Aizaya 10:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ọke rẹ Ọrovwohwo de ru iruo rọye ejobi vwẹ Ugbenu ri Zayọn kugbe Jerusalẹm nu, ko che hwe Asiria vẹ eyan ofefe rọye kugbe eheri ọbrabra rọye.

Aizaya 10:12 ပူးပေါင်းရင်းမြစ်များ

Ivie rẹ Ivẹ 19:31

Kidie nẹ evun ri Jerusalẹm umuku ke tanrhe, nẹ Ugbenu ri Zayon rhe otu ri ghwu chekọ ke cha rhe. Oruru rẹ Ọrovwohwo che ru ọnana.

Une rẹ Ejiro 18:27

Kidie wo sivwi ihwo re vwẹ oma kpotọ; ẹkẹvuọvo ohwo vẹ ẹro umwemwu wo sio kpotọ.

Une rẹ Ejiro 21:10

Wọ guọghọ uvwiẹ rayen nẹ akpọ na, emọ rayen vwo nẹ ohri re emọ re ihwo.

Une rẹ Ejiro 76:10

Uyota ophu rẹ iliwo rẹ akpọ che jiri uwe; ọmophu ri chekọ vwẹ akpọ na ku wọ vwẹ ayen rhuo oma wẹn.

Une rẹ Ejiro 76:5

Ihwo vẹ udu kokoroko na aghwie udu na mie ayen, aycn de she ro ovwerhẹ; ihwo rẹ ofovwi na ejobi gbe sa vwẹ abọ rayen ru emuọvo-o.

Isẹ 21:4

Ẹro umwemwu vẹ udu rẹ eheri kugbe urhukpẹ rẹ ohwo umwemwu, ayen ejobi umwemwu.

Isẹ 30:13

Efa herọ mavọ ẹro rayen kpenu te, ẹro rayen nẹ ohwo sua-a

Aizaya 2:11

Inieni ọbrabra rẹ ohwo ki che kpotọ eheri rẹ ihwo ka phọphọ ayen; Ọrovwohwo na ọvo kọye a kpare kpenu vwẹ ẹdẹ yena.

Aizaya 2:12

Kidie Ọrovwohwo rẹ ofovwi na vwẹ ẹdẹ kẹ ihwo ri herẹ kugbe iri phuoma, kẹ ihwo ri mu oma kpenu,

Aizaya 24:21

Vwẹ ẹdẹ yena Ọrovwohwo ko hwe otu rẹ ofovwi rẹ odjuvwu, vwẹ obo odjuvwu, ivie rẹ akpọ na, vwẹ evun rẹ akpọ na.

Aizaya 27:7

Kọ ghwiẹ ayen kirobo ro ghwiẹ otu re ghwiẹ ayen na? Eyeẹ ke hwe ayen kirobo re hwe ayen otu ri hwe ayen?

Aizaya 27:9

Vwẹ oma rẹ ọnana kọye e vwo phoro abe ri Jekọp nu. Ọnana kọye cha dia omamọ rẹ emamọ rẹ esiono rẹ umwemwu rọye; vwẹ ọke ro de ru ibieragha rẹ agbada na kerẹ ukori rẹ ọnrhe ra nọre vworovworo, te ighriki vẹ agbada ra da torhẹ egẹn gbi se mudia-a.

Aizaya 29:14

fiki rẹ ọtiọye na, nighe, me cha rhoma vwẹ ihwo nana ru emu rẹ igbunu, emu rẹ igbunu rode, aghwanre rẹ ọvwaghwanre rayen na ejobi ke guọghọ, evughe rẹ ihwo re mrẹ emu vughe ejobi ke che sionu.

Aizaya 33:1

Ekan ke we, oghwọrọ na, kono ekpuyovwi wẹn je ẹghwọrọ; wẹ ohwo ogbarogba na, ohwo ve owe ji ru emu ogbarogha devo-o Ọke wọ da ghwọrọ ihwo nu, ekpuyovwi wẹn ka je ghwọrọ owe; ọke wo de ru ogbarogba ru wo se ru nure, ke ji nene uwe ru emu ogbarogba rhe.

Aizaya 37:23

Kono wọ vwọ jehwẹ, ono wọ ghwọ ku? Kono wọ kpare urhuru wẹn vwọ so, re wọ vwẹ ẹro ọbrabra wẹn ni? Ọfuanfon Ọvuọvo rẹ Izrẹl na.

Aizaya 37:29

Fikiridie wọ rọ họnrọ ovwẹ ri mi de nyo usi rẹ eyan ru wọ yan, ke me vwẹ oghọre mẹ sa unwe rọye ke me vwẹ uwe mẹ vwo we unu wẹn, ke me cha rhan wẹn rhivwi vwẹ idjerhe ru wọ wan rhe.

Aizaya 5:15

Ohwo e siro wurhu, a reyọ ihwo vwo gbotọ, ẹro re ohwo umwemwu kọ dia karhiẹ.

Aizaya 50:11

Nighere, ovwan ejobi ri koko erhanre, ri phopho imwerhanre la! Gba vwẹ urhukpẹ re erhanre wẹn vwọ yan, kugbe imwerhanre ri wo koko phihọ! Ọnana kọye wọ cha mrẹ reyọ vwẹ obọ Mẹ ku wo che ghunie vwẹ ọdjarhe.

Aizaya 65:7

orukuruku rayen kugbe orukuruku rẹ ese rayen kugbe, eriyin Ọrovwohwo tare; fikiridie ayen torhẹ egẹn vwẹ enu rẹ igbenu na ayen da van ku vwe vwẹ enu rẹ igbenu itete na, Me cha vwanvwe phihọ agada rayen osa re ọbo rayen ruru rhabae.

Aizaya 9:9

Ihwo na ejobi ke riẹn, Ifrem kugbe ihwo ri Sameria ejobi, re vwẹ eheri vẹ eyan vwọ ta vwẹ udu rayen.

Jerimaya 25:29

Kidie gbe nighe, mi mu umiovwọ phihọ eruo vwẹ orere re vwo se odẹ mẹ na re, kẹ ovwan dia re e je ovwan eruo gangan? E se je ovwan eruo ganga-an, kidie mi se ọlọkọ rhe kpahe ihwo re dia akpọ na, eriyin Ọrovwohwo rẹ otuofovwi na tare.

Jerimaya 50:18

Ọtiọye na, enẹ Ọrovwohwo rẹ otuofovwu na tare, Ọghẹnẹ rẹ Izrẹl na: Nighe, me ra vwẹ ehwe kẹ ovie ri Babilọn vẹ otọ rọye, kirobo ri mi hwe ovie rẹ Asiria na.

Jerimaya 50:32

Ọ ro herẹ na cha yẹghrẹ ro de she, ọ rọ kparọ vrẹn rha dia-a, ki mi che koko erhanre phihọ irere rọye, kọ cha guọghọ otu re yareriẹ phihọ ejobi.

Izikiẹl 31:10

Fiki rẹ ọtiọye na enẹ Ọrovwohwo Ọghẹnẹ tare: Fikiridie o tan kpenu nẹghẹ nẹghẹ rẹ obenu rọye de re duvwu irharheghe rẹ obenu na, udu rọye kọ vwẹ ugrogro rọye na yan eyan,

Izikiẹl 31:14

Enana ejobi ke dia ọtiọye rere urhe ọvuọvo rọ dia kẹrẹ asan ame vwo je gro kpenu phene phene eyẹ obenu rayen jẹ ikoro na eduvwo, rere urhe kurhe rọ da ame na vwo jẹ obenu phene phene e te, kidie a vwẹ ayen ejobi vwo ze kẹ ughwu, vwo kpo obo orho rẹ erivwi vwẹ ohri rẹ ihwo ighwe-ghwu, vwo kugbe ayen ihwo ri kpo obo Ukpotọ na.

Daniẹl 11:45

Kọ cha bọn ighẹn rẹ ovie rọye phihọ ahwa rẹ abadi rode na vẹ ugbenu ọfuanfọn rẹ urinrin na; dede na o che vwo oba, o vwo ohwo ọvuọvo rọ cha uko-o.

Daniẹl 4:37

Asakiephana Mẹvwẹ, Nebukadneza de jiri ji mu ọghọ kẹ Ovie rẹ odjuvwu kidie iruo rọye ejobi shephihọ, idjerhe rọye uyota, ihwo re yan mu oma kpenu ejobi kọ sa vwẹ ayen kpotọ.

Ukeri 24:24

Ẹkẹvuọvo ekọ che nẹ Kitim cha ke cha họnre Asshur kugbe Eber; ekpuyovwi rọye ka guọghọ rhe.

Matiu 12:33

Ru urhe yovwi rere emamọ rọye vwerhe; eyẹ gbe ru urhe na miovwi rere emamọ rọye miovwi; Kidie emamọ rẹ urhe ọye e vwo vughe.

Matiu 15:19

Fikiridie evu rẹ udu ọye iroro imiomiovwi nẹ cha; ozighẹ, igberadja, ọfanrhiẹ, ujiecho, iseri rẹ eku, ọghware.

Urhi Rivẹ 32:27

Ọ dianẹ Me djẹ oshọ rẹ ophu ẹrhanriẹ rẹ ivwighrẹ-ẹ, manẹ otu rẹ ukọn rayen brorhiẹ chọ, ayen da rha ta nẹ, Avwanre kparobọ, ọ dia Ọrovwohwo ri ru ọnana-a.

1 Pita 4:17

Kidie ọke na tere rẹ ẹdjọeguo na che vwo muhọ vwẹ evwruwevwi rẹ Ọghẹnẹ re; ọ da dia avwanre o vwo muhọ, komavọ oba rẹ ayen otu ri mu ọghọ kẹ iyẹnrẹ esiri rẹ Ọghẹnẹ na-a cha dia?