Aizaya 1:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Die izobo obuebu rẹ ovwan na fi ke vwe? ọtiọye Ọrovwohwo tare, Izobo re egbo ra torhẹre bunọ kẹ vwẹ kugbe ivwri re eranvwe ra ghẹre, Oma rẹ ọbara re erhuẹn vwerha ovwẹ-ẹ eyẹ erẹ omogodẹ eyẹ ọrẹ ẹkpro dede.

Aizaya 1:11 ပူးပေါင်းရင်းမြစ်များ

Une rẹ Ejiro 40:6

Izobo re zeri vẹ ẹkpẹvwẹ wọ guọnọre-e, ẹkẹvuọvo wọ kẹ vwẹ erhọn rọ rhie phihọ. Izobo rẹ ẹtorhẹ kugbe Izobo rẹ umwemwu wọ guọnọre-e.

Une rẹ Ejiro 50:8

Mi che nene uwe ghwọ fiki re izobo wẹ-ẹn; izobo rẹ ẹtorhẹ ru wo ze kẹ vwẹ kẹsiẹ kẹsiẹ.

Une rẹ Ejiro 51:16

Kidie oma re izobo vwerha owẹ-ẹ a da tanẹ me torhẹ izobo kẹ wẹ, e cha vwerhe owẹ ivu-un.

Isẹ 15:8

Izobo rẹ ohwo umwemwu na ẹgua kẹ Ọrovwohwo, ẹkẹvuọvo oma rẹ ẹrhovwo ẹnẹ rẹ ohwo esiri na vwerhọ.

Isẹ 21:27

Izobo rẹ ohwo umwemwu ẹgua ọ dia, komavo ọ dia ọ da dianẹ ọ vwẹ ọnko ze.

Isẹ 21:3

Re vwo ru emuesiri vẹ ọsoso o je Ọrovwohwo nọ izobo re zeri.

Aizaya 58:2

Dede na yẹ ayen guọnọ ovwẹ kẹdẹ kẹdẹ, yẹ ayen guọnọ idjerhe mẹ riẹn vẹ aghọghọ, kerẹ ẹgborho ri ruẹ ọvwata re mrẹ iji rẹ Ọghẹnẹ rayen djẹ-ẹ; ayen nọ ekpẹn rẹ orhiebro rẹ ọvwata vwẹ obọ mẹ, ayen vwẹ omavwerhe vwo si kẹrẹ Ọghẹnẹ.

Aizaya 66:3

Ohwo ro hwe erhuẹn ọ je họhọ ọ ro hwe ohwo, ohwo rọ vwẹ egbo ze izobo, kerẹ ohwo ro vwirhi ohọre rẹ eranko, ohwo ro ze izobo rẹ ọka, kerẹ ohwo rọ vwẹ ọbara rẹ esi ze izobo, ohwo rọ vwẹ adjija torhẹ izobo rẹ ẹkarophihọ, kerẹ ohwo rọ nẹ ẹrhovwo kẹ oma. Enana je idjerhe robọ rayen, erhi rayen ke ghọghọ vwẹ ẹgua egbe rayen,

Jerimaya 6:20

Adjija ri nẹ Sheba bru vwe cha na die ifiri, eyẹ uhwerhe ọ miẹmiẹmiẹ rọ nẹ ogboko cha na? Izobo rẹ ẹtorhẹ wẹn na a reyọ aye-en eye izobo wẹn na je vwe-e.

Jerimaya 7:21

Enẹ Ọrovwohwo rẹ ofovwi na tare, Ọghẹnẹ rẹ Izrẹl na: Gba vwẹ izobo rẹ ẹtorhẹ wẹn vwo ba izobo wẹn, wọ re uvwo na.

Hosia 6:6

Kidie me guọnọ ehrọre ọ dia izobo-o, erianriẹn rẹ Ọghẹnẹ, nọ izobo rẹ ẹtorhẹ.

Hosia 8:13

Ayen guọnọ izobo; eranvwe rẹ ayen vwo ze izobo ayen rerọ; ẹkẹvuọvo Ọrovwohwo vwẹ omavwerhovwẹ vwẹ aye-en. Asakiephana kọ karohọ orukuruku rayen, kọ guọghọ imwemwu rayen, ayen che rhivwi kpo Ijipt.

Emọs 4:5

vwẹ obo ri phuru vwọ kpẹvwẹ ẹkpẹvwẹ, re wo ghwoghwo ẹkpẹvwẹ ro nẹ udu rhe, ghwoghwo ayen; kidie ọtiọye ovwan guọnọ ru E ihwo rẹ Izrẹl, Ọrovwohwo Ọghẹnẹ na tarọ.

Emọs 5:21

O tu vwẹ oma, Me jẹ orẹ rẹ ovwan fia, Ọghwẹkoko ofuefu rẹ ovwan na vwerhe ovwẹ oma-a.

Emọs 5:22

Owenẹ wo ze izobo re ẹtorhẹ kẹ vwẹ vẹ izobo rẹ ọka, Me cha reyọ aye-en, izobo rẹ ufuoma ru wọ vwẹ eranvwe vẹ ivwri ze mi che fovwe ẹro no-o

Maika 6:7

Kẹ ivun rẹ egbo uriori sa vwerhe Ọrovwohwo, kugbe uriori ihwe rẹ urhie rẹ evwri? Ke Me vwẹ ọmọ ọkpako mẹ ze izobo fiki rẹ ogbeku mẹ, omamọ rẹ oma mẹ fiki rẹ umwemwu re erhi mẹ?

Hegae 2:14

Etiyin Hegae da ta, Ọtiọye ọ epha kẹ ihwo nana, vẹ ẹgborho nana vwẹ obaro me, eriyin Ọrovwohwo na tare: ọtiọye ọ je epha kẹ iruo kiruo rẹ abọ rayen, obọ rẹ ayen zeri vwẹ etiyin na emu rẹ ẹgua.

Zekaraya 7:5

Ta ke ihwo rẹ otọ na ejobi kugbe irherẹn na, Ọke re ovwan vwo chiri owẹnvwe ji muomahọ vwe emeranvwe riyori veẹ ọrighwrẹ, vwẹ ikpe ujorha gbe ihwe nana, mẹvwẹ ovwan chiro kẹ?

Malakae 1:10

E mani kẹ a sa mrẹ ohwo ọvo vwẹ ohri rẹ ovwan na rọ kanre echẹ na, rere we vwo jẹ erhanre rẹ ogbarogba ekoko phihọ agbada mẹ na. Ivun re ovwan gbe vwerhovwẹ-ẹ, eriyin Ọrovwohwo rẹ otuofovwi na tare, me cha reyọ ẹkpẹvwẹ rẹ ovwan na-a.

Ukeri 7:45

upene rẹ erhuẹn ọshare ọvo, egbo ọvo, upene rẹ omogodẹ ọvo rẹ ẹgbukpẹ ọvo, re vwo ze izobo rẹ ẹtorhẹ;

Matiu 22:4

Ọ da rhoma ji idibo efa re se ayen nẹ, Ta ke ihwo ri mi seri jovwo na nẹ, Nighe, Mi chere emu vọn otọ nure; erhuẹn mẹ kugbe egbo mẹ rode na e hwe ayen, emu na ejobi gba nure; Wa yanrhe asan ra da cha rẹ orẹ rẹ opha na.

Matiu 9:13

Ẹkẹvuọvo gba ra guọnọ otọ rẹ ota nana, me guọnọ arodọvwẹ, ọ dia izobo-o; mi rhi se evwata-a, ẹkẹvuọvo iruimwemwu.

1 Samuẹl 15:22

Samuẹl da ta, Wo rori nẹ Ọrovwohwo vwo omavwerhe vwẹ izobo rẹ ẹtorhẹ kugbe izobo re zeri, kirobo rẹ oma vwerhe Ọrovwohwo siẹ re de mu ọghọ kẹ urhuru rọye– Nighe, Ọghọ emuo o yovwi nọ izobo, ra vwọ kerhọ nọ lvwri rẹ egbo.