2 Samuẹl 8:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Devid da re uvie vwẹ enu rẹ Izrẹl ejobi, Devid de guẹdjọ rẹ ọsoso vẹ abavo rẹ ihwo rọye.

2 Samuẹl 8:15 ပူးပေါင်းရင်းမြစ်များ

2 Samuẹl 15:3

Absalọm me ta kẹ, Mrẹ nẹ eta wẹn yovwiri o mi ji shephihọ; ẹkẹvuọvo o vwo ohwo ro mudia phihọ ẹdia rẹ ovie ro nyo we-e.

2 Samuẹl 20:23

Ọke yena Joab kọye sun otuofovwi rẹ Izrẹl ejobi; Benaiah rẹ ọmọ ri Jehoiada ọye ri sun Chẹrẹt kugbe Pẹlẹt.

2 Samuẹl 3:12

Abner de ji ikọn bru Devid vwi Hebrọn, tanẹ, Ono vwo otọ na? Yarhe rere a re ọphọ; nighere, me vẹ owẹ dia obọ re me họnre kẹ wẹ vwọ reyọ ihwo rẹ Izrẹl ejobi rhe we.

2 Samuẹl 5:5

Ọ re ovie vwẹ enu ri Juda vwi Hebrọn ẹgbukpe ighwrẹ gbe emeranvwe esan vwi Jerusalẹm; ọ da re ovie ẹgbukpe ọgban gbe erha vwẹ Izrẹl vi Juda.

2 Samuẹl 8:14

o de phi utuofovwi phihọ Edọm; kasan kasan vwẹ Edọm ejobi o de phi utuofovwi phihọ re. Ihwo rẹ Edọm ejobi de rhi hirhe phihọ idibo ri Devid. Ọrovwohwo da vwẹ ephio kparobọ vwọ kẹ Devid vwi kasan kasan rọ rare ejobi.

2 Samuẹl 8:16

Joab ọmọ ri Zeruiah kọye onotu rẹ ofovwi; Jehoshaphat ọmọ rẹ Ahilud kẹ osiẹbe;

1 Ivie 10:9

Ebruba kẹ Ọrovwohwo Ọghẹnẹ wẹn, rẹ ivun wẹ vwerhere rọ da vwẹ owẹ tidia ekete rẹ Izrẹl. Fikiridie Ọrovwohwo guọnọ Izrẹl bẹdẹ, kọye ọ vwọ vwẹ owẹ mu ovie, rere wo vwo brorhiẹ rẹ ọsoso vẹ ọvwata.

1 Ivie 4:1

Ovie Solomọn da re vwẹ enu rẹ Izrẹl ejobi,

1 Ikun rẹ Ivie 18:14

Devid da re vwẹ enu rẹ Izrẹl ejobi o de sun ayen abavo vẹ ọsoso.

Une rẹ Ejiro 119:121

Mi ru obo ro shephihọ vẹ ọ rẹ ọsoso; wọ yan ju vwe vwọ kẹ otu ri shenyẹ vwẹ-ẹ.

Une rẹ Ejiro 72:2

Jo guẹdjọ rẹ ihwo wẹn vẹ ọvwata ivwiogbere wẹn vẹ ọsoso!

Une rẹ Ejiro 75:2

Vwẹ oghẹre rẹ ọke ri mi bruru ki mi che brorhiẹ abavo.

Une rẹ Ejiro 89:14

Ọvwata kugbe ọsoso eye ichiyotọ rẹ ekete wẹn; ẹguọnọ wẹn ro jẹ rhẹriẹ vẹ esegbuyota ka obaro kẹ wẹ.

Aizaya 9:7

Obuebu rẹ isuesun rọye vẹ ufuoma rọye se vwo oba-a vwe enu rẹ ekete ri Devid, kugbe enu rẹ uvie rọye, rọ tọn phihọ, rọ yọnrọn vwẹ ọsoso vẹ ọvwata ne ọke nana yanran rhiri bẹdẹ. Oruru rẹ Ọrovwohwo rẹ otuofovwi na yi ri ru ọna.

Emọs 5:15

Tuoma rẹ umwemwu, guọnọ emu esiri, wọ bro omamọ orhiẹn vwẹ anurhoro, ọke ọvo Ọrovwohwo, Ọghẹnẹ rẹ otuofovwi na, kọ sa re ehrọre rẹ umuku ri Josẹf ro chekọ na.

Emọs 5:24

Ẹkẹvuọvo we gbe jẹ orhiẹbrọ rẹ uyota djẹ kerẹ ọkẹre re ame, rẹ ọvwata dia kerẹ urhie rọ djẹ rara.

Hibru 11:33

ihwo re wan esegbuyota phi uvie kparobọ, ri brorhiẹ rẹ ọsoso, re ve ive na kẹ, re gba unu rẹ ikpohrokpo,

1 Samuẹl 14:47

Ọke ri Sọl rhe vwọ re uvie vwẹ Izrẹl nu, ọ da họnre ivwighrẹ rọye vwẹ abọ kabọ ihwo ri Moab, ihwo rẹ Ammọn, ihwo rẹ Edọm, ivie ri Zobah, kugbe ihwo ri Filistia; kasan kasan rọ họnre te o mi phi ayen kua.