2 Samuẹl 7:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Vwi kasan kasan re Me vẹ emọ rẹ Izrẹl yan te, Me ta ota kẹ iguẹdjọ rẹ Izrẹl dẹvo-o re Me tanẹ i sun ihwo mẹ Izrẹl, nẹ Die wọ rha bọn uwevwi rẹ igẹdu kẹ vwẹ-ẹ?

2 Samuẹl 7:7 ပူးပေါင်းရင်းမြစ်များ

2 Samuẹl 5:2

Dẹvure, rẹ Sọl vwọ hẹ ovie vwẹ enu rẹ avwanre, we ri je sun Izrẹl ruafe, we ji sun ayen ro uwevwi. Ọrovwohwo da ta kẹ wẹ, Wẹ re cha dia osuigodẹ rẹ ihwo mẹ Izrẹl; wẹ re je cha dia ovie vwẹ enu rẹ Izrẹl.

1 Ikun rẹ Ivie 11:2

Ọke rọ wanre, mrẹmrẹ ọke ri Sọl vwọ hẹ ovie, wọwẹ re sun Izrẹl ro otafe je ro uwevwi; Ọrovwohwo rẹ Ọghẹnẹ wẹn da ta kẹ wẹ, wọ dia osuigodẹ rẹ ihwo mẹ Izrẹl, wọ dia ovie vwẹ enu rẹ ihwo mẹ Izrẹl.

1 Ikun rẹ Ivie 17:6

Vwẹ asan ejobi re me vẹ Izrẹl yan te, me je ta ota kẹ iguẹdjọ rẹ Izrẹl dẹvo-o, re mi ji urhi kẹ no sun ihwo mẹ, nẹ, Die sorọ wọ gbe bọn uwevwi rẹ igẹdu kẹ vwẹ-ẹ?

Aizaya 40:11

Ọ ghẹrẹ uchuru rọye kerẹ osuigodẹ, o mu emọ rẹ igodẹ na phihọ igbabọ rọye, ọ mu ayen phihọ agada rọye, ko sun e re ghẹrẹ emọ dẹndẹn.

Aizaya 66:1

Enẹ Ọrovwohwo tare: Odjuvwu he ekete Mẹ akpọ na kẹ asan Me ghwe awọ kpaha, ki didi uwevwi wa bọn kẹ vwẹ ki tivọ asan rẹ urovwoma Mẹ?

Jerimaya 23:4

Me cha vwẹ isuigegede re vwẹ ẹro te ayen mu kẹ ayen, oshọ rhe mu ayen ọfa-a, udu gbi bru aye-en, ọvuọvo gbi ghwru no-o, eriyin Ọrovwohwo tare.

Jerimaya 3:15

Ke me cha kẹ ovwan isuigegede ri je vwe, re cha vwẹ ẹriẹn vẹ evughe ghẹrẹ ovwan.

Izikiẹl 34:15

Mẹvwẹ ọvo kọye dia osuigegede rẹ igegede mẹ, ke me vwẹ ayen shevwerhẹ te otọ, eriyin Ọrovwohwo Ọghẹnẹ tare.

Izikiẹl 34:2

Ọmọ rẹ ohwo, mraro kpahe isuigegede rẹ Izrẹl, mraro, rere wo ta kẹ ayen, ikpuyovwi rẹ isuigegede na, E nẹ Ọrovwohwo Ọghẹnẹ tare: E isuigegede rẹ Izrẹl re ghẹrẹ oma rayen ọvo! Ọ dianẹ isuigegede ye ghẹrẹ igegede na?

Izikiẹl 34:23

Ke me vwẹ osuigegede ọvo mu kẹ ayen, kọye odibo mẹ Devid, kọ cha ghẹrẹ ayen, ko ghẹrẹ ayen ko dia osuigegede rayen.

Maika 5:4

Ko vrẹn mudia ghẹrẹ igegede rọye vwẹ ogangan rẹ Ọrovwohwo na, vwẹ ọrhọ rẹ odẹ rẹ Ọrovwohwo Ọghẹnẹ rọye. kọ cha dia vwẹ egbemọphẹ, vwẹ ọke yena kọ cha rho re duvwu ẹtan rẹ akpọ na.

Matiu 2:6

Wẹ Bẹtlẹhẹm, vwẹ otọ ri Juda Ọ dia owẹ re ma hanvwe vwẹ isun ri Juda ejobi; Kidie ohri wẹn osun che nurhe ro che sun ihwo mẹ Izrẹl.

Iruo rẹ Iyinkọn na 20:28

Wa kẹnoma rẹ ovwan kugbe uchuru na ejobi, rẹ Ẹrhi Ọfuanfon na vwọ kẹ ovwan nẹ wa vwẹ ẹro te, re wa ghẹrẹ ishọshi rẹ Ọrovwohwo rọ vwẹ ọbara robọ rọye dẹ.

Iruo rẹ Iyinkọn na 21:28

ayen de kperi, Ihwo rẹ Izrẹl, cha avwanre uko! Ọnana hẹ ohwo ro yono ihwo vwi kasan kasan kpahe ihwo na kugbe urhi na kugbe etinẹ na; ọ rọ marho ọ rha je ghwa ihwo ri Grik rhe uwevwi rẹ ẹga na rhi vwo gbe asan ọfuanfon nana ẹgua.

Urhi Rivẹ 23:14

Fikiridie Ọrovwohwo rẹ Ọghẹnẹ wẹn na yan vwẹ uherevie rẹ erhọn wẹn, ro vwo sivwi uwe ro ji vwo phi ivwighrẹ wẹn vwọ obaro wẹn, vwẹ ọtiọye na erhọn wẹn kọ dia fuanfon, rere ọ vwọ je emu ogbegbe ẹmrẹ vwẹ uherevie wẹn, ọ da rhẹriẹ oma yan ju we vwo.

1 Pita 5:1

Vwẹ ọtiọye na mi bru ekpako re hẹ ohri rẹ ovwan uche, kidie okpuyovwi mẹ je vwẹ okpako kugbe oseri rẹ oja ri Kristi kugbe ohwo ro ji vwo obọ vwẹ urinrin ra cha vwọ phia na.