Aizaya 1:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ E, orere umwemwu ihwo ri kru orukuruku ghwa, uvwiẹ re iruimwemwu na, emọ re omwumwerhe na! Ayen sen Ọrovwohwo, ayen jẹn Ọfuanfon Ọvuọvo re Izrẹl na fia, a riẹriẹ ayen ghwru tototo.

Aizaya 1:4 ပူးပေါင်းရင်းမြစ်များ

Jẹnẹsis 13:13

Vwẹ ọke nana ihwo ri Sodọm na brare gangan, iruimwemwu ride na vwẹ obaro rẹ Ọrovwohwo.

Ivie rẹ Ivẹ 21:22

Ọ da siẹn Ọrovwohwo na, Ọghẹnẹ rẹ esẹ rọye, ọ rha yan phihọ idjerhe rẹ Ọroywohwo na-a,

2 Ikun rẹ Ivie 12:1

Ọke rẹ uvie ri Rehoboam rhe vwọ ghwaotọ kọkọroko nure, ọ da sen urhi rẹ Ọrovwohwo, ọ da vwẹ Izrẹl ejobi ba oma.

2 Ikun rẹ Ivie 27:2

O de ru obo ri shephihọ vwẹ obaro rẹ Ọrovwohwo kirobo rẹ Uzaya ọsẹ rọye ruru–yọ gborho uwevwi rẹ Ọrovwohwo-ọ. Ẹkẹvuọvo yẹ ihwo na ji nene uruemu ogbegbo rẹ ayen ruẹ jovwo.

Nehemaya 1:7

Avwanre ru emu ogbegbo kpahe owẹ, avwanre sa yọnre irhi wẹ-ẹn, iji wẹn, kugbe aghwoghwo wẹn ru wo ji urhi kẹ odibo wẹn Mosis.

Une rẹ Ejiro 58:3

Oruimwemwu yan ghwru nẹ evun rẹ oni rọye rhe, ayen ru chọ nẹ evun rẹ evwiẹ rhe, e vwọrọn efian.

Une rẹ Ejiro 71:22

Me sa vwẹ akpata jiri uwe fiki rẹ esegbuyota wẹn, E Ọghẹnẹ mẹ; Me sa vwẹ isorogun so ejiro kẹ wẹ, E Ọfuanfon Ọvuọvo rẹ Izrẹl.

Une rẹ Ejiro 78:40

Mavọ ayen vwọ suọ phẹre te vwẹ evun rẹ aghwa re ayen vwọ kpare ophu rọye vwẹ evun rẹ aton!

Une rẹ Ejiro 78:41

Ayen davwọ cha davwọ kpọ, ayen da kpare ophu rẹ Ọfuanfon Ọvuọvo re Izrẹl na.

Une rẹ Ejiro 78:57

ẹkẹvuọvo ayen kuoma rhẹriẹ ayen de ru ogbigbiru kerẹ esẹ rayen; ayen de mu chahe kerẹ umurhabọ ro gbapre.

Une rẹ Ejiro 78:8

rere ayen vwo jẹn esẹ rayen ẹhọhọ, uvwiẹ vẹ udu kpoi uvwiẹ rẹ okpetu, uvwiẹ rẹ vwẹ udu rayen kpahe ovwẹ-ẹ, rẹ erhi rọye se Ọghẹnẹ gbuyota-a.

Une rẹ Ejiro 89:18

Kidie ekpọfia re avwanre rhe Ọrovwohwo na, ovie re avwanre Ọfuanfon Ọvuọvo rẹ Izrẹl.

Ẹyano 32:7

Etiyin Ọrovwohwo da ta kẹ Mosis, Won kpotọ; kidie ihwo wẹn re wọ reyọ nẹ otọ rẹ Ijipt rhe na, miovwi oma rẹ ayen.

Aizaya 1:23

Isun wẹn ihwo rẹ okpetu ayen igbeyan rẹ iji. ọvuọvo guọnọ udi ẹriọ ayen mia djẹ nene ẹse? Ayen chochọ rẹ emephrorivwi e karohọ oviẹ rẹ ayeukuu.

Aizaya 1:28

Ẹkẹvuọvo jihwo okpetu kugbe iruimwemwu ka guọghọ ayen kugbe, ihwo re sen Ọrovwohwo ka gbọrọ ayen.

Aizaya 10:6

Orere ro jẹ Ọghẹnẹ ẹriẹn mi ji ro ra ihwo rẹ ophu rẹ ayen mu vwe me vuẹ rẹ na rọ reyọ emuọre re gborho ekuakua, re chiyi ayen pẹtẹ pẹtẹ kerẹ ibehre rẹ irhuvwu.

Aizaya 12:6

Kperi, so ine rẹ aghọghọ, E emotọ ri Zayọn, kidie Ọfuanfon Ọvuọvo rẹ Izrẹl na rọ uherevie rẹ ovwan na vwa rhurarho.

Aizaya 14:20

E gbi se shi we vọye kugbe-e, fikiridie wọ guọghọ otọ wẹn nure, wo hwe ihwo wẹn ejobi re. Uvwiẹ rẹ iruimwemwu na e gbi se odẹ wẹn bẹdẹ-ẹ!

Aizaya 29:19

Ihwo dẹndẹn cha mrẹ aghọghọ ọkpokpọ vwẹ evun rẹ Ọrovwohwo, ovwiogbere vwẹ usun rẹ ihwo na cha ghọghọ vwẹ Oma rẹ Ọfuanfon Ọvuọvo rẹ Izrẹl na.

Aizaya 3:8

Kidie Jerusalẹm rọ yẹghrẹ, Juda she nure; fikiridie ota rayen kugbe uruemu rayen vwọ so Ọrovwohwo ayen da phọphọ asan urinrin rọye.

Aizaya 30:1

Ekan kẹ emọ ri gbe ozighi, eriyin Ọrovwohwo tare, ri ruẹ obo rẹ ayen ta phihọ otọ, yẹ ẹkẹvuọvo ọ dia ọmẹ-ẹ; re gba oma koko, ẹkẹvuọvo yọ dia ọ rẹ erhi mẹ-ẹ, rere ayen mrasan vwẹ umwemwu ba umwemwu,

Aizaya 30:15

Kidie enẹ Ọrovwohwo rẹ Ọghẹnẹ tare, Ọfuanfon Ọvuọvo rẹ Izrẹl na, Vwẹ omaẹrha kugbe omaerovwo ọye ovwan da rhọ, vwẹ oma ehwemuẹ kugbe ẹro ẹvwọ suọ ọye ogangan rẹ ovwan epha. Yẹ ovwan rhọvwa-a,

Aizaya 30:9

Kidie ena ihwo ri gbe ozighi, emọ re vwọrọn efian, emọ ri jẹ eme enyo ri nyo uyono rẹ Ọrovwohwo na-a,

Aizaya 31:2

Dede na ọye re ghwanre ọye je ghwa okpetu cha, o se ota rọye rhivwi-i, ẹkẹvuọvo o che vrẹn vwo so uwevwi re otu ri ruẹ umwemwu, kugbe ihwo re cha orukuruku uko

Aizaya 37:23

Kono wọ vwọ jehwẹ, ono wọ ghwọ ku? Kono wọ kpare urhuru wẹn vwọ so, re wọ vwẹ ẹro ọbrabra wẹn ni? Ọfuanfon Ọvuọvo rẹ Izrẹl na.

Aizaya 41:14

Wọ djẹ oshọ-ọ, we ri Jekọp re ohori, ovwan ihwo rẹ Izrẹl! Me sa cha we uko, eriyin Ọrovwohwo tare, Ọtan wẹn ọye Ọfuanfon Ọvuọvo rẹ Izrẹl na.

Aizaya 41:16

Ku wọ va ehọrọ nẹ ayen, odju ko mu ayen yanran, aphopho kọ hra ayen. Ku wọ ghọghọ vwẹ evun rẹ Ọrovwohwo vwẹ evun rẹ Ọfuanfon Ọvuọvo rẹ Izrẹl na wo de vwo urinrin.

Aizaya 41:20

rere ihwo vwọ mrẹ vwẹ vughe, re ayen roro re ayen vwọ vughc kugbe, nẹ obọ rẹ Ọrovwohwo ri ru Ọnana, nẹ Ọfuanfon Ọvuọvo rẹ Izrẹl na pẹ marọ.

Aizaya 5:19

rọ tanẹ Jo ru phẹre, jo ru iruo rọye phẹre rere avwanre mrẹ; jẹn ẹguọnọ rọ udu rẹ Ọfuanfon Ovuọvo rẹ Izrẹl na bi te obonẹ, e jọ rhe, rere avwanre riẹn!

Aizaya 5:24

Fiki rẹ ọtiọye na kirobo rẹ imwerhanre torhẹ etu na, rẹ odi ọyaya torhẹ vwẹ erhanre na, eriyin awọ rẹ umwemwu rayen cha dia gbegbo ẹbe eboba ri yoro cha ki bru ighorigho, fikiridie ayen sen urhi rẹ Ọrovwohwo rẹ otuofovwi na, ayen da jẹ ota rẹ Ọfuanfon Ọvuọvo rẹ Izrẹl na fia.

Aizaya 57:17

Fiki rẹ orukuruku rẹ ubiupho rẹ imu rẹ ihwo efa ọye ivun vwo miovwo uvwe, Me da ghwiẹ, Mi si opharo nu kẹ ivun de miovwo uvwe, ẹkẹvuọvo o jiji siẹ hẹ obuko vwẹ idjerhe re udu rọye.

Aizaya 58:2

Dede na yẹ ayen guọnọ ovwẹ kẹdẹ kẹdẹ, yẹ ayen guọnọ idjerhe mẹ riẹn vẹ aghọghọ, kerẹ ẹgborho ri ruẹ ọvwata re mrẹ iji rẹ Ọghẹnẹ rayen djẹ-ẹ; ayen nọ ekpẹn rẹ orhiebro rẹ ọvwata vwẹ obọ mẹ, ayen vwẹ omavwerhe vwo si kẹrẹ Ọghẹnẹ.

Aizaya 65:11

Ẹkẹvuọvo vwọ kẹ wẹ rọ sen Ọrovwohwo na, rẹ ugbenu ọfuanfon Mẹ chọẹro, ro mu imẹjẹ phihọ otọ kẹ ephaẹbọ re gua iko rẹ idi vwọ kẹ Urhiẹvwe;

Aizaya 65:3

Ihwo re kpare ophu mẹ te vwe unu sa kọke kọke ejobi, ri ze izobo vwẹ evun rẹ udju re torhẹ egẹn vwe enu rẹ ikerekpẹn;

Aizaya 9:17

Fiki rẹ ọtiọye na oma gbe vwerhe Ọrovwohwo kpahe imighene raye-en, o gbe re ehrọre rẹ ọmọphrorivwi vẹ eyauku raye-en, kidie ayen ohwo ọvuọvo vwo Ọghẹnẹ-e, ayen iruimwemwu rẹ unu rayen ọvuọvo ta ota rẹ ẹkpa. Kidie vwẹ enana ejobi na ophu rọye ji fue-e, yẹn obọ rọye je riẹn phia.

Jerimaya 15:6

Wọ sen vwẹ, eriyin Ọrovwohwo tare, obobuko wọ cha ra; kọye me vwọ riẹn obọ mẹ kpahe owẹ re me vwọ ghwọrọ owẹ; oma rẹ ufuefu rhọ vwẹ rẹ.

Jerimaya 2:13

Kidie ihwo mẹ ru imu ivẹ chọ! ayen sen vwẹ, rẹ ẹtẹrhe rẹ ame rẹ urhuarhọ na, ayen da tọn egọdọ rẹ ame kẹ omobọ rayen, egọdọ re vwẹn, re sa yọnrọn ame-e.

Jerimaya 2:17

Ọ dia owẹwẹ ọvo ghwa ọnana phihọ uyovwi wẹn re wọ vwọ siẹn Ọrovwohwo Ọghẹnẹ wẹn, ro vwo sun we wan idjerhe na?

Jerimaya 2:19

Orukuruku wẹn cha họnron owẹ, egagọ esiọn wẹn cha ghwọ ku we. Vughe re wọ mrẹ nẹ umwemwu yara kidie wọ siẹn Ọrovwohwo Ọghẹnẹ wẹn, oshọẹdjẹ mẹ rhe we vwẹ evu-un, Ọrovwohwo Ọghẹnẹ rẹ ofovwi re tarọ.

Jerimaya 2:31

Ji te we, E uvwiẹ na, kerhọn rẹ ota rẹ Ọrovwohwo. Mẹvwẹ kẹ aghwa vwọ kẹ Izrẹl, eyẹ otọ ro mu ebri? Kidie ihwo me vwọ ta nẹ, Avwanreọ imuvwiẹ, avwanre gbi bru uwe rhe ofa-a?

Jerimaya 2:33

Mavọ wo nenesi rẹ otu rẹ esen wẹ te, Ru wo vwo yono eya umwemwu na phihọ idjerhe wẹn.

Jerimaya 2:5

Eriyin Ọrovwohwo tare, Didi oruchọ esẹ wẹn mrẹ vwẹ oma mẹ rẹ ayen vwọ yan jẹ uvwe vwo shesheri re nene imu fefe, rẹ ayen vwo hirhe oma phihọ ofefe?

Jerimaya 32:32

Fiki rẹ umiovwo rẹ emọ rẹ Izrẹl vẹ emọ ri Juda ejobi rẹ ayen ruru vwọ nẹrhẹ ovwẹ phihọ ophu–ivie rayen vẹ isun rayen, irherẹn rayen vẹ emraro rayen, ihwo ri Juda vẹ ihwo re dia Jerusalẹm.

Jerimaya 50:29

Se esedada vwọ so Babilọn, ayen otu ri siẹ umurhabọ ejobi, muerhọn yariẹ phihọ, wo jẹ ohwo ọvuọvo vabọ-ọ. Hwa osa kẹ kerẹ obo rẹ iruo reyọ epha, ru kẹ kirobo ro ruru kẹ ihwo, kidie ọ vwẹ Ọrovwohwo na jehwẹ miomiovwi, Ọfuanfon Ọvuọvo rẹ Izrẹl na.

Jerimaya 51:5

Kidie Izrẹl vi Juda a je siẹn aye-en Ọrovwohwo Ọghẹnẹ yẹ otuofovwi rayen; ẹkẹvuọvo otọ ri Kaldia vọnre vẹ abe vwọ kpahe Ọfuanfon Ọvuọvo ri Izrẹl na.

Jerimaya 7:19

Mẹvwẹ kọye ayen kpare ophu na? eriyin Ọrovwohwo na tare. Ọ dia omobọ rayen, ayen vwo gbe ozighi na?

Jerimaya 7:26

dede na ayen kerhọn mẹ-ẹ, ayen je vwẹ erhọn kpotọ-ọ, ẹkẹvuọvo ayen vẹ udu kpohro, ayen ru miovwi nọ esẹ rayen.

Izikiẹl 14:5

Mi ru ọnana rere me vwọ yọnrọn udu rẹ uwevwi rẹ Izrẹl na, ri ghwru nẹ oma mẹ fiki rẹ ema rayen.

Izikiẹl 16:33

Eshare vwẹ igho kẹ igberadja, ẹkẹvuọvo kẹ o wẹ rhoma vwẹ igho kẹ esen wẹ, wọ jẹ udi kẹ ayen rere ayen vwo bru we rhe nẹ kasan kasan rhe ri gbe igberadja.

Izikiẹl 16:45

Wẹ ọmọtẹ rẹ oni wẹn, ro tuoma rẹ ọshare rọye vẹ emọ rọye, wọwẹ ke rha oniọvọ ọmọtẹ rẹ iniọvo wẹn, ri tuoma rẹ eshare rayen vẹ emọ rayen. Oni wẹn ohwo ri Hẹt ọsẹ wẹn kẹ ohwo rẹ Amọr.

Daniẹl 9:11

Izrẹl ejobi gbe urhi wẹn ku, ayen bi oma phihọ akakọ, ayen mu ọghọ kẹ urhuru wẹ-ẹn. Te ekan te iyori re duvwuru phihọ urhi ri Mosis odibo rẹ Ọghẹnẹ, keye rhi mu avwanre na, fikiridie avwanre ru umwemwu kpahọ.

Zẹfanaya 1:6

Otu ri chuko ku ri gbi nene Ọrovwohwo-o, re gbe guọnọ Ọrovwohwo-ọ eyẹ ri gbi duotọ rẹ emu vwẹ obọ rọye-e.

Ukeri 32:14

Nighere, ovwan kọye rhe mu vwẹ ẹdia rẹ esẹ rẹ ovwan na, uvwiẹ rẹ ihwo umwemwu na, rẹ ovwan rhanriẹ ophu rẹ Ọrovwohwo na kpahe Izrẹl!

Matiu 11:28

Bru vwe rhe ihwo rẹ owian kugbe oghwa bẹn, Me kẹ ovwan ufuoma.

Matiu 23:33

Ovwan eredekọ na, uvwiẹ rẹ ọrobiebi na, komavọ ovwan ru se nabọ rẹ ẹdjeguo rọ cha na?

Matiu 3:7

Ẹkẹvuọvo ọke rọ vwọ mrẹ otu ri Farisi kugbe Sadiusi ri bruro rhe rhe reyọ ame, ọ da ta kẹ ayen nẹ, Uvwiẹ rẹ eredekọ na, Ono ta kẹ ovwan nẹ wa djẹ nẹ abe rọ cha na?

Ọbe ri Pọl si rhe Ihwo ri Rom 8:7

Kidie iroro ra vwọ kpahe ugboma vẹ Ọghẹnẹ ọvweghrẹ; ọ vwẹ oma kpotọ kẹ urhi rẹ Ọghẹnẹ-ẹ, eriyin dẹn o se ruo-o;

1 Kọrẹnt 10:22

Kẹ avwanre kpare ophu rẹ Ọrovwohwo rere ọ rioma? Avwanre gan oma nọ?

Urhi Rivẹ 29:25

Ihwo ke ta nẹ, Fiki rẹ obo rẹ ayen vwọ sen ọphọ rẹ Ọrovwohwo Ọghẹnẹ rẹ esẹ rayen na, ro nene ayen re vwẹ ọke ro vwo si ayen nẹ otọ rẹ Ijipt rhe,

Urhi Rivẹ 31:16

Ọrovwohwo ke vuẹ Mosis, Nighe, wo che ghwu bru ihwo wẹn; ihwo nana ki che bibi ra gọ edjọ rẹ otọ na, asan rẹ ayen vẹ ihwo na de yenri kugbe, ayen ke cha sen vwẹ ayen ki miovwi ọphọ mẹ re Me vẹ ayen rere na.

Urhi Rivẹ 32:19

Ọrovwohwo mrẹre, ọ da sen ayen, fiki rẹ ophu ẹrhariẹn rẹ emeshare vẹ emetẹ rọye.

Urhi Rivẹ 32:5

Ayen nenire yeri miomiovwi, ayen gbe dia emọ rọye ọfa-a fiki rẹ ekan rayen; ayen edje iwuwurhu gẹgẹre.

Kolose 1:24

Asakiephana me ghọghọ vwẹ evun rẹ oja mẹ fiki rẹ ovwan, ri mi vwo mu oghwa rẹ oja nana ri Kristi re chekọ na kpahe oma mẹ fiki rẹ ishoshi rọye.

Ẹvwọphia 18:5

kidie imwemwu rọye kpare kpenu re te odjuvwu, Ọghẹnẹ rhe karohọ orukuruku rọye.

Iguẹdjọ 10:10

Ihwo rẹ Izrẹl de kperi se Ọrovwohwo na, tanẹ, Avwanre ru umwemwu kpahe owẹ, avwanre da je sen wẹ rẹ Ọghẹnẹ rẹ avwanre, avwanre da ra ga Baal.