2 Samuẹl 8:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Etiyin Devid de phi utuofovwi phihọ Aram ri Damaskọs; ihwo ri Siria de hirhe phihọ idibo ri Devid, ayen da ghwẹ ẹga rhe. Ọrovwohwo da vwẹ ogangan re phio kparobọ vwọ kẹ Devid vwẹ asan rọ rare ejobi.

2 Samuẹl 8:6 ပူးပေါင်းရင်းမြစ်များ

2 Samuẹl 10:19

Ọke rẹ ivie re dia idibo ri Hadadezar rhe vwọ mrẹ nẹ Izrẹl phi ayen kparobọ, ayen vẹ Izrẹl da rhe rhuẹrẹ kugbe, ayen da ga ihwo rẹ Izrẹl. Oshọ de mu ihwo ri Siria ayen gbe cha ihwo ri Ammọn uko ọfa-a.

2 Samuẹl 23:14

Yi Devid hẹ evun rẹ ẹmwa vwẹ ọke yena, otuofovwi ri Filistia ọ hẹ evun ri Bẹtlẹhẹm.

2 Samuẹl 3:18

Asakiephana gbe jọ dia ọtiọye; kidie Ọrovwohwo ve kẹ Devid, tanẹ, Vwẹ obọ rẹ odibo mẹ Devid mi de sivwi ihwo mẹ Izrẹl nẹ obọ ri Filistia, kugbe obọ rẹ ivwighrẹn rayen.

2 Samuẹl 5:10

Etiyin Devid da rhe rho phihọ, Ọrovwohwo rẹ Ọghẹnẹ rẹ otuofovwi na, vọye da herọ.

2 Samuẹl 7:9

Me vẹ owẹ da herọ vwi kasan kasan wọ rare ejobi, Me da djẹ ivwighrẹ wẹn na we oma; Mi ru odẹ wẹn rho, kerẹ odẹ rẹ ihwo re rhoro vwẹ akpọ na.

2 Samuẹl 8:14

o de phi utuofovwi phihọ Edọm; kasan kasan vwẹ Edọm ejobi o de phi utuofovwi phihọ re. Ihwo rẹ Edọm ejobi de rhi hirhe phihọ idibo ri Devid. Ọrovwohwo da vwẹ ephio kparobọ vwọ kẹ Devid vwi kasan kasan rọ rare ejobi.

2 Samuẹl 8:2

Ọ de phi Moab kua, ọ da vwẹ ufi vwanvwan ayen, ọ da vwẹ ayen sherhe otọ, o de hwe urhiẹ ivẹ o de jẹn ọvo vwo. Ihwo ri Moab de rhi hirhe phihọ idibo ri Devid, kẹ ayen ghwẹ ẹga rhe.

2 Samuẹl 8:7

Devid da reyọ ekpọfia rẹ oro rẹ idibo ri Hadadezar djẹ jovwo, ọ da vwẹ ayen rhe Jerusalẹm.

1 Ivie 4:21

Solomọn de sun uvie na nẹ Yufretis re te otọ ri Finistia rhiri re te ughwru rẹ Ijipt; ayen da ghwẹ ẹga rhe ayen da ga Solomọn vwẹ ẹdẹ rẹ akpọ rọye ejobi.

Ivie rẹ Ivẹ 1:1

Ehab vwo ghwu nu, Moab da vwẹ ohọre so Izrẹl.

Ivie rẹ Ivẹ 14:28

Asakiephana iruo ri chekọ ri Jeroboam vẹ obo ro ruru ejobi, vẹ ẹgba rọye, vẹ obo rẹ ọ họnre te, vẹ obo rọ mie Juda Damasikọs vẹ Hamat vwọ kẹ Izrẹl, e rhe si ayen phihọ Ọbe rẹ Ikun rẹ Ivie rẹ Izrẹl?

Ivie rẹ Ivẹ 18:7

Ọrovwohwo vẹ ọye da herọ; asan kasan rẹ rare ejobi ko yovwi kẹ. Ọ de mukpahe ovie rẹ Asiria, o gbe rhọvwe ga-a.

Ivie rẹ Ivẹ 3:4

Asakiephana Mesha ovie ri Moab ochuru igegede; kukpe kukpe ọye o vwo kru igegede uriori ujori, kugbẹ ẹton rẹ oghwanran uriori ujori vwo rhe ovie rẹ Izrẹl.

1 Ikun rẹ Ivie 18:13

O de phi unuofovwi phihọ Idọm; ihwo rẹ Idọm de hirhe phihọ idibo ri Devid. Ọrovwohwo da vwẹ obọẹkparọ kẹ Devid vwẹ asan rọ rare ejobi.

2 Ikun rẹ Ivie 17:2

Ọ de phi unuofovwi phihọ irere ri Juda ra gba ogba riariẹ, o de phi unuofovwi buebu phihọ otọ ri Juda, kugbe irere rẹ Ifrem rẹ Asa rẹ ọsẹ rọye reyọre jovwo.

Une rẹ Ejiro 140:7

E Ọrovwohwo, Ọrovwovwe, osivwi ọgangan mẹ, wọwẹ ri rhurhu uyovwi mẹ vwẹ ọke rẹ ofovwi.

Une rẹ Ejiro 60:10

O dia owẹ re sen avwanre, E Ọghẹnẹ? Wo gbi rhe nene unuofovwi rẹ avwanre yanra-an, E Ọghẹnẹ.

Isẹ 21:31

A rhuẹrẹ iyesi kpahe hẹrhẹ ẹdẹ rẹ ofovwi, ẹkẹvuọvo obọẹkparo kẹ ọ rẹ Ọrovwohwo na.

1 Samuẹl 13:3

Jonatan da djẹ unuofovwi rẹ ihwo ri Filistia rọ hẹ Geba; ihwo ri Filistia de nyo Sọl de hworo owanre wan otọ na ejobi, tanẹ, Jẹn ihwo ri Hibru ejobi nyo.

1 Samuẹl 14:1

Ẹdẹ ọvo Jonatan rẹ ọmọ ri Sọl da ta kẹ emeghele rọ ghwa ekuakua rẹ ofovwi rọye, Yanrhe, jẹn avwanre kpo obo unuofovwi rẹ ihwo ri Filistia rọ hẹ abọ oboyi na. Ẹkẹvuọvo ọ ta kẹ ọsẹ rọye-e.

1 Samuẹl 14:15

Uguegue da rhe ro evun rẹ ẹrhọn na, vwẹ evun rẹ udju, kugbe ohri rẹ ihwo na; unuofovwi na kugbe ihwo re rhe imu na ke phariẹ; otọ na de kpogho; o de rhi fi uguegue rode na.

1 Samuẹl 14:6

Jonatan da ta kẹ emeghele rọ ghwa ekuakua rẹ ofovwi rọye na, Yanrhe, jẹn a wanvrẹn kpo obo unuofovwi rẹ ihwo rẹ upheruphe na; ọkeọvo Ọrovwohwo che ru iruo kẹ avwanre; kidie emuọvo sa da Ọrovwohwo obọ ji ro vwo sivwi-i owenẹ oburu eyẹ ọhavweree.