Aizaya 1:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Wọ da rhọvwe wo de mu ọghọ, ku wọ re emu esiri rẹ otọ na,

Aizaya 1:19 ပူးပေါင်းရင်းမြစ်များ

Aizaya 25:6

Vwẹ ugbenu nana Ọrovwohwo rẹ otuofovwi na kọ vwẹ emu kẹ ihwo na ejobi re emu rẹ ivwri, wain ro vwo ọgbodo, emu rẹ ivwri rọ vọnre vẹ otu rẹ esuanson, wain egangan ra nabọ rhẹ

Aizaya 3:10

Ta kẹ evwata nẹ oyovwi kẹ ayen, fikiridie ayen cha re emamọ rẹ uruemu rayen

Aizaya 58:14

ọke yena ku wo vwo avwerhe vwẹ evun rẹ Ọrovwohwo, ki Mi ru we vwọ gua vwẹ obenu rẹ akpọ na; ke Me vwẹ uku ri Jekọp ọsẹ wẹn vwọ ghẹrẹ owẹ, kidie unu rẹ Ọrovwohwo re tarọ.

Aizaya 65:13

Fiki rẹ ọtiọye na enẹ Ọrovwohwo Ọghẹnẹ tare: Nighere, idibo Mẹ cha re emu, ẹkẹvuọvo owẹvwe che hwe we, nighere, idibo mẹ cha da udi, ẹkẹvuọvo urhuru che hwe we, nighe, idibo Mẹ cha ghọghọ, ẹkẹvuọvo oma cha vo owẹ,

Jerimaya 21:8

Ihwo nana wọ cha ta kẹ: Enẹ Ọrovwohwo tare: Nighe, mi phi idjerhe rẹ arhọ vẹ idjerhe rẹ ughwu phihọ obaro rẹ ovwan.

Jerimaya 7:3

Enẹ Ọrovwohwo rẹ otuofovwi na tare, Ọghẹnẹ rẹ Izrẹl na Rhuẹrẹ idjerhe wẹn ve eyere wẹn phihọ ke me rhọvwe nẹ ovwan dia etinẹ.

Jerimaya 7:5

Kidie ovwan de ghine rhuẹrẹ idjerhe rẹ ovwan vẹ eyere rẹ ovwan phihọ rẹ ovwan de ghine ru ọsoso kẹ ohwohwo,

Jerimaya 7:7

ke me rhọvwe nẹ ovwan dia etinẹ na, otọ re me vwọ kẹ esẹ rẹ ovwan rhabaye nẹ ayen dia bẹdẹ.

Joẹl 2:26

Ku wọ cha mrẹ emu re buebu evun kọ vọn wẹ, ku wo jiri odẹ rẹ Ọrovwohwo Ọghẹnẹ wẹn, ro nene uwe yeri vwẹ idjerhe rẹ igbunu. Ihwo mẹ oma gbe cha vo ayen bẹdẹ-ẹ.

Livitikọs 25:19

Otọ na ko yovwi emu, ovwan ke re evun vọn, ovwan ke dia vẹ ufuoma

Livitikọs 26:3

Ovwan da yan vwe evun re irhi Me re ovwan da yọnrọn iji Me we de ru ayen,

Livitikọs 26:5

Ke ovwan cha kọrọ eka rhiri re te ọke re vwo vuẹ idju na, kẹ ovwan ji vun rhiri re te ọke ra vwọ rhoma kọn ekankọn, kẹ ovwan cha re evun vọn, ovwan Me rha dia vwẹ otọ na vẹ ufuoma.

Hegae 1:12

Etiyin Zerubabẹl rẹ ọmọ ri Sealtiẹl, kugbe Joshua rẹ ọmọ ri Jehozadak, rẹ orherẹn na, vẹ umuku rẹ ihwo ri chekọ na ejobi, de mu ọghọ kẹ urhuru rẹ Ọrovwohwo Ọghẹnẹ rayen, kugbe eta ri Hegae rẹ ọmraro na, kirobo rẹ Ọrovwohwo Ọghẹnẹ rayen jiro, oshọ rẹ Ọrovwohwo na de mu ihwo na.

Urhi Rivẹ 28:1

Rẹ ọ da dianẹ ovwan nyo urhuru rẹ Ọrovwohwo rẹ Ọghẹnẹ rẹ ovwan na, wa da nabọ yọnrọn irhi rọye ejobi ri mi ji kẹ ovwan nonẹ na, Ọrovwohwo rẹ Ọghẹnẹ rẹ ovwan no kọ kpare ovwan kpenu nọ ẹgborho rẹ akpọ na ejobi.

Hibru 5:9

re vwo ruo gba nu kọ rhe dia esiri rẹ esivwo ri bẹdẹ na vwọ kẹ ayen ejobi ri mu ọghọ kẹ.