Aghwoghwo 2:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Mi de ru iruo ride buebu; me da bọn iwevwi mẹ, me da kọn ogba ri vain kẹ oma mẹ buebu.

Aghwoghwo 2:4 ပူးပေါင်းရင်းမြစ်များ

Jẹnẹsis 11:4

Ayen da rha ta, Yanrhe, e jẹn avwanre bọn orere kẹ oma rẹ avwanre, ra bọn uwevwi rẹ enu phihọ ro kpenu odjuvwu, re avwanre re odẹ kẹ oma rẹ avwanre, ọ rha dia eriyin avwanre ke cha hra vwẹ enu rẹ akpọ na ejobi.

2 Samuẹl 18:18

Absalọm ọke rọ vwọ hẹ akpọ ọ da ma osusu rẹ oragha kẹ oma rọye vwẹ ushokpotọ rẹ ovie, fikiridie ọ tare, nẹ, Mi vwo ọmọ ra vwọ karophihọ odẹ mẹ-ẹ, e de se nẹ ẹkarophihọ rẹ Absalọm rhi te nonẹ na.

1 Ivie 15:19

Yanrhe rere me vẹ owẹ mu ugbeyan kirobo rẹ ọsẹ mẹ vẹ owẹ ruru: nighe me phare ọko rẹ idọnọ efuanfon vẹ oro rhe we; yanran, wọ vẹ Baasha ovie rẹ Izrẹl ra fan ugbeyan, rere o vwo bi nẹ uvwe oma.

1 Ivie 9:1

Ọke ri Solomọn vwọ bọn uwevwi rẹ Ọrovwohwo na nu kugbe uwevwi rẹ ovie na kugbe obo ri Solomọn guọnọ bọn ejobi,

1 Ikun rẹ Ivie 27:27

Ọ rọ vwẹ ẹro te ogba ri vain ọye Shimei rẹ ohwo ri Rama. Vwẹ enu rẹ emamọ ri vain rọ vwẹ ẹro tẹ ọgọdọ ri vain ọye Zahdi rẹ ohwo ri Shifim.

2 Ikun rẹ Ivie 26:10

Ọ da bọn ehẹrhẹ phihọ obo aghwa ọ da tọn ikpotọ buebu, kidie o vwo ekru rẹ uchuru ride, vwẹ obo Shẹfela ji kugbe obo uphẹphẹ, o de vwo eghwẹrẹ kugbe ihwo rẹ rhuẹrẹ vain vwẹ obo igbenu na kugbe etọ ri yovwẹ emu na, kidie udju evoro vwerhọ.

2 Ikun rẹ Ivie 8:11

Solomọn da reyọ ọmọtẹ ri Fero nẹ orere ri Devid rhe vwo kpo uwevwi rọ bọn kẹ, kidie ọ tare nẹ, Aye mẹ cha dia uwevwi ri Devid ovie rẹ Izrẹli-i, kidie asan rẹ ekpeti rẹ Ọrovwohwo te nure pha fuanfon.

Une rẹ Ejiro 49:11

Ushi rayen ọye uwevwi rayen bẹdẹ, asan edia rayen ne edje re te edje, dede na ayen mu odẹ ke etọ na nẹ erayen.

Solomon 1:14

Ọnse mẹ na da họhọ ekru rẹ adjija vwẹ udju rẹ Ẹngẹdi

Solomon 7:12

Mọ ra vwẹ irhiọke ride kpo obo ogba rẹ vain se ivain na kpa ipho re, se ipho ri otie na vare se pomegranate na kpa ipho re. Oboyi mi de dje ẹguọnọ mẹ kẹ wẹ.

Aizaya 5:1

Ju vwe so une kẹ ọrojevwe une rẹ ivuavwerhe kpahe ogba ri vain rọye. Ọrojevwe de vwo ogba ri vain vwẹ enu rẹ ugbenu ro yovwe emu gangan.

Daniẹl 4:30

etiyin ovie na da ta, Onana dia Babilọn rọde na, re me vwẹ ẹgba vẹ ogangan mẹ bọn rọ dia ighẹn rẹ ovie vwọ kẹ urinrin vẹ ọrho mẹ?