Aizaya 1:30 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁰ Kidie wọ cha dia kerẹ ọhahe rọ faẹbe, kerẹ ogba ro je ame vwo.

Aizaya 1:30 ပူးပေါင်းရင်းမြစ်များ

Jẹnẹsis 12:6

Ebram de ki otọ na re te asan re se Shikẹm, re te ọhahe ri Morẹh. Vwẹ ọke yena yẹ ihwo ri Kenan ji otọ na.

Aizaya 5:6

Ki mi miovwo, e gbi che fro-o eyẹ a gbe gua-a okpia vẹ idjigbẹ ke cha djẹ rhe vwọ, ki mi ji urhi kẹ enu na nẹ osio gbe rhọ phihọ-ọ.

Aizaya 58:11

Ọrovwohwo ko sun we kọke kọke, kọ vwẹ emu esiri vọn ẹguọuọ wẹu evun, kọ ru ibeku wẹn gan, ku wọ họhọ ogba re ku ame ku, kere ogbugbu rẹ ame, rẹ ame rọye jẹ ẹkpọ.

Aizaya 64:5

We re vwanvwan kẹ ohwo rọ vwẹ aghọghọ ru iruo rẹ ọvwata, ihwo re karohọ owẹ vwẹ idjerhe wẹn. Nighere, ivun miovwo uwe, avwanre de ru imwemwu, avwanre dia evun rẹ imwemwu na krire-e, ke che sivwi avwanre?

Aizaya 64:6

Avwanre da rhe họhọ ohwo ro jẹfuọn, uruemu rẹ ọvwata rẹ avwanre ejobi da họhọ ewun rẹ inuhu muru. Avwanre ejobi vwioro re kerẹ ọbe, orukuruku rẹ avwanre, kerẹ odju, re muẹ avwanre yanran.

Jerimaya 31:12

Ayen cha rhe rhe so une gangan vwẹ ugbenu ri Zayọn, kẹ ayen ghọghọ vwẹ erhuvwu rẹ Ọrovwohwo; vwẹ enu rẹ eka, tẹ wain tẹ evwri, ji te enu rẹ emọ rẹ igegede vẹ uchuru, eyere rayen cha họhọ ogba re ku ame ku, oma gbe rhọ ayen ọfa-a.

Izikiẹl 17:24

Irhe rẹ aghwa na ejobi ke cha riẹn nẹ mẹvwẹ Ọrovwohwo na sa vẹn urhe ro kpenu kpotọ, urhe ro kpotọ mi mi rhe muo kpenu, o mi ru urhe ọkpokpọ phihọ oghweghwu, ọ mi rhe ru urhe oghweghwu phihọ ọkpokpọ. Mẹvwẹ Ọrovwohwo me ta nure, ki mi ji se ruo gba.

Matiu 21:19

Rọ vwọ mrẹ urhe rẹ owe vwẹ orhoma rẹ idjerhe, o de te esiri rọye, ọ mrẹ emuọvo vwẹ enu rọye-e; jokpa rẹ ẹbe ọvo; ọ da ta kẹ nẹ, Ohwo ọvuọvo gbe sa re ubi wẹn bẹdẹ-ẹ.