2 Samuẹl 7:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Asakiephana, E Ọrovwohwo rẹ Ọghẹnẹ ru iveve wẹn gan bẹdẹ vwọ kẹ odibo wẹn kerẹ ọtiobo wọ tare kpahe uwevwi rọye, gbe ru kirobo wọ tare.

2 Samuẹl 7:25 ပူးပေါင်းရင်းမြစ်များ

Jẹnẹsis 32:12

Ẹkẹvuọvo wọ tare nẹ, Mi ru we yovwi, ki mi ru uvwiẹ wẹn kiri ehavwo rẹ urhie, re je se kere fikiridie o bunọ.

2 Samuẹl 7:24

Wọ da vwẹ ihwo wẹn Izrẹl mudia bẹdẹ; Wẹ E Ọrovwohwo wo de hirhe phihọ Ọghẹnẹ kẹ ayen.

2 Samuẹl 7:26

Ke ru odẹ wẹn rho bẹdẹ ra tanẹ, Ọrovwohwo rẹ Ofovwi ọye Ọghẹnẹ ro sun Izrẹl, kugbe uwevwi rẹ Odibo wẹn Devid ko ghwotọ bẹdẹ.

1 Ivie 2:4

rere Ọrovwohwo vwo ru ota rọye rọ ta kpahe ovwẹ gba, tanẹ, emọ wẹn da jomaotọ vwẹ idjerhe rayen, re ayen da yan nene uvwe vwẹ uyota vwẹ udu rayen ejobi kugbe ẹwẹn rayen ejobi, ohwo gbe sa kanre owẹ-ẹ ro tidia vwẹ ekete rẹ Izrẹl.

1 Ivie 8:26

Asakiephana, E Ọghẹnẹ rẹ Izrẹl, gbe jẹn ota wẹn na sẹ, ru wọ ta kẹ odibo wẹn Devid ọsẹ mẹ,

2 Ikun rẹ Ivie 6:17

Asakiephana, E Ọrovwohwo, Ọghẹnẹ rẹ Izrẹl, gbẹ jẹ ota wẹn sẹ, ọ re wọ ta kẹ odibo wẹn Devid.

Une rẹ Ejiro 119:38

Ru ive wẹn na gan kẹ odibo wẹn, re herọ kẹ otu dje oshọ wẹn.

Une rẹ Ejiro 119:49

Karohọ ota wẹn ke odibo wẹn, ru wọ da nẹrhẹ ovwẹ vwo iphiẹrohọ.

Izikiẹl 36:37

“E nẹ Ọrovwohwo Ọghẹne tare: Ọnana me je cha uphẹ kẹ uwevwi rẹ Izrẹl nẹ ayen nọ vwẹ rere mi ru kẹ ayen, re mi ru ihwo rọye bu kerẹ igọde.

1 Samuẹl 1:23

Ẹlkanah rẹ ọshare rọye da ta kẹ, Ru obo ri shephihọ kẹ wẹ, hẹrhẹ bẹsiẹ rẹ ọmọ na vwo brevie nu; takpe, jẹn ota rẹ Ọrovwohwo sẹ. Etiyin aye na da daji ọ da ghẹrẹ ọmọ rọye, bẹsiẹ ro rhi vwo brevie nu.