2 Samuẹl 7:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Asakiephana, fiki rẹ ọtiọye, ọtiọna wọ ta kẹ odibo mẹ Devid, Ọtiọna Ọrovwohwo rẹ ofovwi tare, Mi si we nẹ aghwa rhe ru wo de sun igegede re wọ rhe re ovie vwẹ enu rẹ ihwo mẹ Izrẹl;

2 Samuẹl 7:8 ပူးပေါင်းရင်းမြစ်များ

2 Samuẹl 12:7

Natan da ta kẹ Devid, Wẹ ohwo na. Enẹ Ọrovwohwo tare, Ọghẹnẹ rẹ Izrẹl. Me vwẹ owẹ mu ovie vwẹ enu rẹ Izrẹl, Mi de si we nẹ obọ ri Sọl;

2 Samuẹl 14:13

Aye na da ta, kemavọ wo rhe vwo roro iroro tiọye kpahe ihwo rẹ Ọghẹnẹ? Kidie wo vwo brorhiẹ nana na, yẹ ovie ọvo rhe brehwe omaobọ rọye; kidie ovie rha reyọ ọmọ rọ djẹ nẹ uwevwi rọye hirhe kpo-o.

2 Samuẹl 23:1

Asakiephana enana eta re ka oba ri Devid tare Epha ri Devid, ọmọ ri Jesse, Epha rẹ ohwo ra kpare kpenu, ọ rọ Ọghẹnẹ ri Jekọp vwẹ evwri ghworo ọboine vwevwerhe rẹ Izrẹl.

2 Samuẹl 24:17

Etiyin Devid da ta kẹ Ọrovwohwo vwẹ ọke rọ vwọ mre amakashe ro hwe ihwo na, ọ da ta, Nighe mi ru imwemwu, mi ru imwemwu, mi ru o re brare gangan, ẹkẹvuọvo igodẹ nana, die ayen ruru? hwe vwe vẹ uwevwi rẹ ọsẹ mẹ Me rẹ wẹ.

2 Samuẹl 5:2

Dẹvure, rẹ Sọl vwọ hẹ ovie vwẹ enu rẹ avwanre, we ri je sun Izrẹl ruafe, we ji sun ayen ro uwevwi. Ọrovwohwo da ta kẹ wẹ, Wẹ re cha dia osuigodẹ rẹ ihwo mẹ Izrẹl; wẹ re je cha dia ovie vwẹ enu rẹ Izrẹl.

2 Samuẹl 6:21

Devid da ta kẹ Mikal, Obaro rẹ Ọrovwohwo rọ jẹn vwẹ reyọ yan jẹ ọsẹ wẹn vwo kugbe ihwo rọye ejobi ni me re ovie vwẹ enu rẹ ihwo rọye Izrẹl: me sa ghọghọ vwẹ obaro rẹ Ọrovwohwo.

1 Ivie 3:6

Solomọn da ta, Wọ nabọ vwẹ ẹguọnọ ro jẹ rhẹriẹ kẹ odibo wẹn Devid ọsẹ mẹ, fikiridie ọ yan nene uwe vwẹ esegbuyota, ọvwata kugbe udu esiri ro vwo kpahe owẹ. wo de ji vwo ẹguọnọ ro jẹ rhẹriẹ rode na kẹ, wọ da vwẹ ọmọ kẹ rere o tidia vwẹ ekete rọye kirobo rọ epha nonẹ na.

1 Ivie 8:16

Rhanwẹ ẹdẹ re Me vwo reyọ ihwo mẹ Izrẹl nẹ Ijipt rhe na, Me jẹ orere ọvuọvo vwẹ orua rẹ Izrẹl na ejobi, ra bọn uwevwi phihọ-ọ, rere odẹ mẹ vwọ dia etiyin; ẹkẹvuọvo Me da jẹ Devid nẹ ọ dia enu rẹ ihwo mẹ Izrẹl.

1 Ikun rẹ Ivie 17:7

Asakiephana enẹ wọ ta kẹ Devid odibo mẹ, Enẹ Ọrovwohwo rẹ ofovwi tare, me reyọ owẹ nẹ otọ rẹ eghri ru wo de churu igodẹ rhe, nẹ wo gbi nene igodẹ-ẹ, nẹ wọ dia ọmọ rẹ ovie vwẹ enu rẹ ihwo mẹ Izrẹl;

1 Ikun rẹ Ivie 21:17

Etiyin Devid da ta kẹ Ọghẹnẹ, ọ dia omẹvwẹ re tanẹ ekere ihwo na? Mẹvwẹ ri ru umwemwu mi ru obo re brare gangan. Ẹkẹvuọvo igodẹ nana, kidie ayen ruru? Jẹn obọ wẹn, me rẹ wẹ, Ọrovwohwo Ọghẹnẹ mẹ, gbe kpahe ovwẹ vẹ uwevwi rẹ ọsẹ mẹ; ẹkẹvuọvo wo jẹn emianvwe nana dia uyovwi rẹ ihwo wẹ-ẹn.

Emọs 7:15

Ọrovwohwo dẹ fru vwẹ reyọ nẹ mi gbi nene igegede-e, Ọrovwohwo da ta kẹ vwẹ, yanran ra mraro kẹ ihwo mẹ Izrẹl.

Iruo rẹ Iyinkọn na 7:46

rọ mrẹ aroesiri vwẹ obaro rẹ Ọghẹnẹ ọ da nọ ekpẹn rẹ uwevwi rọ bọn kẹ Ọghẹnẹ ri Jekọp.

1 Samuẹl 10:1

Etiyin Samuẹl da reyẹ ukoko rẹ evwri o de kuo ku uyovwi rọye, ọ da fiọnfiọn unu ọ da ta, ọ dianẹ Ọrovwohwo re vwẹ evwri ghworo uwe nẹ wọ dia ovie vwẹ enu rẹ ihwo rọye Izrẹl? Ku wọ re vwẹ enu rẹ ihwo rẹ Ọrovwohwo na ku wo sivwi ayen nẹ obọ re ivwighrẹ re riariẹ ayen phihọ na. Ọnana kọ dia oka kẹ wẹ nẹ Ọrovwohwo ghine vwẹ evwri ghworo uwe nẹ wọ dia ovie vwẹ enu rẹ ughwẹ rọye.

1 Samuẹl 2:8

Ọ kpare ovwiogbere nẹ iwurhie ọ kpare ọ rẹ akpọ bẹn kpenu nẹ evun rẹ erhurhu, rere ayen vẹ isun tidia kugbe rere ayen reuku rẹ ọghọ. Kidie ichivwo rẹ akpọ na ọ rẹ Ọrovwohwo, enu rẹ ayen o mu akpọ na vi.

1 Samuẹl 9:16

Odẹ rọ cha vwẹ oghẹre rẹ ọke etiọna mi che ji ohwo ọvo nẹ otọ ri Bẹnjamin bru we rhe, ku wọ vwẹ evwri te rọ dia oviẹ vwe enu rẹ ihwo mẹ Izrẹl. Ko sivwi ihwo mẹ nẹ obọ rẹ ihwo ri Filistia, kidie Me mrẹ oma ẹlaghọ rẹ ihwo mẹ, fikiridie oviẹ rayen rhi te vwẹ oma re.