Aizaya 1:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Odiane kẹ Ọrovwohwo rẹ ofovwi je imi ihwo ẹvo vwo kẹ avwanre vwonẹ, mane kẹ avwanre a dia kerẹ Sodọm, ke avwanre a họhọ Gomora.

Aizaya 1:9 ပူးပေါင်းရင်းမြစ်များ

Jẹnẹsis 18:26

Ọrovwohwo da ta, Me da sa mrẹ evwata ujuvẹ gbẹ ihwe vwi Sodọm, ki mi ji asan na vwo vwi fiki rẹ ayen.

Jẹnẹsis 18:32

Ọ da rhoma ta, Biko e jẹn ophu mu Ọrovwohwo-o, Me je ta obọ nana tavwe. Ọ da dianẹ a mrẹ ihwo ihwe vwọ. Ọ da ta, Fiki rẹ ihwe na Me je sa ghwọrọ-ọ.

Jẹnẹsis 19:24

Etiyin Ọrovwohwo da rhọ osio rẹ ibieragha vẹ erhanre phihọ Sodọm vi Gomora nẹ obo odjuvwu rhe,

1 Ivie 19:18

Dede na yi mi che jẹ ihwo uriori ighwrẹ vwo vwẹ Izrẹl, igbo ejobi ri ji diguẹ ki Baal dẹvo-o, kugbe unu kunu rọ jẹ fiọnfiọn dẹvo-o.

Ivie rẹ Ivẹ 19:4

Siẹvo yẹn Ọrovwohwo Ọghẹnẹ wẹn nyo eta ejobi ri Rabshake, rẹ onini rọye ovie rẹ Asiria ji rhe rhe ta vwọ reyọ Ọghẹnẹ ro vwo arhọ vwọ jehwẹ, kẹ Ọrovwọhwo Ọghẹnẹ wẹn na ọvo cha oja rẹ ota rẹ o nyori na; fiki rẹ ọtiọye na gba nẹ ẹrhovwo kẹ umuku ra yan jovwo na.

Aizaya 1:8

Ọmọtẹ ri Zayọn kọye ri chekọ kerẹ utughẹ vwe evun rẹ udju ri vain, kerẹ ohẹrhẹ vwẹ udju rẹ oyaọ, kere orere rọ hẹ imu

Aizaya 11:11

Vwẹ edẹ yena Ọrovwohwo kọ cha riẹn obọ rọye vwẹ obọ rivẹ rhe vwọ ghwẹ umuku rẹ ihwo rọye ri chekọ, nẹ Asiria rhe, nẹ Ijipt, nẹ Patios, nẹ Itiopia, nẹ Elam, nẹ Shinar, nẹ Hamat, kugbe irere re hẹ obo oma rẹ urhie.

Aizaya 11:16

Idjerhe rode kọ cha wan nẹ Asiria rhe vwọ kẹ umuku rẹ ihwo rọye ri chekọ, kirobo rọ epha kẹ Izrẹl ọke rẹ ayen vwo nẹ otọ rẹ Ijipt cha.

Aizaya 17:6

Ka kọrọ ẹvo chekọ vwọ, kere ẹsiẹn ra da gbẹrhiẹn urhe rẹ oliv eduru ivẹ eyẹ erha mi rhi chekọ vwẹ obi Irharheghe, ẹne eyẹ iyori vwẹ eghọn rẹ urhe rọ mọ na, eriyin Ọrovwohwo Ọghẹnẹ rẹ Izrẹl tare.

Aizaya 24:13

Enẹ ọ cha dia vwẹ uherevie rẹ akpọ na kugbe uherevie rẹ ẹgborho na, kerẹ ẹsiẹ rẹ urhe rẹ ọliv e de vwirhi, vwẹ ọke ra da kọrọ otiẹ nu.

Aizaya 24:6

Fiki rẹ ọtiọye na ekan kọ ghwọrọ akpọ na, ihwo re dia ke re oja fiki rẹ abe rayen; fiki rẹ ọtiọye na ihwo re dia akpọ na ejobi yamu, imihwo tutuno keye chekọ.

Aizaya 37:4

Okeọvo ọ me dianẹ Ọrovwohwo rẹ Ọghẹnẹ wẹn nyo eta ri Rabshekeh, re onini rọye ovie rẹ Asiria ji rhe rhe vwẹ Ọghẹnẹ ri bẹdẹ na jehwẹ, rọ da ghwọ fiki rẹ eta na rẹ Ọrovwohwo rẹ Ọghẹnẹ wẹn nyori na; fiki rẹ ọtiọye na gbe jẹn ẹrhovwo ovwan guvwie kpenu vwọ kẹ umuche ihwo ri chekọ.

Aizaya 46:3

Kerhọn Me, E uwevwi ri Jekọp, umuku ri chekọ vwẹ uwevwi rẹ Izrẹl, ri mi mu ghwa ne ọke emọ rhe, re Me ghwa vwẹ evun Mẹ;

Aizaya 6:13

Ọ da tobọ dianẹ ẹkehwe chekọ vwọ, a cha torhẹ kirẹ uloho eyẹ ọhahe, rẹ uchuku rọye chekọ siẹ re de she nu. Ubi ọfuanfọn na ọye hẹ uchuku na.

Aizaya 65:8

Enẹ Ọrovwohwo tare: Kirobo ra mrẹ wain vwẹ eduru na, re ayen da tanẹ, Wọ ghwọrọ-ọ na, kidie erhovwo herọ, ọtiọye Mi ru fiki rẹ idibo Mẹ, Me rha ghwọrọ ayen ejobi-i.

Jerimaya 23:14

Ẹkẹvuọvo vwẹ emraro ri Jerusalẹm me mrẹ emuọvo ro muoshọ, ayen gbe igberadja ayen je yan vwẹ evun rẹ ofian, ayen ru obọ rẹ iruimwemwu gan, vwẹ eriyin ọ ro kurhẹriẹ nẹ umwemwu gbe herọ-ọ ayen ejobi da họhọ Sodọm kẹ vwẹ, ihwo re dia da họhọ Gomora.

Jerimaya 42:2

Ayen da ta kẹ Jerimaya rẹ ọmraro na, Jẹn omaevwerhe rẹ avwanre te obaro wẹn wọ rẹ Ọrovwohwo Ọghẹnẹ wẹn na kẹ avwanre, kidie umuku rẹ avwanre ro chekọ na rhe bu-u, kirobo rẹ ẹro wẹn je ghwa mrẹ na.

Jerimaya 50:20

Vwẹ ẹdẹ yena vẹ ọke yena, eriyin Ọrovwohwo tare, a cha guọnọ orukuruku vwẹ Izrẹl, a gbe mrẹ vwọ-ọ, kugbe umwemwu vwi Juda a gbe rnrẹ ọvuọvo vwọ-ọ, kidie umuku ri mi che jovwo mi che vwo ghovwo ayen.

Uvwerhe 3:22

Ẹguọnọ ro jẹrhẹriẹ rẹ Ọrovwohwo na o re-e, arodọvwẹ rọye vwo oba-a.

Uvwerhe 4:6

Kidie efafa ra fa ọmọtẹ rẹ ihwo mẹ rhonọ ehwe ri Sodom, ra guọghọre vwẹ ẹroẹbrẹ na, ọ dianẹ a vwẹ obọ te-e.

Izikiẹl 14:22

Dede na, ọ da tobọ dianẹ imihwo ghwu chekọ vwọ ri se sun emeshare ve emetẹ phia, vwẹ ọkẹ rẹ ayen de bru we cha, ru wọ da mrẹ idjerhe rayen vẹ uruemu rayen, udu we ko te otọ fiki rẹ umiovwo re me ghwa rhe Jerusalẹm na, kidie eyena ejobi na mẹvwẹ re ghwarọ rhe.

Izikiẹl 6:8

Dede na mi ji ihwo evo vwo ekpokpọ. Ọke wo de vwo ihwo evo vwẹ ohri rẹ ẹgborho na re djẹ vabọ rẹ ọlọkọ, kẹ ayen cha hrabọ ruẹ ẹkuotọ na ejobi.

Joẹl 2:32

Ọke yena de rhi tere ihwo ejobi ri se odẹ rẹ Ọrovwohwo na ke che sivwi ayen; kidie vwẹ Ugbenu ri Zayọn kugbe Jerusalẹm ka cha mrẹ ẹvo re djẹ vabọ, kirobo rẹ Ọrovwohwo tarẹe, vwẹ usun rẹ ihwo ri ghwu chekọ na ka cha mrẹ ẹvo rẹ Ọrovwohwo na seri.

Emọs 4:11

Me guọghọ ovwan ẹvo, kerẹ ẹsie re Ọghẹnẹ vwọ guọghọ Sodọm vi Gomorah, wa da họhọ imwerhanre re kpare she nẹ erhanre, yu we ji rhivwi bru vwẹ rhe-e, Ọrovwohwo na tarọ.

Habakọk 3:2

E Ọrovwohwo, mi nyo iyẹnrẹ wẹn, iruo wẹn, E Ọrovwohwo, me djẹ oshọ rọye. Vwẹ uherevie rẹ ukpe na gba rhiọ; vwẹ uherevie rẹ ukpe na gba vwọ phia re a riẹn, vwẹ evun rẹ ophu biko karohọ arodọvwẹ.

Zẹfanaya 2:9

Vwẹ ọtiọye na, kirobo re me herọ na, Eriyin Ọrovwohwo rẹ otuofovwi na tare, Ọghẹnẹ rẹ Izrẹl na, Moab kọ cha họhọ Sodọm, ihwo rẹ Ammọn kerẹ Gomora, otọ rọ vọnre vẹ avwrọgbo kugbe esokpọ ra kua fiotọ bẹdẹ. Umuku rẹ ihwo mẹ ri chekọ ki gborho ayen, ihwo ri ghwu cheko vwo ẹgborho mẹ na ki che vwo ayen.

Matiu 7:14

Kidie idjerhe rẹ uyota na pha hwahwa phiọnphiọn, ọye ọ rẹ arhọ na; ihwo tutuno re sa guọnọ mrẹ.

Ọbe ri Pọl si rhe Ihwo ri Rom 9:27

Aizaya de ghwoghwo kpahe Izrẹl. Owenẹ emọ rẹ Izrẹl bu kerẹ ibiekpẹn rẹ abadi, umuku rẹ ayen re cha rhọ;

Ọbe ri Pọl si rhe Ihwo ri Rom 9:29

Kirobo rẹ Aizaya je mraro, Ọ dianẹ Ọrovwohwo rẹ otuofovwi jẹ emo ẹ vwọ kẹ avwanre vwo-o, avwanre ka dia kerẹ Sodọm ke ru avwanre họhọ Gomora.

Urhi Rivẹ 29:23

osio rẹ ibieragha rẹ erhanre ve isọn ọnre ke rhọ phihọ otọ na ejobi, kugbe otuanto re torhẹ kufia ejobi, asan ro shaton, re voro-o, ro di ẹbe-e ra torhẹ muotọ kiri Sodọm vi Gomora, Adma vi Ziboim, rẹ Ọrovwohwo vwẹ ophu rọye vwọ ghwọrọ kufia na,

2 Pita 2:6

ọ da dianẹ ro vwo hirhe irere ri Sodọm vi Gomora vwọ hẹ iwurhie o de vwo bruhwe ayen nẹ e phoro ayen nẹ akpọ na rọ vwọ dia oniru kẹ ayen ihwo umwemwu;

Ẹvwọphia 11:8

irivwi rayen ke cha riẹn nene urhuvwu rẹ orere rode na ra vwẹ itẹ se nẹ Sodọm kugbe Ijipt, asan ra da kanre Ọrovwohwo mu agbagba.