2 Samuẹl 8:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Devid da rhe re odẹ kẹ oma rọye. Ọke ro vwo rhivwi o de hwe ihwo rẹ Edọm uriori ihwe gbe ẹrenre vwẹ iyara rẹ ughweraka,

2 Samuẹl 8:13 ပူးပေါင်းရင်းမြစ်များ

Jẹnẹsis 11:4

Ayen da rha ta, Yanrhe, e jẹn avwanre bọn orere kẹ oma rẹ avwanre, ra bọn uwevwi rẹ enu phihọ ro kpenu odjuvwu, re avwanre re odẹ kẹ oma rẹ avwanre, ọ rha dia eriyin avwanre ke cha hra vwẹ enu rẹ akpọ na ejobi.

2 Samuẹl 7:9

Me vẹ owẹ da herọ vwi kasan kasan wọ rare ejobi, Me da djẹ ivwighrẹ wẹn na we oma; Mi ru odẹ wẹn rho, kerẹ odẹ rẹ ihwo re rhoro vwẹ akpọ na.

1 Ivie 11:15

Kidie ọke ri Devid vwọ hẹ Edọm, ri Joab osun rẹ ofovwi na re vwo shi ihwo re hweri, o de hwe kọshare kọshare vwẹ Edọm

Ivie rẹ Ivẹ 14:7

O hwe ihwo uriori ihwe rẹ Idọm vwẹ Iyara rẹ Ughweraka ọ da reyọ Seia vwẹ ogiribo, o de se asan na Jokitel, odẹ nana e ji se asan na rhi te ẹdẹ ri nonẹ.

1 Ikun rẹ Ivie 18:12

Abishai rẹ ọmọ ri Zeruiah, de hwe ihwo rẹ Idọm uriori ihwe gbẹ ẹrenre vwẹ Iyara rẹ Ughweraka.

2 Ikun rẹ Ivie 25:11

Ẹkẹvuọvo Amazaya kẹ ohwo vẹ udu, o de sun ihwo rọye, kpo Iyara re Ughweraka o de hwe ihwo uriori ihwe ri Seir.

Une rẹ Ejiro 60:1

E Ọghẹnẹ, wọ sen avwanre, wọ guọghọ ọgba rẹ avwanre; ivun miovwo uwe; e, vwẹ avwanre rhivwi rhe.