Aizaya 1:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ yono emu esiri ru; guọnọ ọsoso, siobọ nẹ oshenyẹ, chochọ rẹ ọmọphrorivwi re wọ rẹ kẹ ayeuku.

Aizaya 1:17 ပူးပေါင်းရင်းမြစ်များ

Une rẹ Ejiro 34:14

Bi oma kẹ umiovwo, ru ọ re esiri, guọnọ ufuoma, re wọ vwọ tua.

Ẹyano 22:21

Wo ruẹ ọrhorha obo re chọre-e eyẹ wo shenyẹ-ẹ, kidie ovwan je dia erhorha vwẹ otọ rẹ Ijipt vẹrhe re.

Isẹ 15:25

Ọrovwohwo guọghọ uwevwi rẹ ohwo rọ kpara oma kpenu tẹ otọ, ẹkẹvuọvo ọ sẹro rẹ ughwru rẹ otọ rẹ ayeuku na.

Isẹ 21:3

Re vwo ru emuesiri vẹ ọsoso o je Ọrovwohwo nọ izobo re zeri.

Isẹ 31:9

Rhiẹ unu wẹn rere wo brorhiẹ rẹ ọvwata, chọchọ rẹ ivwiogbere vẹ otu rẹ akpọ bẹn.

Aizaya 1:23

Isun wẹn ihwo rẹ okpetu ayen igbeyan rẹ iji. ọvuọvo guọnọ udi ẹriọ ayen mia djẹ nene ẹse? Ayen chochọ rẹ emephrorivwi e karohọ oviẹ rẹ ayeukuu.

Aizaya 10:2

ri kue orhiẹ rẹ uyota rhẹriẹ kẹ ọ rẹ akpọ bẹn ayen mi mie ihwo mẹ ri vwiogbere ẹkẹn ute rayen, rere eyauku vwọ dia emuọre rayen, ayen mi rhe ru ọmọphrorivwi phihọ eranvwe rayen!

Aizaya 56:1

E nẹ Ọrovwohwo tare Yọnrọn ọsoso, re wọ ru ọvwata, kidie nanana esivwo Mẹ cha rhe, ka cha vwẹ esivwo mẹ phia.

Aizaya 58:6

Ọ dia oghẹre rẹ ewẹvwe ọtiọna Me jẹreyọ ra vwọ rhan ifi rẹ umwemwu, re vwo vwrẹn ifi rẹ urhekpe, re siobọ nẹ ohwo re shenyẹ kpo ọphẹ, rere e vwirhi kurhekpe kurhekpe?

Jerimaya 21:12

E uwevwi ri Devid! Enẹ Ọrovwohwo tare Brorhiẹ esiri vwẹ urhiọke, Sivwi ohwo re Shenyẹ na nẹ abọ rẹ Ohwo ro shenyẹ na, eyẹ ophu mẹ da rhe kerẹ erhanre, rọ la rẹ ohwo je se fuo, fiki rẹ iruo ogbegho rẹ ovwan.

Jerimaya 22:3

Enẹ Ọrovwohwo tare: Ru obo ri shehọ vẹ ọsoso, sivwi ohwo re shenyẹ nẹ abọ rẹ ohwo ro shenyẹ na. Wo rue oruchọ eyẹ wọ ji gbe ozighi kẹ ọrhorha-a, ọmọphrori-i vwi-i, kugbe ayeuku-u, wo ji sun ọbara rẹ ọvwata vwẹ etinẹ na-a.

Jerimaya 35:15

Mi ji idibo mẹ rẹ emraro na ejobi bru ovwan rhe, mi ji ayen ejojo, nẹ, Dohwo didjerhe umwemwu rọye rhẹriẹ ru, wa rhuẹrẹ eyere rẹ ovwan, vwo je edjọ efa ẹyan nene re we jẹn ayen egọ, re wa sa dia evun rẹ otọ re me kẹ ovwan vẹ esẹ rẹ ovwan na. Ẹkẹvuọvo wa vwẹ erhọn kpọtọ-ọ wa je kerhọn mẹ-ẹ.

Izikiẹl 18:31

Siobọ nẹ ogbigbiru wẹn ejobi ru wo ru kpahe ovwẹ, wọ reyọ udu ọkpokpọ kẹ oma wẹn kugbe erhi ọkpokpọ! Die wọ di vwo ghwu, E uwevwi rẹ Izrẹl?

Izikiẹl 22:7

Ọsẹ vẹ oni a vwẹ ayen jehwe vwẹ evun wẹ, ọrhorha rọ hẹ uherevie wẹn, wa karhiẹn emu rọye mie, te ọmọphrorivwi te ayeuku e ru ayen chọ vwẹ evun wẹn.

Izikiẹl 45:9

E nẹ Ọrovwohwo Ọghẹnẹ tare: Oteri, E isun rẹ Izrẹl! Ku ogbarogba vẹ oshenyẹ kufia, ru ọsoso vẹ ọvwata; we gbi keke ihwo mẹ nẹ otọ raye-en, eriyin Ọrovwohwo Ọghẹnẹ tare.

Daniẹl 4:27

Fiki rẹ ọtiọye, E Ovie, gbe nyo uchehro mẹ, siobọ nẹ umwemwu rere wo ru emu esiri, vẹ orukuruku wẹn, re wo ni arodọvwẹ kẹ ihwo rẹ eshenyẹ, siẹvo ufuoma wẹn ke ruo gro phihọ.

Maika 6:8

O dje kẹ wẹ nure, E ohwo na, obo ri yoma; kidie Ọrovwohwo tobọ guọnọ vwẹ obọ wẹ ru emu rọ dia ọsoso, guọnọ aruẹdọn, kugbe rere wọ rha vwẹ oma kpotọ yan nene Ọghẹnẹ wẹn?

Zẹfanaya 2:3

Guọnọ Ọrovwohwo na, ovwan ihwo dẹndẹn re dia otọ na, re yọnrọ irhi rọye, guọnọ ovwata, guọnọ omaevwokpotọ; ọkeọvo se se si we nu vwẹ ẹdẹ rẹ ophu rẹ Ọrovwohwo na.

Zekaraya 8:16

Enana he emu wo che ru, Wa ta uyota kẹ ohwohwo, wo bru orhiẹn rẹ uyota vẹ ọ rẹ ufuoma vwẹ inurhorọ rẹ ovwan,

Urhi Rivẹ 14:29

kugbe Livae, fikiridie ọ vẹ owẹ gbe vwo ẹkẹn eyẹ ukuẹriọ-ọ, ji te ọrhorha, yẹ ọmọphrorivwi, te ayeuku, e re herọ vwẹ orho wẹn, Me yanrhe, rhe re evun vọn; rere Ọrovwohwo Ọghẹnẹ wẹn na vwo bruphihọ kẹ wẹ vwẹ evun rẹ iruo ru wo ruẹ ejobi.

Jems 1:27

Omamọ rẹ egagọ ro jẹ ẹgua evwo vwẹ obaro rẹ Ọghẹnẹ rẹ avwanre kugbe Ọsẹ rẹ avwanre na ọ na, rere o mie te asan rẹ emephran orivwi kugbe eyauku re hẹ ukpokpogho, rere o rhe si oma rọye phrẹphrẹ nẹ etatọrọ rẹ akpọ na.