Aghwoghwo 2:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Me da vwẹ iroro mẹ vwo kpahe udi re me da, re oma mẹ vwọ sasa yẹ iroro vẹ aghwanre mẹ re sun uvwe ra ruẹ ughẹghẹ, bẹsiẹ me vwọ mrẹ obo ri yovwiri kẹ emọ rẹ ihwo ri ru vwẹ akpọ na vwẹ ọmọkẹ krẹ rẹ ayen dia akpọ na.

Aghwoghwo 2:3 ပူးပေါင်းရင်းမြစ်များ

Jẹnẹsis 47:9

Jekọp da ta ki Fero, Me akpọ ikpe ujosan gbẹ ihwe re, ehahavwe e ke je vọn vẹ ọdjarhe, vwẹ enana ejobi na Me je tọn te esẹ mẹ-ẹ.

ỌBE RẸ JOB 14:14

Ọda dianẹ ohwo ghwuru, ko je sa rhọ? Vwẹ ẹdẹ rẹ iruo mẹ ejobi ke me hẹrhẹ, bẹsiẹ rẹ obọ esiono mẹ vwọ rhe.

Une rẹ Ejiro 104:15

kugbe udi rọ vwe omavwerhe ke udu rẹ ohwo, ori rere opharo rọye vwo lo, kugbe ikara rọ nẹrhẹ udu re ohwo gan.

Isẹ 20:1

Udi vwẹ ohwo jehwe, udi ọgangan nẹrhẹ ohwo phihọ ohọnre; ohwo rẹ udi sun ghwru yo vwo ọhọ-ọ.

Aghwoghwo 1:17

Me da vwẹ iroro vwọ kpahe erianriẹn rẹ aghwanre rere mi vwo vughe orhuẹ vẹ ugheghẹ. Ukuko rọye me da mrẹ vughe nẹ odju mi nene họnra.

Aghwoghwo 10:19

Ikara herọ vwọ kẹ ehwẹ, udi nẹrhẹ oma sasa, igho ri furhiẹ eta ejobi.

Aghwoghwo 12:13

Oba rẹ ota na ejobi, re nyori na ọ na. Djẹ ọshọ rẹ Ọghẹnẹ, rere wọ yọnrọn irhi rọye; kidie ọnana ọye iruo ro te ohwo.

Aghwoghwo 2:24

Emu ọfa rha herọ ro yovwi kẹ ohwo-o jokpa nẹ ọ gba re rere ọ da, rere ọ mrẹ avwerhe rẹ owian rọye. Ọnana dede na, me mrẹrẹ nure nẹ, obọ rẹ Ọghẹnẹ o ji nẹcha.

Aghwoghwo 5:18

Nighe, obo me mrẹre nẹ oyovwiri nẹ o fori rere a re rere a da rere e vwo omavwerhovwẹ vwẹ owian na ejobi rẹ ohwo wianre vwẹ uchẹ ẹdẹ rẹ Ọghẹnẹ vwọ kẹ vwẹ otọ rẹ ọnre na, kidie ọnana ẹkẹn ro tere.

Aghwoghwo 6:12

Kono sa riẹn obo ri yovwi kẹ ohwo vwẹ uche ẹdẹ rẹ akpọ ọkrẹkrẹ re uhoho fefe nana? Yẹrẹ kono sa ta kẹ ohwo obo re cha phia kẹ vwẹ ukuko rẹ akpọ rọye vwẹ otọ rẹ ọnre na?

Aghwoghwo 7:18

Ofori ru wọ vwọ yonrọn ọnana, wọ ji ghwe siobọ nẹ ọyena-a, kidie ohwo rọ djẹ oshọ rẹ Ọghẹnẹ kọ vabọ rẹ enana ejobi.

Aghwoghwo 7:25

Mi de brevun kpiroro rere me riẹn otọ rẹ emu ejobi, rere me riẹn umwemwu vẹ ugheghẹ vẹ uruemu rẹ ẹkpa ro rhi fi orhue.

Aghwoghwo 8:15

Mi de jiri omavwerhovwẹ, kidie ohwo rhe vwo emu esiri vwẹ otọ rẹ ọnre na-a, ẹkẹvuọvo e jọ re, rere ọ da, rere oma vwerhọ, kidie ọna obo ri tere vwẹ owian rọye vwẹ ẹdẹ ejobi rẹ Ọghẹnẹ vwọ kẹ vwẹ otọ rẹ ọnre na.

Matiu 6:24

Ohwo sa ga inini ivẹ-ẹ, ọ da dia ọtiọye kọ dia avwebọ kẹ ọvo, ọ me rha dia avwiorọvwe kẹ ọrivẹ; eyẹ ko si kẹre ọvo ko sheri kẹ ọrivẹ; Wọ sa ga Ọghẹnẹ vẹ ẹdjọ kugbe-e.

Ẹfesọs 5:18

We gbi jẹ idi muẹ ovwa-an, kidie ọye ozighi; ẹkẹvuọvo gbe jẹ Erhi na vọn ovwan oma.

Iguẹdjọ 9:13

Ẹkẹvuọvo vain na da ta kẹ ayen nẹ, Mi se siobọ nẹ wain mẹ re me vwọ vwẹ oma evwerhọ kẹ Ọghẹnẹ vẹ ihwo rẹ akpọ, ra re ovie kẹ irhe?

1 Samuẹl 25:36

Abigail de bru Nabal rhe; e vwo ni, ọ ra re orẹ vwẹ uwevwi rọye, kerẹ orẹ rẹ ovie. Oma ro mu Nabal vwerha, kidie idi re muo; ọtiọye na ọ rha ta ota ọvuọvo kẹ bẹsiẹ rẹ ọke vwo rhie-e.