Aizaya 10:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Vwẹ ẹdẹ yena oghwa rọye ko she nẹ igabọ wẹn, ka ka guọghọ urhekpe rọye nẹ ohọre wẹn. O vrẹn nẹ Rimmọn re,

Aizaya 10:27 ပူးပေါင်းရင်းမြစ်များ

2 Samuẹl 1:21

Ovwanvwan igbenu ri Gilboa, e jẹn ọphogho yẹrẹ osio dia enu wẹ-ẹn, eyẹ ogbugbu rẹ ame-e! Kidie etiyin a da tẹn ekpọfia rẹ ọgba fia, ekpọfia ri Sọl, ra vwẹ evwri ghworo-o.

Une rẹ Ejiro 105:15

tanẹ, Wa vwẹ obo te ọ rẹ me vwẹ evwri ghworo na-a, wọ wan emraro mẹ oma-a!

Une rẹ Ejiro 132:10

Kidie fiki rẹ odibo wẹn Devid Wọ djẹ ọ ra vwẹ evwri ghworo na-a.

Une rẹ Ejiro 2:6

Me vwẹ ovie mẹ mu vwi Zayọn ugbenu ọfuanfon mẹ nure

Une rẹ Ejiro 20:6

Asakiephana me riẹnre nẹ Ọrovwohwo sa chọ ọ rọ vwẹ evwri ghworo na uko, ọ cha kpahe kẹ nẹ obọ odjuvwu ọfuanfon rọye na rhe vẹ egba re obọẹkparọ vwẹ obọrhe rọye.

Une rẹ Ejiro 45:7

Wọ guọnọ ọvwata uvumwemwu tu we oma Fiki rẹ ọtiọye na Ọghẹnẹ rẹ Ọghẹnẹ wẹn na, vwọ vwẹ evwri ghworo uwe evwri rẹ aghọghọ ru wọ vwọ rho nọ otu wẹn,

Une rẹ Ejiro 81:6

Mi de mie we oghwa rọ hẹ igabọ wẹn; e de si abọ wẹn nẹ obere na.

Une rẹ Ejiro 84:9

Nighe ekpọfia rẹ avwanre, E Ọghẹnẹ; ni opharo rẹ ohwo wẹn ra vwẹ evwri ghworo na!

Aizaya 14:25

ke me guọghọ ihwo rẹ Asiria re hẹ otọ mẹ, vwẹ enu rẹ ugbenu mi de chiyi ayen muotọ, urhekpe rọye kọ che bioma nẹ ayen, oghwa na ko phre she nẹ igabọ rayen.

Aizaya 30:23

Kọ rhọ ọsio phihọ emamọ ra kọn phihọ otọ na, te ekti ve obo ra kọn phihọotọ na ejobi, ki che yovwi buebu. Vwe edẹ yena uchuru wẹn ke cha re ọdi vwẹ asan ọrhuarhọ;

Aizaya 37:35

Kidie mẹvwẹ ọvo re cha chochọ rẹ orere na vwo sivwo, fiki rẹ odẹ mẹ kugbe fiki re odibo mẹ Devid.

Aizaya 52:2

Phorho iwurhie nẹ oma wẹn, vrẹn; E oghuvwu Jerusalẹm; rhan ọghrọrọ nẹ ohọre wẹn, E oghuvwu ọmọtẹ ri Zayọn.

Aizaya 55:2

Die wọ vwọ rhaphiẹ igho wẹn phihọ emu rọ dia emuọre-e, wọ vwọ wian phihọ obọ re vọn evu-un? Nabọ kerhọn Mẹ, re wọ re obo ri yovwiri, rere oma rẹ ivwir vwerhe owẹ.

Aizaya 9:4

Kidie urhekpe re oghwa rọye, vẹ ugbọphogho rẹ igabọ rọye, ọkpọ rẹ oshenyẹ na, ku wo vwirhi ayen kerẹ ọke ri Midian.

Jerimaya 30:8

O de rhi te vwẹ ẹdẹ yena vwo obọ, eriyin Ọrovwohwo rẹ otuofovwi na tare, ke me cha ghwọrọ ọghwa na nẹ ayen ohọre, ke me savwe igoni rayen kufia, erhọrha gbe vwẹ ayen ru idibo ọfa-a.

Izikiẹl 30:18

Vwi Tehafnehes uvo na ko che mu Etiyin me da guọghọ isuesun rẹ Ijipt, ẹgba rọye ro vwo herẹ na ko che vwo oba, ka cha vwẹ egho rhurho, ke mu emetẹ rọye ighuvwu.

Livitikọs 7:35

Ọnana ẹkẹn ro te Erọn vẹ emọ rọye vwẹ oma rẹ izobo ra torhẹ kẹ Ọrovwohwo na, re ru fon kẹ ayen vwẹ ẹdẹ rẹ a vwẹ ayen mu irherẹn nẹ ayen ga Ọrovwohwo,

Iyẹnrẹ Esiri ri Luk 4:18

Erhi rẹ Ọrovwohwo ọ hẹ oma mẹ, fikiridie ọ vwẹ evwri ghworo uvwe mi vwo gbe ikun esiri na kẹ ivwiogbere. O ji vwe rhi ghwoghwo obọesiono kẹ ighuvwu Orẹmrẹ kẹ otu ri rhuẹro, ufuoma ke otu re shenyẹ,

Iyẹnrẹ Esiri ri Jọn 1:41

Ọye ka mrẹ oniọvo rọye Saimọn, ọ da ta kẹ, Avwanre mrẹ Mesaya na re (otọ rọye Kristi).

Iruo rẹ Iyinkọn na 4:27

Ghinẹ nyota vwẹ orere nana ayen de sioma koko vwọ so odibo wẹn ọfuanfon na Jesu, ru wọ vwẹ evwri ghworo na, ri Herọd kugbe Pọntiọs Pailet, vẹ Keferi na kugbe ihwo rẹ Izrẹl,

1 Jọn 2:20

Ẹkẹvuọvo Ọfuanfon Ọvuọvo na vwẹ evwri ghworo ovwan nure, yẹ ovwan ejobi riẹnrẹ.

1 Jọn 2:27

ẹkẹvuọvo evwoghworo na rẹ ovwan reyọ mie na ọ vẹ ovwan herọ, o rhe fo rere ohwo rhe yono ovwa-an; kirobo rẹ evwoghworo rọye yono ovwan emu kemu na, ọye na hẹ uyota, ọ dia efia-an, ọtiobo ro yono ovwan na, ovwan dia evun rọye ọtiọye.