2 Samuẹl 9:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Devid da ta, a rha sa mrẹ ohwo ọvo ro chekọ vwẹ uwevwi ri Sọl, re mi ru ẹse kẹ fiki ri Jonatan?

2 Samuẹl 9:1 ပူးပေါင်းရင်းမြစ်များ

2 Samuẹl 1:26

Mi vwerhi kẹ wẹ, omoni mẹ Jonatan; wọ nabọ je vwe gangan; ivuẹvwerhọ wẹn kpahe ovwẹ igbunu, ọ nọ ivuẹvwerhọ rẹ eya.

2 Samuẹl 21:7

Ẹkẹvuọvo ovie da yan ji Mefiboshẹt rẹ ọmọ ri Jonatan vwo, fiki rẹ iveve rẹ Ọrovwohwo rọ uherevie rayen, rọ hẹ uvwre ri Devid vi Jonatan rẹ ọmọ ri Sọl,

2 Samuẹl 9:7

Devid da ta kẹ, Wọ djẹ oshọ-ọ; kidie mi dje aruẹdọn kẹ wẹ fiki ri Jonatan rẹ ọsẹ wẹn, ke me vwẹ etọ ri Sọl ọsẹ wẹn ejobi kẹ wẹ, ku wọ re emu vwẹ imẹjẹ mẹ kọke kọke.

1 Ivie 2:7

Ẹkẹvuọvo vwẹ obọ dẹndẹn yọnre emọ ri Barzillai rẹ ihwo ri Gilead, gbe jẹn ayen dia usun rẹ ihwo re ria emu vwẹ imẹjẹ wẹn; kidie je vwẹ obọ dẹndẹn na ayen ji vwo yọnrọn ovwẹ vwẹ ọke me vwọ djẹ nẹ obọ rẹ Absalọm ọmọsẹ wẹn.

Isẹ 27:10

Ugbeyan wẹn, eyẹ ugbeyan rẹ ọsẹ wẹn, wọ sen aye-en; wo kpo uwevwi rẹ oniọvo wẹn vwẹ ẹdẹ rẹ okpetu wẹ-ẹn. Ọrivẹ rọ dia kẹrẹ ohwo yovwi nọ oniọvo rọ hẹ ogboko.

Matiu 10:42

Ohwo ro reyọ uko rẹ ame djidjiro vwọ kẹ ọvo vwẹ imitete mẹ na da vwẹ odẹ rẹ odibo, uyota me ta kẹ ovwan, osa rọye se ghwru-u.

Matiu 25:40

Ovie na kọ kpahe kọ ta kẹ ayen nẹ, Uyota me ta kẹ ovwan, kirobo ri we ruro kẹ ohwo ọvo vwẹ usun rẹ imoni mẹ na, yẹ ovwan ruro kẹ vwẹ.

Iyẹnrẹ Esiri ri Mak 9:41

Kidie uyota Me ta kẹ owẹ kohwo kohwo rọ vwẹ uko rẹ ame kẹ ovwan da, fiki rẹ obo rẹ ovwan vwọ hẹ ihwo ri Kristi, uyota Me ta kẹ ovwan osa rọye se ghwru-u.

1 Pita 3:8

Ọ rọ ka oba, ovwan ejobi, ku evun gbe vwẹ erhi, re ehrọre, guọnọ imoni na, vwo udu ọlọlọhọ-kugbe udu dẹndẹn.

1 Samuẹl 20:42

Etiyin Jonatan da ta kẹ Devid, kpo egbẹrhẹnẹdẹ, kidie ọ gua kẹ avwanre duvwu iyori kẹ ohwohwo vwẹ odẹ rẹ Ọrovwohwo nure, tanẹ, Ọrovwohwo dia uvwre mẹ vẹ owẹ, vẹ uvwre rẹ emọ mẹ vẹ ewẹn, bẹdẹ. ọ vrẹnri ọ da yanran; Jonatan de rhivwi kpo obo orere.