Aizaya 10:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Kidie ọ tare nẹ: Ogangan rẹ obọ mẹ mi vwo ruo, kugbe iroro mẹ, kidie mi vwo obọ, mẹ kpare ughwru rẹ ihwo efa, Me da ghwẹ efe rayen reyọ; kerẹ erhuẹn ọshare mi de dje ihwo ri tidia ekete she,

Aizaya 10:13 ပူးပေါင်းရင်းမြစ်များ

Ivie rẹ Ivẹ 15:29

Vwẹ ọke ri Peka ovie rẹ Izrẹl vwo suẹn, ọye Tigiatpileza ovie rẹ Asiria rhe vwọ kua Ijọn, vẹ Abel-bet-maka, vi Janoa, vi Kedẹsh, vi Hazo, vi Giliad, kugbe Galili vẹ otọ ri Naftali ejobi; o de mu ihwo na ighuvwu kpo Asiria.

Ivie rẹ Ivẹ 16:8

Ehaz da reyọ idọnọ vẹ iro rọ mrẹre vwẹ evun rẹ uwevwi rẹ Ọrovwohwo kugbe uwevwi rẹ efe rẹ ovie, ọ da phare ayen rhe ovie rẹ Asiria.

Ivie rẹ Ivẹ 17:24

Ovie rẹ Asiria da kua ihwo nẹ Babilọn rhe, vẹ Kuta, vẹ Ava, Hamat, vi Sefavem rhe, ọ da ghwẹ ayen phihọ irere ri Sameria ra kua ihwo rẹ Izrẹl nu na, ayen de rhe vwo Sameria, ayen de yeri irere rọye.

Ivie rẹ Ivẹ 17:6

Vwẹ ukpe rirhiri ri Hoshea ovie rẹ Asiria de mu Sameria, ọ da kua ihwo rẹ Izrẹl kpo Asiria, ọ da ghwa ayen phihọ Hala, kugbe Habo, urhie ri Gozan, kugbe evun rẹ irere rẹ ihwo ri Mid.

Ivie rẹ Ivẹ 18:11

Ovie rẹ Asiria da kua ihwo rẹ Izrẹl kpo Asiria, Ọ da ghwa ayen phihọ Hala vẹ orhoma ri Habọ, urhie ri Gozan, kugbe evun rẹ irere rẹ ihwo ri Mid,

Ivie rẹ Ivẹ 18:15

Hẹzikaya da vwẹ idọnọ rọ mrẹre vwẹ uwevwi rẹ Ọrovwohwo na, vẹ uwevwi rẹ efe rẹ uwevwi rẹ ovie na vwọ kẹ.

Ivie rẹ Ivẹ 18:32

bẹsiẹ re me cha vwọ reyọ ovwan yanran vwo kpo otọ rọ họhọ otọ rẹ ovwan na, otọ rẹ eka vẹ udi, otọ rẹ ikara vẹ ọgbọ ri vain, otọ rẹ irhe rẹ oliv vẹ ame rẹ ọnyọn, rere wa vwọ rhọ, rere ovwan vwo je ghwo. Wa kerhọ ri Hẹzikaya siẹn ro de sun ovwan ghwrẹ rọ da tanẹ, Ọrovwohwo che sivwi avwanre.

1 Ikun rẹ Ivie 5:26

Etiyin Ọghẹnẹ rẹ Izrẹl da kpare ẹnwẹ ri Pul ovie rẹ Assiria re ji se Tilgatpilnesa ovie rẹ Assiria, o de mu ekru ri Rubẹn, Gad, ubro rẹ orua ri Manasse, ọ da vwẹ ayen rhe Halah, Habọr, Hara, kugbe urhie ri Gozan re te nonẹ.

Isẹ 28:11

Ọdafe da ghwanre kẹ omobọ rọye, ovwiogbere gheghẹn ro vwo ẹruọ kọ mrẹ otọ rọye.

Aizaya 10:8

kidie ọ tare nẹ Inotu rẹ ofovwi mẹ ejobi dia ivie-e?

Aizaya 5:21

Ekan ke ihwo re ghwanre kẹ omaobọ rayen, ri vwọ ọhọ kẹ omobọ rayen ọvo!

Jerimaya 46:8

Ijipt kpare kerẹ Nile, kerẹ irhie rẹ ame rayen kpara cha. Ọ tare, me kpare, mi phoro otọ na, me guọghọ irere vẹ ihwo rayen.

Jerimaya 48:14

Mavọ wo tare, Avwanre egba kugbe ihwo egangan rẹ ofovwi?

Izikiẹl 25:3

Ta kẹ ihwo rẹ Ammọn, Nyo ota rẹ Ọrovwohwo Ọghẹnẹ: E nẹ Ọrovwohwo Ọghẹnẹ tare: Fikiridie wọ tare, Ẹhẹ! vwọ kpahe enu rẹ ẹshẹ mẹ na vwẹ ọke re vwo gbe ẹgua, je vwọ kpahe otọ rẹ Izrẹl vwẹ ọke ra vwọ kua fiotọ, je vwọ kpahe uwevwi ri Juda vwẹ ọke re vwo muo kpo imu;

Izikiẹl 26:2

Ọmọ rẹ ohwo, fikiridie Taya ta ota kpahe Jerusalẹm nẹ, E nẹ, anurhoro rẹ ihwo na tuegheri, o rhiephihọ ghwroro kẹ vwẹ; kẹ oyovwi kẹvwẹ, vwẹ asakiephana a ghwọrọ te otọ na re,

Izikiẹl 29:3

ta ota, re wọ ta, E nẹ Ọrovwohwo Ọghẹnẹ tare: Nighere, Me vwọ so wẹ, Fẹro ovie rẹ Ijipt, okpodjerivwi ro figberi uherevie rẹ urhie rọye, rọ tanẹ, Nile mẹ na ọ robọ mẹ; mẹvwẹ re marọ.

Izikiẹl 35:13

Wọ de mu oma wẹn kpenu kpahe ovwẹ vwẹ ugbunu wẹn, wọ da ta eta miomiovwi kpahe ovwẹ, mi nyo ayen.

Daniẹl 4:27

Fiki rẹ ọtiọye, E Ovie, gbe nyo uchehro mẹ, siobọ nẹ umwemwu rere wo ru emu esiri, vẹ orukuruku wẹn, re wo ni arodọvwẹ kẹ ihwo rẹ eshenyẹ, siẹvo ufuoma wẹn ke ruo gro phihọ.

Daniẹl 4:30

etiyin ovie na da ta, Onana dia Babilọn rọde na, re me vwẹ ẹgba vẹ ogangan mẹ bọn rọ dia ighẹn rẹ ovie vwọ kẹ urinrin vẹ ọrho mẹ?

Emọs 5:27

fiki rẹ ọtiọye na ki mi che mu ovwan kpo imu vrẹn Damaskọs, eriyin Ọrovwohwo na tare, rẹ odẹ rọye Ọghẹnẹ rẹ otuofovwi na.

Emọs 6:13

Ovwan re ghọghọ vwi Lodeba, re tanẹ, Ọ dia ogangan rẹ avwanre ma vwọ reyọ Karnaim ke oma re avwanre?

Habakọk 1:11

Etiyin ayen de hwerhe vrẹn kerẹ odju ayen da yan he obaro, ihwo re re abe, rẹ ẹgba rayen hirhe phihọ ọghẹnẹ kẹ ayen.

Habakọk 1:16

Fiki rẹ ọtiọye na ko ze izobo kẹ ariri rọye kọ tọrhẹ insẹns kẹ ugodo rẹ ariri rọye, kidie ayen ọ vwọ re akpọ, emu rọ ria pha tẹgbẹ yoyovwi.

Habakọk 2:6

Enana ejobi na rha vwọ jehwẹ, rẹ ayen da mienu phihọ, tanẹ, Ekan kẹ ohwo rọ ghwẹ emu koko yẹ obo rọ ghwẹ koko na dia ọrọye-e– mavọ o krite?– ro de kru oghwa rẹ iviẹnwan nyẹ oma rọye!

Urhi Rivẹ 8:17

Jomaotọ wọ da rhe ta vwẹ udu wẹn, Ọgangan mẹ vẹ ẹgba rẹ obọ mẹ mi vwo vwo efe nana,

Iguẹdjọ 7:2

Ọrovwohwo da ta kẹ Gidiọn nẹ ihwo rẹ vẹ owẹ gba herọ bunọ kẹ vwẹ ri mi vwo phi ihwo ri Midian na phihọ obọ rayen, rẹ Izrẹl da rha yoma kẹ vwẹ nẹ, obọ mẹ ọvo mi vwo sivwi oma mẹ