2 Samuẹl 7:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Fiki rẹ iveve wẹn kerẹ ọtiobo rẹ ẹwẹn Wẹn epha, ọye wọ vwọ vwẹ emu ride nana ejobi phia kẹ odibo wẹn.

2 Samuẹl 7:21 ပူးပေါင်းရင်းမြစ်များ

1 Ikun rẹ Ivie 17:19

Fiki rẹ odibo wẹn E Ọrovwohwo, vẹ ọtiobo rẹ udu wẹn epha, ọye wo vwo ru emu ride nana ejobi, wọ vwọ vwẹ emu ride nana ejobi phia.

Une rẹ Ejiro 115:1

Ọ dia avwanre-e, E Ọrovwohwo ọ dia avwanre-e, ẹkẹvuọvo odẹ wẹn a vwẹ urinrin kẹ, fiki re ẹguọnọ wẹn ro jẹ rhẹriẹ na vẹ esegbuyota wẹn na!

Une rẹ Ejiro 138:2

Me nuẹ uyovwi kẹ uwevwi wẹn ọfuanfon na Me vwẹ ẹkpẹvwẹ vwọ kẹ odẹ wẹn fiki rẹ ẹguọnọ wẹn ro jẹ rhẹriẹ na vẹ uyota wẹn; kidie wẹ a kpare kpenu vrẹn kemu kemu ode wẹn kugbe ota wẹn.

Ukeri 23:19

Ọghẹnẹ dia ohwo, rọ vwọrọ ofia-an, eyẹ ọmọ rẹ ohwo, ro se kuẹrhẹriẹ-ẹ ọ ta nure, o gbi rhe ruo? Eyẹ rọ vwọ ta nu na, o gbi rhe se ruo gba?

Matiu 11:26

Eriyin, Ọsẹ, kidie ọye obo ru wọ guọnọre.

Matiu 24:35

Odjuvwu vẹ akpọ cha wan, ẹkẹvuọvo ota mẹ se she fia-a.

Iyẹnrẹ Esiri ri Luk 1:72

iruo rẹ arodọvwẹ ro ruru kẹ esẹ rẹ avwanre ride, kugbe ẹkarohọ rẹ ọphọ ọfuanfon rọye,

Iyẹnrẹ Esiri ri Luk 10:21

Vwẹ ọke yena vuọvo na ọ da ghọghọ vwẹ evun rẹ Erhi Ọfuanfon na ọ da ta, Me kpẹvwẹ owẹn, Ọsẹ, Ọrovwohwo ro vwo odjuvwu vẹ akpọ, ru wo vwo si imu nana nu kẹ evwaghwanre kugbe otu ri vwo ẹruọ wọ da vwẹ ayen phia kẹ emọboba; eriyin, Ọsẹ, kidie ọtiọye hẹ ọhọre esiri wẹn na.

Iyẹnrẹ Esiri ri Luk 12:32

Wa djẹ oshọ-ọ, imigegede mẹ, kidie evun esiri rẹ Ọsẹ na rọ vwọ vwẹ uvie na kẹ ovwan.

1 Kọrẹnt 1:1

Pọl, re seri vwẹ ọhọre rẹ Ọghẹnẹ nẹ ọ rhe dia ọyinkọn ri Kristi Jesu, kugbe oniọvo rẹ avwanre Sọstẹnis.

Ẹfesọs 1:9

Kidie ọ nẹrhẹ avwanre riẹn vwẹ evun rẹ aghwanre ejobi kugbe emramrẹ rẹ igbunu rẹ ọhọre rọye, kirobo rẹ ejiroro rọ jẹ kpahe Kristi epha.

Ẹfesọs 3:11

Iroro okokodo ọtiọnana ọye Ọghẹnẹ jẹre rhabae kpahe Jesu Kristi Ọrovwavwanre.

Ẹfesọs 4:32

Ni arodọvwẹ kẹ ohwohwo, we siẹ ohwo aro-o, vwo ghovwo ohwohwo, kirobo rẹ Ọghẹnẹ wan oma ri Kristi vwo ghovwo ovwan.

Urhi Rivẹ 9:5

Ọ dia fiki rẹ ọvwata wẹn eyẹ ẹvun ẹfuọ wẹn wọ ra vwọ dia otọ na-a; ẹkẹvuọvo fiki rẹ umwemwu rẹ ẹgborho nana Ọrovwohwo Ọghẹnẹ wẹn vwọ djẹ ayen nẹ obaro wẹn, rere ọ mrasan ru ive ro veri kẹ esẹ rẹ ovwan na gba, kẹ Ebraham, kẹ Aizik, ki Jekọp.