Aizaya 1:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ọke ri wọ da bẹre abọ wẹn, Ki mi si ẹro mẹ nu kẹ wẹ ọ da dianẹ wọ nẹ ẹrhovwo buebu dede, Me kerhọ-ọn; abọ wẹn vọnre vẹ ọbara.

Aizaya 1:15 ပူးပေါင်းရင်းမြစ်များ

1 Ivie 8:22

Etiyin Solomọn de mudia vwẹ obaro re agbada rẹ Ọrovwohwo na vwẹ irharo rẹ ọghwẹgbe rẹ Izrẹl na ejobi, ọ da bẹrẹ abọ sa odjuvwu;

1 Ivie 8:54

Asakiephana ri Solomọn vwọ nẹ ẹrhovwo rọye ejobi kugbe orẹ rọye kẹ Ọrovwohwo nu, o de vrẹn nẹ obaro rẹ agbada rẹ Ọrovwohwo na, ro shiguẹ bẹrabọ sa odjuvwu phihọ;

Ezra 9:5

Vwẹ ọke rẹ izobo rẹ ovwọnvwọn na vwo te nu, Mi de vrẹn nẹ evun rẹ owẹvwe echiro mẹ, iwun kugbe ukpo mẹ re bẹre ejobi, mi de she diguẹ me da riẹn abọ mẹ kẹ Ọrovwohwo rẹ Ọghẹnẹ mẹ,

ỌBE RẸ JOB 27:20

Uguegue da ruo oma kerẹ oghwe; vwẹ ason ogiribo rode de muo yanran.

ỌBE RẸ JOB 35:13

Uyota Ọghẹnẹ nyo ekperẹ ofefe-e, eyẹ Ọrovwoẹgba na je kerhọn rọye-e.

Une rẹ Ejiro 134:2

Kpare abọ wẹn kpenu kpo ẹdia ọfuanfon na, re wo bruba kẹ Ọrovwohwo!

Une rẹ Ejiro 55:1

Kerhọn rẹ ẹrhovwo mẹ, E Ọghẹnẹ, wọ si oma wẹn nẹ kẹ oviẹ mẹ-ẹ!

Une rẹ Ejiro 66:18

Ọ da dianẹ me ghẹrẹ orukuruku vwẹ udu mẹ, Ọrovwohwo sa kerhọn mẹ-ẹ

Ẹyano 9:29

Mosis da ta kẹ, ọke ri mi de ghwe nẹ orere na nu, ke me bẹrẹ abọ mẹ kẹ Ọrovwohwo: agbrara na kọ daji, osio rẹ imicho na gbe rhọ ọfa-a, rere wọ vwọ riẹn nẹ Ọrovwohwo ri vwo akpọ na.

Isẹ 1:28

Ọke yena kẹ ayen che kperẹ se vwe, ẹkẹvuọvo mi che nyo-o; kẹ ayen cha guọuọ ovwẹ ẹkẹvuọvo yẹ ayen cha mrẹ vwẹ-ẹ.

Isẹ 6:17

ero rọ jẹfia, ẹrẹnvwe rọ vwọrọn efian, vẹ abọ ri sun ọbara ekueku.

Aizaya 4:4

vwẹ ọke rẹ Ọrovwohwo da cha hworhẹ inuhu rẹ emetẹ ri Zayọn nu, rọ da cha hworhẹ ipe rẹ ọbara ri Jerusalẹm nẹ uherevie rọye nu vwẹ erhi rẹ ọrhiẹbro kugbe erhi rẹ ẹtorhẹ.

Aizaya 45:15

Uyota, wẹ Ọghẹnẹ ro siẹ oma wẹn nẹ; E Ọghẹnẹ rẹ Izrẹl, Osivwi na.

Aizaya 58:4

Nigherẹ, wo chire owẹvwe re wọ vwọ mrasan ghwọ họnre re wọ vwẹ ọchẹn phi ihwo. Owẹvwe echiro kerẹ owẹ na nonẹ na cha sa nẹrhẹ enyo urhuru wẹn vwẹ obenu-u.

Aizaya 58:7

Ọ dianẹ wa vẹ ihwo rẹ owẹvwe hwe gba ghare emu wẹ-ẹn, ra reyọ ivwiogbere ri vwo uwevwi-i vwo kpo uwevwi wẹ-ẹn; ọke wọ da mrẹ ohwo rọ ba phihọ, wo mi rhuo, ne wo gbi si oma wẹn nẹ kẹ omobọ wẹ-ẹn?

Aizaya 64:7

O gbi vwo ohwo ọvuọvo ro se odẹ wẹ-ẹn, ro kpogho oma nẹ ọye gbanọ owẹ ba oma-a, kidie wo si opharo wẹn nu kẹ avwanre, wo de si avwanre ra ro obọ rẹ orukuruku rẹ avwanre.

Aizaya 8:17

Me hẹrhẹ Ọrovwohwo, ro si opharo rọye nu kẹ uwevwi ri Jekọp, ki mi phi ẹro phihọ.

Jerimaya 11:11

Vwẹ ọtiọye na, enẹ Ọrovwohwo tare, Nighe, me cha vwẹ umiovwo rhe ayen rẹ ayen je se no, owenẹ ayen viẹ se vwe dede, me cha kerhọn raye-en.

Jerimaya 14:12

Owenẹ ayen chirẹ owẹvwe, mi che nyo oviẹ raye-en, owenẹ ayen ji ze izobo rẹ ẹtorhẹ vẹ izobo rẹ eka dede, me rhọvwe reyọ aye-en, ẹkẹvuọvo me vwẹ ọlọkọ vẹ owẹvwe vẹ emiavwe guọghọ ayen.

Jerimaya 4:31

Mi nyo oviẹ kerẹ oviẹ rẹ aye rọ chuẹ uvwiẹ, vẹ odjadja kerẹ odjadja rẹ aye vwẹ o tu vwiẹ. Ọnana oviẹ rẹ ọmọtẹ ri Zayọn rẹ ofu dje, ọ riẹn abọ rọye gbagbaragba. Eghwo! mi ro sherua vwẹ obọ rẹ izighẹ ri hwe vwe.

Izikiẹl 11:6

Wo ru ihwo ri wo hweri bu phihọ vwẹ evun rẹ orere nana, wọ da ghwẹ irhuvwu rọye vọn vẹ ihwo re hweri.

Izikiẹl 14:3

Ọmọ rẹ ohwo, ihwo nana mu ema rayen phihọ udu rayen, ayen de mu uchukurhe umwemwu rẹ orukuruku rayen vwọ rhe obaro rayen, me gbe vwẹ uphẹ kẹ ayen rere ayen vwọ nọ ekpẹ rẹ emu vwẹ obọ mẹ?

Izikiẹl 39:23

Ẹgborho na ejobi ke cha riẹn nẹ e ghine mu uwevwi rẹ Izrẹl ighuvwu fiki rẹ orukuruku rayen, fikiridie ayen ru emu rẹ ophiẹvwe kẹ vwẹ ọ da nẹrhẹ ovwẹ si opharo mẹ nu kẹ ayen, mi de phi ayen phihọ obọ rẹ ukọn rayen, a da vwẹ ọlọkọ nyavwe ayen ejobi hwe.

Hosia 5:6

Ayen vẹ igodẹ kugbe irhuẹ rayen gba yanran ra guọnọ Ọrovwohwo, ẹkẹvuọvo ayen cha mrẹ-ẹ. O sioma nu kẹ ayen.

Maika 3:4

Etiyin kẹ ayen che kperi se Ọrovwohwo ẹkẹvuọvo yọ cha kpahe kẹ aye-en; ko si opharo rọye nu kẹ ayen vwẹ ọke yena, fikiridie uruemu rayen pha miomiovwi.

Zekaraya 7:13

Ri mi vwo se, ayen nyori-i na, ọtiọye na re ayen rhe ji vwo se mi rhe ji nyo-o, Ọrovwohwo rẹ otuofovwi rẹ tarọ,

Matiu 23:13

Ẹkẹvuọvo ekan kẹ ovwan, isiẹbe kugbe Farisi, evworọn efian! kidie we huhu ẹchẹ rẹ uvie rẹ odjuvwu gbe ihwo; ovwan guọnọ ruọ-ọ, yẹ ihwo efa re guọnọ ruọ ovwan da ayen ji.

Matiu 6:7

Ovwan da nẹ ẹrhovwo, wa ta ota ọvo asiava-a, kirobo rẹ ikeferi ruẹ-ẹ, kidie ayen roro nẹ ọye eme nyo.

Iyẹnrẹ Esiri ri Jọn 9:31

Avwanre riẹnre nẹ Ọghẹnẹ kerhọn rẹ iruimwemwu-u, ẹkẹvuọvo ọ da dianẹ ohwo ga Ọghẹnẹ ro de ru ọhọre rọye, Ọghẹnẹ kọ kerhọn rọye.

1 Timoti 2:8

Me guọnọre nẹ kohwo kohwo vwi kasan kasan ejobi kpare abọ efuanfon rẹ ayen kpenu rere ayen nẹ ẹrhovwo, ọ dia ọ rẹ ẹghwọ vẹ ophu-u;