Aizaya 10:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Owene ihwo wẹn Izrẹl mi bun kerẹ ehavwo re urhie, umuku rayen ọvo ri che rhivwi. E bru ẹdẹ rẹ ẹghwọrọ nure, rọ mwavwa hwẹ vẹ ọvwata.

Aizaya 10:22 ပူးပေါင်းရင်းမြစ်များ

Jẹnẹsis 18:25

A gha e se ru emu ọtiọye-e, rẹ e vwo hwe evwata kugbe iruimwemwu, re evwata vwọ họhọ iruimwemwu, A sa mrẹ-ẹ; Obrorhiẹ rẹ akpọ na rhe se ru obo re gbare?

1 Ivie 4:20

Juda vẹ Izrẹl epha buebu kerẹ ibiekpẹn re hẹ oma rẹ urhie; ayen ria ayen, ayen je da, oma ghwa vwerhe ayen.

Ivie rẹ Ivẹ 19:31

Kidie nẹ evun ri Jerusalẹm umuku ke tanrhe, nẹ Ugbenu ri Zayon rhe otu ri ghwu chekọ ke cha rhe. Oruru rẹ Ọrovwohwo che ru ọnana.

Aizaya 37:31

Yẹ ihwo ri ghwu chekọ vwẹ uwevwi ri Juda cha rhoma tan awọ kpotọ, e me rha mọ emamọ vwẹ obenu,

Aizaya 46:3

Kerhọn Me, E uwevwi ri Jekọp, umuku ri chekọ vwẹ uwevwi rẹ Izrẹl, ri mi mu ghwa ne ọke emọ rhe, re Me ghwa vwẹ evun Mẹ;

Aizaya 48:19

uvwiẹ wẹn ka dia kerẹ ibiekpẹn rẹ otọ orua wẹn kọ họhọ ibieka rọye, a gbe sa nyavwe odẹ rayen kufia-a eyẹ vwọ ghwọrọ ayen nẹ obaro mẹ-ẹ.

Aizaya 59:20

Kọ cha rhe Zayọn kerẹ Ọtan, bru otu ri Jekọp ri kurhẹriẹ nẹ ogbigbiru, eriyin Ọrovwohwo tare.

Aizaya 6:11

Etiyin me da ta, Mavọ O krite, E Ọrovwohwo? Ọ da ta: Bẹsiẹ rẹ irere na vwọ dia ofefe re kaka ohwo gbe dia-a ihwo gbe dia evun re iwevwi na-a otọ na ejobi vwọ dia ofefe,

Aizaya 6:13

Ọ da tobọ dianẹ ẹkehwe chekọ vwọ, a cha torhẹ kirẹ uloho eyẹ ọhahe, rẹ uchuku rọye chekọ siẹ re de she nu. Ubi ọfuanfọn na ọye hẹ uchuku na.

Aizaya 60:22

Unuwevwi ọvo ko hirhe phihọ ẹgborho, ọ rọ ma havwe ejobi kẹ ẹgborho rode, Mẹvwẹ he Ọrovwohwo na; vwẹ ọke rọye ki Mi ruo kpata kpata.

Aizaya 65:8

Enẹ Ọrovwohwo tare: Kirobo ra mrẹ wain vwẹ eduru na, re ayen da tanẹ, Wọ ghwọrọ-ọ na, kidie erhovwo herọ, ọtiọye Mi ru fiki rẹ idibo Mẹ, Me rha ghwọrọ ayen ejobi-i.

Aizaya 8:8

kọ hworhẹ ayen rọ Juda, kọ vọn hwẹ o me djẹ hẹ obaro, bẹsiẹ ro vwo te ohọre, ko che ku reghereghe te asan re otọ wẹn heri te, E Imanuẹl.

Jerimaya 3:14

Kurhẹriẹ ovwan emọ rẹ igberadja na, eriyin Ọrovwohwo tare, kidie mẹvwẹ onini wẹn, me cha reyọ ovwan ọvuọvo nẹ orere, kugbe ivivẹ nẹ orua, ke me reyọ ovwan rhe Zayọn.

Jerimaya 44:28

Ayen otu re vabọ rẹ ọlọkọ keye ri che rhivwi nẹ otọ rẹ Ijipt kpo otọ ri Juda, iche buẹ-ẹ, kugbe umuku ri chekọ vwi Juda ejobi, re rhe otọ rẹ Ijipt rhe dia na, cha riẹn ohwo rẹ ota rọye cha sẹ, sẹ ọmẹ eyẹ ọ rayen.

Daniẹl 9:27

Ọ vẹ ihwo buebu ke cha re ọphọ ọgangan vwẹ edidjana ọvo; ubro rẹ edidjana ọfa izobo re zeri kọ daji, vwẹ enu rẹ ibekpe rẹ ẹguegbe, kọye ohwo ọvo rọ cha kua fiọtọ che nurhe, bẹsiẹ ra cha vwọ kpare oba rẹ urhi rọye na ku ọ ro gburhi na.

Hosia 1:10

Ihwo rẹ Izrẹl cha dia kerẹ ehavwo rẹ urhie ra sa vwavwe-e eyẹ e se keri-i, vwẹ asan rẹ a da ta kẹ ayen nẹ, Ovwan dia ihwo mẹ-ẹ, ka je ta kẹ ayen nẹ, Ovwan emọ rẹ Ọghẹnẹ ri bẹdẹ na.

Iruo rẹ Iyinkọn na 17:31

fikiridie o bru ẹdẹ ọvo ro che vwo guẹdjọ rẹ akpo na vwẹ evun rẹ ọvwata vwẹ obọ rẹ ohwo ro vwo mu, rere ọnana vwo mu ihwo ejobi ẹro kọye ọ vwọ kparọ vrẹn nẹ ughwu rhe.

Ọbe ri Pọl si rhe Ihwo ri Rom 2:5

Vwe evun rẹ udu rẹ ovwan na ovwan re koko abe kẹ oma rẹ ovwan vwẹ ẹdẹ ophu rọye vwẹ ọke rẹ ọvwata rẹ Ọghẹnẹ da cha vwẹ orhiebro rọye phia.

Ẹvwọphia 20:8

kọ cha rhe rhe phiẹn ẹgborho na re hẹ igogo ẹne rẹ akpọ na, kọye hẹ, Gọg kugbe Magọg, ka ghwẹ ayen koko kpo ofovwi; unu rayen kọ họhọ ehavwo rẹ abadi na.