2 Samuẹl 7:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Didi orua ọvo vwẹ akpọ na họhọ ihwo wẹn Izrẹl, rẹ Ọghẹnẹ yanran ra tan hirhe phihọ ihwo rọye, re o vwo re odẹ kẹ oma rọye, ro ru emu rọ rhoro, ro muoshọ, rọ vwọ djẹ ihwo vẹ edjọ rayen nẹ obaro rẹ ihwo rọye?

2 Samuẹl 7:23 ပူးပေါင်းရင်းမြစ်များ

2 Samuẹl 7:24

Wọ da vwẹ ihwo wẹn Izrẹl mudia bẹdẹ; Wẹ E Ọrovwohwo wo de hirhe phihọ Ọghẹnẹ kẹ ayen.

1 Ikun rẹ Ivie 17:21

Didi ẹgborho ọfa vwẹ akpọ na rọ họhọ ihwo wẹn Izrẹl, rẹ Ọghẹnẹ na tan hirhe nọ dia ihwo rọye, wọ vwọ re odẹ kẹ oma wẹn vwẹ emu ride vẹ emu ro muoshọ, ro wọ vwọ djẹ ẹgborho buebu nẹ obaro rẹ ihwo wẹn ru wọ tan nẹ Ijipt rhe?

Nehemaya 1:10

Ayen idibo wẹn kugbe ihwo wẹn, ru wọ tan hirhe vwẹ ọgangan wẹn rode na kugbe ogangan rẹ obọ wẹn na

Une rẹ Ejiro 106:22

iruo re igbunu vwẹ otọ ri Ham, kugbe emu ro muoshọ vwe obo Abadi Ọvwavware na.

Une rẹ Ejiro 111:9

O ji ẹtanhirhe rhe ihwo rọye; o ji urhi rẹ ọphọ rọye na bẹdẹ. Ọfuanfon vẹ oshọ ọye odẹ rọye!

Une rẹ Ejiro 145:6

Ihwo ki che ghwoghwo ẹgba rẹ iruo ri muoshọ wẹn, ki mi ghwoghwo ọrho wẹn.

Une rẹ Ejiro 147:20

O nene ẹgborho ọfa yeri ọtiọna dẹvo-o; ayen riẹn urhi rọye-e. Jiri Ọrovwohwo na.

Une rẹ Ejiro 40:5

E Ọrovwohwo Ọghẹnẹ mẹ, wo rhoma rhi ru bu phihọ, iruo rẹ igbunu wẹn kugbe iroro wẹn ke avwanre; a sa mrẹ ohwo re vwo dje we-e. a da tanẹ e gbe ikun re ayen, i bunọ obo re se keri.

Une rẹ Ejiro 44:3

kidie ọ dianẹ kẹ ogangan rẹ ọlọkọ rayen ayen vwo vwo otọ na-na, eye ke igbabọ rayen ayen vwo phi kparobọ-ọ, ẹkẹvuọvo obọrhe wẹn, kugbe igbabọ wẹn, kugbe urhukpẹ rẹ arhanre wẹn; kidie ivun re ayen vwehe owẹ

Une rẹ Ejiro 65:5

Vwẹ uruemu ro muoshọ ọye wọ vwọ vwẹ esivwo wẹn kpahe kẹ avwanre, E Ọghẹnẹ rẹ esivwo rẹ avwanre, wẹ iphiẹrohọ rẹ oba rẹ akpọ na ejobi, kugbe ayen re hẹ obo ẹtan rẹ abadi.

Une rẹ Ejiro 66:3

Ta kẹ Ọghẹnẹ, Mavọ iruemu wẹn mu udidi te! ọtiọye ogangan wẹn rho te rọ nẹrhẹ ivwighrẹ wẹn siẹ wunrhẹ vwẹ obaro wẹn

Ẹyano 12:12

Kidie me cha wan otọ rẹ Ijipt vrẹn vwẹ ason yena, ke me ghwiẹ emekpako rẹ otọ rẹ Ijipt ejobi hwe te ohwo te eranvwe, ke me vwẹ edjọ rẹ Ijipt ejobi guẹdjọ; Mẹvwẹ Ọrovwohwo na.

Ẹyano 33:16

Kemavo e ru riẹn nẹ Me mrẹ ẹruesiri wẹn, Mẹvwẹ vẹ ihwo wẹn na? Ọ dianẹ enene ri wo nene avwanre ra, rere avwanre vwọ fẹnẹ, Mẹvwẹ vẹ ihwo wẹn, nẹ ihwo ejobi re akpọ na?

Ẹyano 6:7

Me rọye owẹ phiyọ ihwo mẹ, ke me dia Ọghẹnẹ wẹn; ku wọ je riẹn nẹ Mẹvwẹ Ọrovwohwo Ọghẹnẹ wẹn, rọ si we nẹ otọ rẹ ọviẹn rẹ ihwo rẹ Ijipti.

Ẹyano 9:15

Kidie asan rẹ ọke teri na ye me vwẹ obọ mẹ vwọ vwẹ emiavwe mu we vẹ ihwo wẹn, manẹ yẹ si we nẹ akpọ na re.

Ẹyano 9:16

Ẹkẹvuọvo fiki rẹ ọnana me vwọ yan ju we vwo vwẹ akpọ, rere e vwo dje ogangan mẹ kẹ wẹ, rere a vwẹ odẹ mẹ phia vwẹ akpọ na ejobi.

Jerimaya 32:20

ohwo rọ vwẹ eka vẹ imu rẹ igbunu vwọ phia vwẹ otọ rẹ Ijipt, ọ je vwọ nẹ Izrẹl kugbe ihwo rẹ akpọ na ejobi rhi te none na, wọ da re odẹ kẹ oma wẹn kirobo rẹ ọ epha nonẹ na.

Jerimaya 32:21

Eka vẹ imu rẹ igbunu wọ vwọ reyọ ihwo wẹn Izrẹl nẹ otọ rẹ Ijipt rhe, kugbe obọ rẹ ọdo wẹn vẹ oshọ rode;

Izikiẹl 20:9

Ẹkẹvuọvo mi ruro fiki rẹ odẹ mẹ, rere ayen vwo jẹ ẹphọphọ vwẹ obaro rẹ ẹgborho na rẹ ayen dia ohri rẹ ayen na. Me da vwẹ oma mẹ kẹ ayen riẹn vwẹ obaro rẹ ayen re me vwọ reyọ ayen nẹ otọ rẹ Ijipt rhe.

Ukeri 6:27

Ọtiọye kọye ayen che phi odẹ mẹ phihọ enu rẹ ihwo rẹ Izrẹl, ki mi bruba kẹ ayen.

Ẹfesọs 1:6

vwọ kẹ ejiro rẹ urinrin rẹ ẹserọphẹ rọye rọ de vwọ kẹ avwanre ọphọphẹ vwẹ evun rẹ Ọrọguọnọre na.

Urhi Rivẹ 10:21

Ọye ejiro wẹn, ọye jẹn Ọghẹnẹ wẹn, ro ru imu nana ride ri mu oshọ na kẹ wẹ, e rẹ ibiẹro wẹn mrẹre na.

Urhi Rivẹ 15:15

Wọ Me karohọ nẹ wọ je dia ọviẹn vwẹ otọ rẹ Ijipt jovwo, Ọrovwohwo Ọghẹnẹ wẹn ke tan wẹ; kẹ eriyin mi vwo ji iji kẹ wẹ nonẹ na.

Urhi Rivẹ 33:29

Wa ghọghọ, E Izrẹl Ono họhọ owẹ, ihwo rẹ Ọrovwohwo sivwiri, ako rẹ ọchuko wẹn, kugbe ọlọkọ rẹ ephiokparobọ wẹn! Ivwighrẹ wẹn yan riariẹ owẹ phihọ ko wo che chiyi ẹdia rayen phihọ otọ.

Urhi Rivẹ 9:26

Me nẹ ẹrhovwo kẹ Ọrovwohwo, nẹ, E Ọrovwohwo Ọghẹnẹ, wọ ghwọrọ ihwo wẹn vẹ ukuẹriọ wẹ-ẹn, e rẹ wọ vwẹ ọrho wẹn tan hirhe na, e re wọ vwẹ obọ gangan si nẹ Ijipt rhe na.

Taitọs 2:14

Ohwo rọ vwẹ oma rọye kẹ avwanre rọ vwọ tan avwanre nẹ orukuruku ejobi kugbe ro vwo ru avwanre fon kẹ oma rọye ihwo rẹ obọ rọye ri vwo oruru kẹ iruo esiri.

Joshua 7:9

Ihwo ri Kenan vẹ ihwo re dia otọ na ejobi ki che nyo, ke cha gba riariẹ avwanre, ki che phoro odẹ rẹ avwanre nẹ akpọ na; kidie wo ru fiki rẹ odẹ wẹn rode na?

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

Ẹvwọphia 5:9

ayen da so une ọkpokpọ, tanẹ, Wọwẹ hẹ ohwo ro fori rọ sa reyọ ọbe na ro de se rhie isiaphrẹ rọye, kidie e hwe we jovwo ọbara wẹn kọye wọ vwọ tan ihwo hirhe kẹ Ọghẹnẹ nẹ orua korua kugbe ephẹrẹ kugbe ihwo kugbe ẹgborho,