Aizaya 1:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Mi che hirhe obọ mẹ ku we Me wran esiso re igho wẹn kerẹ siẹ ra mrẹ odja re mi si isọnrẹ na no.

Aizaya 1:25 ပူးပေါင်းရင်းမြစ်များ

Une rẹ Ejiro 119:119

Ihwo umwemwu rẹ akpọ na ejobi wọ vwẹ ayen roro isọn, ọtiọye na iseri wẹn kọye me guọnọ.

Aizaya 1:22

Idọnọ wẹn hirhe oma phihọ isọn rẹ igho a vwẹ ame gua wain wẹn.

Aizaya 27:9

Vwẹ oma rẹ ọnana kọye e vwo phoro abe ri Jekọp nu. Ọnana kọye cha dia omamọ rẹ emamọ rẹ esiono rẹ umwemwu rọye; vwẹ ọke ro de ru ibieragha rẹ agbada na kerẹ ukori rẹ ọnrhe ra nọre vworovworo, te ighriki vẹ agbada ra da torhẹ egẹn gbi se mudia-a.

Aizaya 4:4

vwẹ ọke rẹ Ọrovwohwo da cha hworhẹ inuhu rẹ emetẹ ri Zayọn nu, rọ da cha hworhẹ ipe rẹ ọbara ri Jerusalẹm nẹ uherevie rọye nu vwẹ erhi rẹ ọrhiẹbro kugbe erhi rẹ ẹtorhẹ.

Jerimaya 6:29

Ogun ro djuẹ owanvwe na vughu vughu odje na ra wran vwẹ erhanre, Ọ rọ fa ẹrovwo na de fa ghevweghe, Kidie ohwo umwemwu na ji no-o.

Jerimaya 9:6

Ghwẹ oshenyẹ rhurhu oshenyẹ, ophiẹnvwe rhurhu ophiẹnvwe, ayen rhọvwe riẹn vwẹ-ẹ, eriyin Ọrovwohwo na tare.

Jerimaya 9:7

Ọtiọye na enẹ Ọrovwohwo rẹ otuofovwi na tare. Nighe, me cha fa ayen re me davwe ayen, kẹ ọvọ mi rhe ru, vwi fiki rẹ ihwo mẹ

Izikiẹl 20:38

Ki mi si ihwo ri muẹkpahe ihwo nẹ ohri rẹ ovwan, kugbe ihwo re chọ urhi mẹ; kẹ mẹ cha reyọ ayen nẹ otọ rẹ ayen da hẹ ọrhorha na, ẹkẹvuọvo ayen cha vwẹriẹ otọ rẹ Izrẹl na-a, Ọke yena kẹ ovwan riẹn nẹ mẹvwẹ ọye Ọrovwohwo na.

Izikiẹl 22:19

Fiki rẹ otiọye na ke e nẹ Ọrovwohwo Ọghẹnẹ tare: Fikiridie ovwan ejobi rhi hirhe phihọ emu ghevweghe na, vwẹ ọtiọye na, nighe, Ke me ghwẹ ovwan ejobi kpo uherevie rẹ Jerusalẹm.

Izikiẹl 22:20

Kirobo rẹ ihwo ghwẹ idọnọ kugbe ẹrovwo kugbe odje kugbe utehru kugbe isinika koko phihọ erhanre, e mi dju erhanre na phihọ rere ọ vwọ wran na, ọtiọye me ghwẹ ovwan koko vwẹ ivuemiovwo mẹ kugbe ophu mẹ, ke me ghwẹ ovwan phihọ evun rọye ke me wran ovwan.

Izikiẹl 22:22

Kirobo rẹ idọnọ wran vwẹ evun rẹ erhanre na, ọtiọye a cha wran wẹn vwẹ uherevie rọye, ku wọ riẹn nẹ mẹvwẹ Ọrovwohwo ri ku ophu mẹ ku we.

Zẹfanaya 3:11

Vwẹ ẹdẹ yena oma gbe cha vo vwẹ-ẹ fiki re uruemu ru we vwo mukpahe ovwẹ; kidie vwẹ ọke yena ki mi che kpono nẹ ohri rẹ ovwan ihwo rẹ ovwan ri herẹ ri mu oma kpenu na, wọ gbe cha dia ohwo rẹ ogbarogba ọfa vwẹ ugbenu ọfuanfon mẹ na-a.

Malakae 3:3

o che tidia kerẹ odjogun rọ hworhẹ idọnọ, kọ cha hworhẹ emeshare ri Lẹvi fuanfon yoyovwi kerẹ idọnọ vẹ oro, bẹsiẹ rẹ ayen cha vwọ vwẹ omamọ rẹ ẹkpẹvwẹ ro fori kẹ Ọrovwohwo na.

Matiu 3:12

Adjudju hẹ obọ rọye, kọ nabọ hwerhe utuwevwi rọye, eka re herọ ka ghwẹ ayen kpo erhu, ẹkẹvuọvo ikueku re herọ ke gbeje ayen koko, ka torhẹ ayen kufia.

Urhi Rivẹ 32:43

We jiri ihwo rọye, ovwan ẹgborho na; fikiridie ọ choja rẹ ọbara rẹ idibo rọye ọ da re ihri vwẹ enu rẹ ivwighrẹ rọye ra vwọ rhuẹrẹ arhuẹrẹ kẹ otọ rẹ ihwo rọye.

Ẹvwọphia 3:19

Otu re me guọnọre, me ghwọ kuẹ eye me je fa; vwẹ ọtiọye na gbe vwo oruru re wo kurhẹriẹ.