Aizaya 1:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Nyo, E Idjuvwu, kerhọn, E akpọ, fikiridie Ọrovwohwo tanure, Mi vwiẹ emọ me da yọnrọn ayen ghwẹro, ẹkẹvuọvo ayen de rhi mu kpahe ovwẹ.

Aizaya 1:2 ပူးပေါင်းရင်းမြစ်များ

Ivie rẹ Ivẹ 21:22

Ọ da siẹn Ọrovwohwo na, Ọghẹnẹ rẹ esẹ rọye, ọ rha yan phihọ idjerhe rẹ Ọroywohwo na-a,

Une rẹ Ejiro 49:1

Nyo ọnana, ihwo ejobi! Kẹrhọn, ovwan ihwo rẹ dia akpọ na ejobi,

Une rẹ Ejiro 50:4

O che se odjuvwu nẹ obenu rhe kugbe akpọ na, rere ọ vwo mrasan brorhiẹ rẹ ihwo rọye;

Aizaya 30:1

Ekan kẹ emọ ri gbe ozighi, eriyin Ọrovwohwo tare, ri ruẹ obo rẹ ayen ta phihọ otọ, yẹ ẹkẹvuọvo ọ dia ọmẹ-ẹ; re gba oma koko, ẹkẹvuọvo yọ dia ọ rẹ erhi mẹ-ẹ, rere ayen mrasan vwẹ umwemwu ba umwemwu,

Aizaya 30:9

Kidie ena ihwo ri gbe ozighi, emọ re vwọrọn efian, emọ ri jẹ eme enyo ri nyo uyono rẹ Ọrovwohwo na-a,

Aizaya 31:6

Rhivwi bru ohwo re ovwan gbe kpahe gangan na, E ihwo re Izrel.

Aizaya 34:1

Bi te ohone, E ẹgborho na, re we nyo, kerhọn, E ihwo na. Jẹn akpọ na kerhon, kugbe obo re vọnrọ ejobi; akpọ na, kugbe obo ri nuro rhe ejobi

Aizaya 63:16

Kidie we he Ọsẹ rẹ avwanre, dede na nẹ Ebraham riẹn avwanre-e , Izrẹl je mrẹ avwanre vughe-e, we, E Ọrovwohwo, ọye Ọsẹ rẹ avwanre, Ọtan rẹ avwanre nẹ ọke rẹ awanre rhe ọye odẹ wẹn.

Aizaya 65:2

Me bẹre abọ mẹ vwẹ ẹdẹ na ejobi vwọ kẹ ihwo ri gbe ozighi, re yan phihọ idjerhe ro je yovwo, ri nene ona rẹ evun rayen ọvo,

Jerimaya 13:15

Nyo wọ kerhọn, wo herẹ-ẹ, Kidie Ọrovwohwo ta nure.

Jerimaya 22:29

E otọ, otọ, otọ nyo ota rẹ Ọrovwohwo!

Jerimaya 3:22

We rhivwi rhe emọ rẹ igberadja na, Mi sivwi ọfarhiẹ rẹ ovwan na. Nighe, avwanre bru we rhe; kidie wẹ Ọrovwohwo Ọghẹnẹ rẹ avwanre.

Jerimaya 31:9

Ayen che rhivwi cha, vẹ oviẹ ji kugbe uchebro mi vwo sun ayen rhivwi. Mi che ru ayen yan vwẹ orhoma rẹ ame, vwẹ idjerhe ọphiọnphiọn rẹ ayen de je she, kidie mẹvwẹ ọse kẹ Izrẹl, Ifrem ji ọmọkpako mẹ.

Jerimaya 6:19

Nyo, E akpọ, nighe, me herọ ghwa umiovwo rhe ihwo nana re, ekankọn rẹ ayen kọnre kidie ayen kerhọn rẹ eta mẹ-ẹ; ayen sẹro rẹ urhi mẹ-ẹ.

Izikiẹl 24:3

Gbe bru isẹ nana kẹ uwevwi ogbarogba re wọ ta kẹ ayen, E nẹ Ọrovwohwo Ọghẹnẹ tare. Mu ẹvwẹrẹ chere, muo kpahọ, ji ku ame phihọ rhe,

Izikiẹl 36:4

Fiki rẹ ọtiọye na E igbenu rẹ Izrẹl, nyo ota rẹ Ọrovwohwo Ọghẹnẹ: E nẹ Ọrovwohwo Ọghẹnẹ ta kẹ igbenu ride vẹ e rẹ itete, ito vẹ iyara na, asan ra kua nu kakare kugbe irere ra kua jovwo na, ri rhi hirhe phihọ eranvwe re hweria vẹ ehwẹjẹ vwọ kẹ ẹgborho ri chekọ re riariẹ owẹ phihọ na;

Emọs 3:1

Nyo ota nana rẹ Ọrovwohwo ta kpahe owẹ na, E ihwo rẹ Izrẹl, vwọ kpahe orua na ejobi re Me reyọ nẹ otọ rẹ Ijipt rhe na;

Maika 1:1

Ota rẹ Ọrovwohwo na ro bru Maika rhe ohwo ri Moreshet vwẹ ọke ri Jotam, Ahaz, kugbe Hẹzikaya, ivie ri Juda, rọ mrẹre kpahe Sameria kugbe Jerusalẹm.

Maika 1:2

Nyo, ihwo na, ovwan ejobi; kerhọn E otọ na, vẹ obo re herọ ejobi; gbe jẹn Ọrovwohwo Ọghẹnẹ na se iseri hwe we, Ọrovwohwo rọ dia uwevwi ọfuanfọn rọye na

Maika 3:8

Ẹkẹvuọvo vwọ kẹ vwẹ, evun mẹ vọnre vẹ ogangan, vẹ erhi rẹ Ọrovwohwo na, vẹ ọsoso vẹ ẹgba, mi che vwo ghwoghwo ogbeku ri Jekọp kẹ kugbe umwemwu rẹ Izrẹl kẹ.

Malakae 1:6

Ọmọ mu ọghọ kẹ ọse rọye, odibo mi rhe mu ọghọ kẹ onini rọye. Me da dia ọsẹ, kẹ ọghọ mẹ rhọ? Me da rha dia onini, kẹ oshọẹdjẹ mẹ rhọ? eriyin Ọrovwohwo rẹ ọgba rẹ ofovwi na ta kẹ wẹ, E irherẹn, re jẹ odẹ mẹ fia na? Wọ rọ ta nẹ, idjerhe vọ ma vwọ jẹ odẹ wẹn fia?

Iruo rẹ Iyinkọn na 4:20

Kidie obo rẹ avwanre mrẹre kugbe ọ rẹ nyori na o vwo ọke re vwọ jẹ ayen ẹta-a.

Urhi Rivẹ 1:31

kugbe evun rẹ aton, asan rẹ ovwan da mrẹ obo rẹ Ọrovwohwo Ọghẹnẹ rẹ ovwan na ghwa ovwan te, kirobo rẹ ọshare ghwa ọmọ rọye rẹ ọshare, vwẹ asan kasan rẹ ovwan rare ejobi, bẹsiẹye rẹ ovwan rhi vwo te etinẹ.

Urhi Rivẹ 30:19

Mi se odjuvwu vẹ akpọ vwo se oseri hwe ovwan nonẹ na, nẹ mi phi arhọ vẹ ughwu, ebruba vẹ ekan phihọ obaro rẹ ovwan, vwẹ ọtiọye na jẹn arhọ, rere ovwan vẹ uvwiẹ rẹ ovwan mrasan rhọ,

Urhi Rivẹ 32:1

Wa kerhọ, E idjuvwu, re Me ta; jẹn akpọ na nyo eta rẹ ugbunu mẹ.

Urhi Rivẹ 4:26

Mẹ vwẹ odjuvwu vẹ akpọ se iseri hwe ovwan nonẹ na nẹ, wa cha ghwọrọ tototo nẹ otọ na re wa wan Jọdan vrẹn re yere na; ẹdẹ rẹ ovwan gbi gro vwẹ otọ na-a, ẹkẹvuọvo kẹ wa cha ghwọrọ roro.