2 Samuẹl 8:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Devid de mie isodje re vwẹ iyesi phi ofovwi uriori kugbe ujori ighwrẹ re vwẹ owọ yan. Devid da kua iyesi yẹ ekpẹrẹ rẹ ofovwi na ejobi, o de jẹ uche re sa guan ekpẹrẹ rẹ ofovwi ujori ọvo.

2 Samuẹl 8:4 ပူးပေါင်းရင်းမြစ်များ

Jẹnẹsis 49:6

E, erhi mẹ, wọ vwẹriẹ umẹ raye-en, E, erhi mẹ, wo te ukoko raye-en, kidie vwẹ ophu rayen ayen hwe ihwo, vwẹ ẹro hrehre rayen ayen yoro uriẹn nẹ awọ rẹ erhuẹn.

1 Ivie 10:26

Solomọn da ghwẹ ekpẹrẹ ofovwi koko kugbe ihwo re gua iyesi; o de vwo ekpẹrẹ rẹ ofovwi ujori ihwẹne kugbe ihwo re gua iyesi uriori ihwivẹ, rọ ghare phihọ irere rẹ ekpẹrẹ vẹ ovie hẹ Jerusalẹm.

1 Ikun rẹ Ivie 18:4

Devid de mie ekpẹrẹ uriori, ihwo ujori ighwrẹ re gua iyesi kugbe isodje uriori uje re vwẹ owọ yan; etiyin Devid de wan ekpẹrẹ rẹ iyesi na oma, ẹkẹvuọvo ọ yan jẹ ujori vwo vwọ kẹ ekpẹrẹ na.

Une rẹ Ejiro 20:7

Ẹvo vwẹ ekpẹre rẹ ofovwi yeyan, ẹvo ke iyesi, ẹkẹvuọvo avwanre vwẹ odẹ rẹ Ọrovwohwo rẹ Ọghẹnẹ rẹ avwanre yeyan.

Urhi Rivẹ 17:16

Ọ rọ herọ na wo jẹn ovie na koko isi buebu kẹ oma rọye-e, eyẹ re o ru ihwo na vwo rhivwi kpo Ijipt rọ vwọ mrasa ghwẹ isi koko buehu-u, rẹ Ọrovwohwo vwọ ta kẹ wẹ nu na nẹ, Wo gbi rhivwi kpo idjerhe yena ọfa-a.

Joshua 11:6

Ọrovwohwo da ta kẹ Joshua nẹ, Wọ djẹ oshọ rẹ aye-en, kidie odẹ rọ cha na vwẹ utiẹ ọkẹ ọtiọnana mi che phi ayen ejobi kua kẹ Izrẹl; ku we churu iyesi rayen kugbe wa me torhẹ idjighere rayen.

Joshua 11:9

Joshua de ru ayen kirobo rẹ Ọrovwohwo vuẹre; ọ da vwẹ ufi gba Iyesi rayen, ọ da torhẹ idjighere rayen.