2 Samuẹl 7:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Fiki wẹn E Ọrovwohwo rẹ ofovwi Ọghẹnẹ rẹ Izrẹl, vwe rọ phia kẹ odibo wẹn nẹ, Me bọn uwevwi kẹ wẹ, fiki rẹ ọtiọye kọye odibo wẹn vwo yivwaro nẹ ẹrhovwo nana kẹ wẹ;

2 Samuẹl 7:27 ပူးပေါင်းရင်းမြစ်များ

2 Samuẹl 7:11

Nẹ ọke re Me vwọ vwẹ iguẹdjọ mu ni gbe sun ihwo mẹ Izrẹl, mi de ru we nẹ wo vwo ufuoma nẹ obọ rẹ ivwighrẹ wẹn, Ọrovwohwo je ta kẹ wẹ nẹ ọye vwẹ uwevwi kẹ wẹ.

2 Samuẹl 7:13

Kọ bọn uwevwi phihọ vwẹ odẹ mẹ ke Me vwẹ uvie rọye muotọ bẹdẹ.

1 Ivie 11:38

Wọ da kerhọn rẹ urhi ri mi ji kẹ wẹ ejobi, wọ da yan nene idjerhe mẹ, wo de ru obo ri she phihọ vwẹ ẹro mẹ wọ da yọnrọn iji mẹ kugbe irhi mẹ, kirobo ri Devid odibo mẹ ruru, ki mi nene uwe dia, ke me bọn uwevwi rẹ uchivwo rọye ghwaotọ kẹ wẹ, kirobo re me bọn kẹ Devid, ke me vwẹ Izrẹl kẹ wẹ.

Une rẹ Ejiro 10:17

E Ọrovwohwo, wẹ ri nyo ẹguọnọ re ohwo dẹndẹn, wo ru udu rayen gan, wọ kerhọn rayen

Une rẹ Ejiro 40:6

Izobo re zeri vẹ ẹkpẹvwẹ wọ guọnọre-e, ẹkẹvuọvo wọ kẹ vwẹ erhọn rọ rhie phihọ. Izobo rẹ ẹtorhẹ kugbe Izobo rẹ umwemwu wọ guọnọre-e.

Ẹyano 1:21

Fikiridie irhere na djẹ oshọ rẹ Ọghẹnẹ ọ da kẹ ayen emọ.

Rutu 4:4

Ki mi rori nẹ me ta kẹ wẹ vwẹ irharo rẹ ihwo ri tidia etinẹ na, vẹ irharo rẹ ekpako rẹ ihwo mẹ na. Ọ da dianẹ wọ dẹ, dẹ: ẹkẹvuọvo ọ da dianẹ wọ dẹ-ẹ, ta kẹ vwẹ, rere me riẹn, fikiridie ohwo ọfa rha herọ chọ wẹ ra rọ dẹ-ẹ mẹvwẹ kọye vwọ kpahe owẹ. Ọ da ta, me cha de.

1 Samuẹl 2:35

Ke me cha vwẹ ọrherẹn esiri vwo mu kẹ oma mẹ, ro che ru kirobo ri mi roro kugbe obo rẹ udu mẹ guọnọre; ke me cha bọn omamọ uwevwi kẹ, kọ ro uwevwi ro otafe vwẹ obaro rẹ ihwo re me vwẹ evwri ghworo na bẹdẹ.

1 Samuẹl 9:15

Asakiephana vwẹ ẹdẹ rọ wanu ri Sọl ke rhe na, Ọrovwohwo da vwọ phia kẹ Samuel: