Aizaya 1:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Wo gbi ze izobo gheghe na ọfa-a ugboduma ẹgua kẹ vwẹ. Ọtuphro rẹ emeranvwe kugbe ẹdidjala kugbe ọghwẹgbe re se. Mi se chiri orukuruku vẹ ọghwẹgbe ofuefu na-a.

Aizaya 1:13 ပူးပေါင်းရင်းမြစ်များ

Ivie rẹ Ivẹ 4:23

Ọshare rọye da ta, Die nẹrhẹ wọ ra nonẹ? Nonẹ dia otuphro rẹ emeranvwe eyẹ edidjala-a. Aye na da ta, Ọ che shehọ.

1 Ikun rẹ Ivie 23:31

Kọke kọke ra da torhẹ izobo vwọ kẹ Ọrovwohwo vwẹ ẹdidjala, otuphro rẹ emeranvwe ẹdorẹ, kerẹ ọtiobo ra guọnọre vwẹ obọ rayen kẹdẹ kẹdẹ vwẹ obaro rẹ Ọrovwohwo.

Une rẹ Ejiro 78:40

Mavọ ayen vwọ suọ phẹre te vwẹ evun rẹ aghwa re ayen vwọ kpare ophu rọye vwẹ evun rẹ aton!

Ẹyano 12:16

Vwẹ ẹdẹ rẹ ẹsosuọ kẹ ovwan vwo ọghwẹgbe ọfuanfon, vwẹ ẹdẹ rẹ ighwrẹn ku we vwo ọghwẹgbe ọfuanfon; we ru iruo ọvuọvo vwẹ ẹdẹ yena-a; ẹkẹvuọvo jokpa rẹ obo rẹ ohwo ọvuọvo re ọye wa rhuẹrẹ.

Isẹ 21:27

Izobo rẹ ohwo umwemwu ẹgua ọ dia, komavo ọ dia ọ da dianẹ ọ vwẹ ọnko ze.

Isẹ 7:14

Ki mi ze izobo nonẹ na me hwa osa rẹ ive mẹ ejobi nu.

Aizaya 66:23

Nẹ ọtuphro rẹ emeranvwe re te ọtuphro rẹ emeranvwe, nẹ ẹdidjala re te ẹdidjala, ihwo ejobi cha rhe rhe ga vwẹ, eriyin Ọrovwohwo tare.

Aizaya 66:3

Ohwo ro hwe erhuẹn ọ je họhọ ọ ro hwe ohwo, ohwo rọ vwẹ egbo ze izobo, kerẹ ohwo ro vwirhi ohọre rẹ eranko, ohwo ro ze izobo rẹ ọka, kerẹ ohwo rọ vwẹ ọbara rẹ esi ze izobo, ohwo rọ vwẹ adjija torhẹ izobo rẹ ẹkarophihọ, kerẹ ohwo rọ nẹ ẹrhovwo kẹ oma. Enana je idjerhe robọ rayen, erhi rayen ke ghọghọ vwẹ ẹgua egbe rayen,

Uvwerhe 2:6

Ọ guọghọ ọgarivi rọye te otọ kere ogba rẹ ekankọn. Ọ ke je guọghọ ẹdia rẹ orẹ re bruru na phihọ erhurhu, Ọrovwohwo da nẹrhẹ ẹdorẹ re bruru kugbe ẹdidjala re vwẹ evun ri Zayọn. Vwẹ evun rẹ ophu ọgangan rọye na ọ da siẹn ivie vẹ irherẹn.

Izikiẹl 20:39

Vwọ kẹ wẹ, E uwevwi rẹ Izrẹl, Enẹ Ọrovwohwo Ọghẹnẹ tare: Yanran re ohwo ọvuọvo ra gọ ẹdjọ rọye, asakiephana vẹ ọke rọ cha, ọ da dianẹ ovwan rha kerhọn mẹ-ẹ, ẹkẹvuọvo odẹ ọfuanfon mẹ na ovwan gbe vwẹ ekẹ wẹn kugbe ẹdjọ wẹn vwọ miovwo-o.

Hosia 2:11

Ki mi phi oba phihọ omavwerhovwẹ rọye, te erẹ rọye, tẹ ọtuphro rẹ emeranvwe rọye, ẹdidjala rọye, kugbe ẹdẹ rẹ orẹ re bruru.

Joẹl 1:14

Bru ẹdẹ orẹ, se ọghwẹgbe ri ruru Se ekpako na kugbe ihwo re dia otọ na ejobi re koko uwevwi rẹ Ọrovwohwo Ọghẹnẹ wẹn; re wa viẹ kẹ Ọrovwohwo.

Joẹl 2:15

Hworo owanre vwi Zayọn, bru ẹdẹ rẹ owẹvwe echiro, se ọghwẹgbe ri ruru;

Livitikọs 26:31

Ki mi che si ihwo ne irere re ovwan ejobi, ẹshẹ rẹ ovwan ejobi ke dia ifefe, ovwan da torhẹ eranvwe ri gbo ọnrhe ororo dede mi gbi nyu aye-en.

Malakae 1:10

E mani kẹ a sa mrẹ ohwo ọvo vwẹ ohri rẹ ovwan na rọ kanre echẹ na, rere we vwo jẹ erhanre rẹ ogbarogba ekoko phihọ agbada mẹ na. Ivun re ovwan gbe vwerhovwẹ-ẹ, eriyin Ọrovwohwo rẹ otuofovwi na tare, me cha reyọ ẹkpẹvwẹ rẹ ovwan na-a.

Ukeri 10:2

Duvwu ewanre ivẹ rẹ idọnọ ọfuanfon; owanre ra nabo vwẹ umomo duvwu ọye wo ru ayen; keye wo che vwo se erhon na koko, kọye ukoko na vwọ vrẹn.

Matiu 15:9

Ayen de ga vwẹ ghevweghe, Ayen me vwẹ uruemu rayen yono ihwo.

Iyẹnrẹ Esiri ri Luk 11:42

Ẹkẹvuọvo ekan kẹ ovwan Farisi! Kidie wa hwa ẹkẹnhwe rẹ orhọ rẹ enẹ vẹ eka kugbe ifọ, we mi gbobọnyẹ ọsoso kugbe ẹguọnọ rẹ Ọghẹnẹ; ena ri fo obo ru we ru jovwo, we rhe gbobọnyẹ efa-a.

1 Kọrẹnt 11:17

Ẹkẹvuọvo vwẹ uyono ri mi che dje na mi jiri ovwa-an, fikiridie rẹ ovwan da rhe ghwẹ koko ọ gbe dia ọ rẹ erhuvwu-u ẹkẹvuọvo kẹ umiovwo.

Ẹfesọs 4:30

We jẹn ophu muẹ Erhi Ọfuanfon rẹ Ọghẹnẹ ra vwọ kẹ ovwan nẹ ọ yonre ovwan re te ẹdẹ rẹ etanhirhe na-a.

Filipae 1:15

Evo ghwoghwo iyẹnrẹ ri Kristi na vwẹ omaẹriọ vẹ oseghe, ẹkẹvuọvo efa ta vwẹ evun esiri.