Aizaya 10:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Ọrovwohwo rẹ ofovwi na kọ cha vwẹ ugbudia vwọ fa ayen, kirobo rọ vwerọ fa Midian vwẹ asan oragha rẹ Orẹb, kọ cha riẹn ọkpọ ku urhie, kọ kparọ kirobo ro ru vwẹ Ijipt.

Aizaya 10:26 ပူးပေါင်းရင်းမြစ်များ

Ivie rẹ Ivẹ 19:35

Vwẹ ason yena amakashe rẹ Ọrovwohwo da yan phia, o de hwe ihwo uriori ujori gbẹ ujọne gbẹ iyori vwẹ erhọn rẹ ihwo rẹ Asiria; ọke rẹ eshare na vwọ rhọvwọn vwẹ urhiọke rhirhi, nighe enana ejobi kẹ iririvwi.

Une rẹ Ejiro 35:23

Jẹjẹ oma wẹn, rhọvwọ kidie o vi we, fiki rẹ oyan mẹ, Ọghẹnẹ mẹ kugbe Ọrovwovwe!

Une rẹ Ejiro 83:11

Ru ehọnvwọnre rayen kerẹ Orẹb vi Zeeb, isun rayen ejobi kerẹ Zeba vi Zalmunna,

Ẹyano 14:16

Kpare ọkpọ wẹn na kpenu, wọ riẹn obọ wẹn phihọ abadi na rere wọ gharọ, rere ihwo rẹ Izrẹl vwọ yan wan otọ ọyaya rẹ abadi na.

Aizaya 10:24

Ọtiọye na enẹ Ọrovwohwo tare, Ọrovwohwo rẹ otuofovwi E ihwo mẹ, re dia Zayọn, wa dje oshọ rẹ ihwo re Asiria-a vwẹ ọke rayen da vwẹ ọkpọ ghwiẹ ovwan eyẹ ugbọphogho fa ovwan kirobo re Ijipt ruru.

Aizaya 11:16

Idjerhe rode kọ cha wan nẹ Asiria rhe vwọ kẹ umuku rẹ ihwo rọye ri chekọ, kirobo rọ epha kẹ Izrẹl ọke rẹ ayen vwo nẹ otọ rẹ Ijipt cha.

Aizaya 30:30

Ọrovwohwo ko che ru re de nyo urhuru rẹ ọrho rọye ka je cha mrẹ odju rẹ ochẹ rẹ ighabọ rọye, vwẹ ophu ọtuatua kugbe ela ve ẹtorhẹ re erhanre, vẹ ikoro rọ bẹre vẹ ọgiribọ kugbe iblosio rẹ erhanre.

Aizaya 30:31

Ihwo rẹ Asiria ke cha phariẹ yeyeghe re ayen de nyo urhuru rẹ Ọrovwohwo na, vwẹ ọke re ọkpọ rọye da ghwiẹ

Aizaya 30:32

Kohọ kọhọ rẹ Ọrovwohwo da vwẹ ọkpọ rọye na ghwie ayen, kọ cha dia kere edo rẹ igogo kugbe isorogun, obọ rọye rọ nyavwaro kpenu kpene kọye o vwo nene ayen phi ofovwi

Aizaya 9:3

Wo ru irere na bu phihọ wo ru aghọghọ rọye rho phihọ, ayen ra ghọghọ vwẹ obaro wẹn kerẹ aghọghọ rẹ ọke ọrhọ, kerẹsiẹ rẹ ihwo a da ghọghọ rẹ ayen da ghare emu rẹ ofovwi.

Aizaya 9:4

Kidie urhekpe re oghwa rọye, vẹ ugbọphogho rẹ igabọ rọye, ọkpọ rẹ oshenyẹ na, ku wo vwirhi ayen kerẹ ọke ri Midian.

Ẹvwọphia 11:18

Ẹgborho na re do, ẹkẹvuọvo ophu wẹn da tua, ọke re vwo guẹdjọ rẹ irivwi te re, ra vwọ hwa osa kẹ idibo wẹn, emraro na kugbe ihwo efuanfon na, kugbe ayen otu re djẹ oshọ rẹ odẹ wẹn, te itete te iride, ra vwọ ghwọrọ oghwọrọ rẹ akpọ na.

Ẹvwọphia 19:15

Ọlọkọ rọ dan prẹprẹ de yoro nẹ unu rọye rhe kọye ọ vwọ nyavwe ẹgborho na hwe, kọ vwẹ ọkpọ rẹ utehru sun ayen; ko che chiyi okọ rẹ imiemi rẹ ophu rẹ Ọghẹnẹ Ọrovwoẹgba.

Iguẹdjọ 7:25

Ayen de mu isun rẹ eshare ivẹ rẹ ihwo ri Midian, Orẹb kugbe Zẹẹb; ayen de hwe Orẹb phihọ enu rẹ oragha rẹ Orẹb, ayen de rhe hwe Zẹẹb phihọ asan re de mu udi vwi Zẹẹb, ọke rẹ ayen vwọ tua Midian na; ayen de mu uyovwi rẹ Orẹb vẹ Zẹẹb rhe Gidiọn vwẹ ẹbẹre rivẹ ri Jọdan.