa, ohwo rẹ erhi rheri yọ mwa orhuẹ, fiki rẹ orukuruku rode wẹn kugbe omaetuo rode.

Emọs 5:19

Kerẹ ọke rẹ ohwo a dje nẹ obọ rẹ okpohrokpo, edjẹnẹkpo da ra vwa, eyẹrẹ ohwo rọ ro evun rẹ uwevwi ọ da vwẹ oma vẹ abọ rere igbẹhẹ, ọrọdekọ da rhovwọ.

Maika 7:4

Ọ ro me yovwi vwẹ usun rẹ ayen họhọ ebẹn, ọ rọ ma dia ọvwata vwẹ ohri rẹ ayen họhọ ogba rẹ inwe. Ẹdẹ rẹ ọrhẹrotọ rayen, ẹdẹ rẹ ehwe rayen, o te nure; Asakiephana ozighi rayen kẹrẹ otọ re.

Zẹfanaya 1:18

Idọnọ efuanfọn rayen eyẹ iro rayen che se sivwi aye-en vwẹ ẹdẹ rẹ ophu rẹ Ọrovwohwo na-a. Vwẹ erhanre rẹ ophu rẹ omaẹriọ rọye, otọ na ejobi ke torhẹ muotọ. Rọ vwọ gba, kpregede ọye ọ che vwo oba kẹ ọtiọye otu re dia otọ na ejobi cha dia.

Iyẹnrẹ Esiri ri Luk 19:44

ra da vwẹ owẹ ghwiotọ, wẹ kugbe emọ wẹn vwẹ evun wẹn, ayen che ji oragha re mu kpahe ohwohwo vwo vwẹ enu rẹ ọfa-a; fikiridie wọ riẹn ọke ro che vwo te we oma-a.

Urhi Rivẹ 28:49

Ọrovwohwo cha reyọ ẹgborho ọfa nẹ ogboko rhe ri mu kpahe ovwan, nẹ oba rẹ akpọ na rhe kpata kpata kerẹ ugo rọ rhan, ẹgborho ro wa riẹn ephẹrẹ rọye-e

1 Pita 2:12

Ru omamọ rẹ uruemu vwẹ ohri ri Keferi na, o da dianẹ ayen mu ọfian rẹ oruchọ bara owẹ jovwo, re ayen sa mrẹ iruo esiri rẹ ovwan ra vwẹ ejiro kẹ Ọghẹnẹ vwẹ ẹdẹ rẹ okpetu na.