Aizaya 1:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Orere wẹn kua fiotọ, orho wẹn erhanre torhẹ ayen, vwẹ irharo wẹn kokoko na erhorha ra kua otọ wẹn reyọ, ọ kuare, erhọrha guọgherọ totọ.

Aizaya 1:7 ပူးပေါင်းရင်းမြစ်များ

2 Ikun rẹ Ivie 28:5

Fiki rẹ ọtiọye na Ọrovwohwo Ọghẹnẹ rọye de phio phihọ obọ rẹ ovie ri Siria, o de phio kparobọ o de mu ihwo rọye buebu ighuvwu o de mu ayen kpo Damaskọs. E de ji phio phihọ obọ rẹ ovie rẹ Izrẹl, o de phio kparobọ o de hwe ihwo rọye buebu.

Une rẹ Ejiro 107:34

otọ ro yovwẹ emu hirhe phihọ otọ rẹ ughweraka diodi, fiki rẹ umwemwu rẹ ihwo re dia.

Une rẹ Ejiro 107:39

Ọke rẹ ayen da havwa she kpotọ, fiki rẹ oshenyẹ, ukpokpogho, kugbe oja,

Une rẹ Ejiro 109:11

Jẹn ohwo rẹ ayen re osa gborho obo rẹ ayen vwori ejobi; jẹn erhorha kọrọ emamọ rẹ owian rọye!

Aizaya 1:8

Ọmọtẹ ri Zayọn kọye ri chekọ kerẹ utughẹ vwe evun rẹ udju ri vain, kerẹ ohẹrhẹ vwẹ udju rẹ oyaọ, kere orere rọ hẹ imu

Aizaya 3:8

Kidie Jerusalẹm rọ yẹghrẹ, Juda she nure; fikiridie ota rayen kugbe uruemu rayen vwọ so Ọrovwohwo ayen da phọphọ asan urinrin rọye.

Aizaya 34:9

Ito re Idọm na ejobi cha kpọ hirhe phihọ ọrhorhe, ibiekpen rọye ki hirhe phihọ ibiekpen re erhanre, otọ rọye kọ hirhe phihọ orhọrhe rọ tuan.

Aizaya 49:19

Uyota asan ofefe wẹn ra kua jovwo kugbe otọ wẹn ra ghwọrọ re na– uyota ọ cha hwa nọ kẹ ihwo wẹn re dia, ihwo re rọ we kpo evun na ke cha dia shesheri.

Aizaya 5:17

Ọke yena imigodẹ na ke cha re odi rayen, te ọghwara te ẹmẹvwe ke cha re kugbe vwẹ ohri rẹ iwevwi ri sheri na.

Aizaya 5:9

Ọrovwohwo rẹ otuofovwi na o duvwu iyori kẹ vwẹ nyo. Uyota iwevwi buebu cha dia ofefe, iwevwi ride yoyovwi, ihwo gbe dia aye-en.

Aizaya 6:11

Etiyin me da ta, Mavọ O krite, E Ọrovwohwo? Ọ da ta: Bẹsiẹ rẹ irere na vwọ dia ofefe re kaka ohwo gbe dia-a ihwo gbe dia evun re iwevwi na-a otọ na ejobi vwọ dia ofefe,

Aizaya 60:15

Kirobo ra sen wẹ re tuoma wẹ jovwo na, re ohwo ọvuọvo wan wẹ vrẹn jovwo-o na, ki Mi ru we rhuarho bẹdẹ, aghọghọ nẹ oge re te oge.

Aizaya 62:8

Ọrovwohwo vwẹ obọrhe rọye duvwu iyori nure vẹ igbabọ rẹ Ọgba rọye na Me gbe sa vwẹ ọka wẹn ru emuọre kẹ ivwighrẹ wẹn ọfa-a, erhorha gbe sa da udi wẹn ru wọ wian phihọ na ọfa-a,

Aizaya 64:10

Irere efuanfon wẹn na rhe rhoma hirhe phihọ aghwa, Zayọn rhi hirhe phihọ aghwa, Jerusalẹm rhe kua fiotọ.

Aizaya 9:18

Kidie umwemwu torhẹ kerẹ erhanre, kọ torhẹ ekpia vẹ idjigbẹ, etu na kugbe egbo etu na kugbe egbo na ki muẹ la, ki bru ikori rẹ ivwirhi kpenu.

Aizaya 9:5

Kidie edo rẹ isabatọ rẹ ọgba ofovwi vwo chiyi otọ kugbe ewun ejobi ri gbunie ọbara ke torhẹ kerẹ irhe vwẹ erhanre.

Jerimaya 2:15

Ikpohrokpo re kperẹ nene, ayen re kperẹ gangan, Ayen ru otọ rọye ofefe; irere rọye hẹ evun rẹ oghwọrọ ihwo gbe hẹ ayẹ-en.

Jerimaya 4:7

Okpohrokpo nẹ evun rẹ etu rọye rhe, ọghwọrọ rẹ ẹgborho na yan phiare; ọ yan nẹ asan rọye re rere ọ ru otọ rẹ ovwan phihọ ofefe irere rẹ ovwan ke cha dia erhurhu ohwo gbe dia aye-en.

Jerimaya 44:6

Vwẹ ọtiọye na ophu mẹ vẹ ivuemiovwo mẹ ko hwe ku irere ri Juda vẹ irhuvwu ri Jerusalẹm kọ je la mu ayen, ayen ke rhe dia ẹghwọrọ vẹ ofefe, ọtiobo rọ epha nonẹ na.

Jerimaya 6:8

Noma te, E Jerusalẹm, mi de rhe sioma nu we, mi de rhe ru we dia ofefe, rhe dia otọ re jẹ dia.

Jerimaya 7:34

Ki mi fue urhuru rẹ aghọghọ vẹ omavwerhovwẹ nẹ irere ri Juda kugbe Jerusalẹm ejobi, urhuru rẹ opha vẹ ọshare rọye, kidie otọ na cha dia ofefe.

Uvwerhe 5:2

A rhẹriẹ uku rẹ avwanre vwọ kẹ erhorha, iwevwi rẹ avwanre kẹ ihwo rẹ isiorho.

Izikiẹl 25:4

fiki rẹ ọtiọye na ki mi siobọ nẹ uwe kẹ ihwo rẹ obaro ọnre vwọ ghare ughwẹ, kẹ ayen che mu erhọn phihọ ohri wẹ, kẹ ayen che ru asan rẹ ayen dia phihọ uherevie wẹn, kẹ ayen re emamọ wẹn ayen ke da ameivie wẹn.

Izikiẹl 30:12

Ki mi ru Nile kpọ ke me shẹ otọ na kẹ ihwo umwemwu, ke me cha kua otọ na vẹ obo re herọ ejobi fiotọ, vwẹ obọ rẹ erhorha, Mẹvwẹ, Ọrovwohwo, re tarọ.

Hosia 7:9

Erhorha guọghọ ogangan rọye phihọ otọ, jẹ ọ riẹnre-e, esha di mu djẹ vwẹ uyovwi rọye, jẹ ọ riẹnre-e.

Hosia 8:7

Kidie ayen kọn odju, ayen ki che vun ogiribo. Eka ri mudia na mu emọ phihọ uko-o, ayen gbe cha mọ-ọ e da tobọ mọ erhorha ke riọ nu.

Livitikọs 26:33

Ke Me cha hra ovwan ro irere na ejobi, eda re dje phihọ ako ejobi ke che yoro ayen phia fiki rẹ ovwan otọ na kọ cha dia ofefe, irere re ovwan ejobi ka kua ayen fiotọ.

Livitikọs 26:34

Ọke yena otọ na kọ che vwo omavwerhe fiki fiki re ẹdidjala rọye vwẹ ọke re otọ na dia ofefe kri te, rẹ ovwan cha vwọ dia otọ rẹ ivwighrẹ rẹ ovwan na, otọ na kọ nabọ rovwo oma ọ Me rhe yọnrọn ẹdidjala na.

Maika 5:11

ke Me guọghọ irere rẹ otọ wẹn kufia ki mi kporo egba ọgangan wẹn she;

Maika 6:13

Fiki rẹ ọtiọye na mi mu ovwan phihọ ẹteyọ re, ka kua ovwan fiotọ fiki rẹ umwemwu rẹ ovwan.

Urhi Rivẹ 28:33

Ẹgborho ru wo vugherei-i cha re emamọ rẹ otọ wẹn vẹ owia rọ wọ wianre ejobi; ke shenyẹ wẹ guọghọ owẹ te otọ kọke kọke;

Urhi Rivẹ 28:43

Ọrhorha rọ uherevie rẹ ovwan cha rho kpenu ji ovwan vwo; yẹ ototọ kọye wa cha ra.

Urhi Rivẹ 29:23

osio rẹ ibieragha rẹ erhanre ve isọn ọnre ke rhọ phihọ otọ na ejobi, kugbe otuanto re torhẹ kufia ejobi, asan ro shaton, re voro-o, ro di ẹbe-e ra torhẹ muotọ kiri Sodọm vi Gomora, Adma vi Ziboim, rẹ Ọrovwohwo vwẹ ophu rọye vwọ ghwọrọ kufia na,