2 Samuẹl 7:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Uwevwi wẹn vẹ uvie wẹn vẹ ekete wẹn kọ dia bẹdẹ.

2 Samuẹl 7:16 ပူးပေါင်းရင်းမြစ်များ

Jẹnẹsis 49:10

Ọkpọ na rhe se ni Juda-a, eye ọkpọ rẹ osun na rhe se nẹ agada rọyee, bẹsiẹ ro che vwo te obọ rẹ ohwo ro viri, kọye ihwo na ejobi che mu ọghọ ke.

2 Samuẹl 22:51

Ephio kparobọ rode ọ vwọ kẹ ovie rọye ọ da vwẹ ẹguọnọ rọ jerhẹrie vwọ kẹ ovie rọye, kẹ Devid vẹ uvwiẹ rọye bẹdẹ.

2 Samuẹl 7:13

Kọ bọn uwevwi phihọ vwẹ odẹ mẹ ke Me vwẹ uvie rọye muotọ bẹdẹ.

2 Samuẹl 7:17

Kerẹ ọtiobo rẹ eta nana ejobi epha vẹ aroẹmrẹ nana ọtiọye Natan ta kẹ Devid.

1 Ivie 2:4

rere Ọrovwohwo vwo ru ota rọye rọ ta kpahe ovwẹ gba, tanẹ, emọ wẹn da jomaotọ vwẹ idjerhe rayen, re ayen da yan nene uvwe vwẹ uyota vwẹ udu rayen ejobi kugbe ẹwẹn rayen ejobi, ohwo gbe sa kanre owẹ-ẹ ro tidia vwẹ ekete rẹ Izrẹl.

1 Ivie 9:5

ke Me vwẹ ekete rẹ uvie wẹn ghwaotọ vwẹ enu rẹ Izrẹl bẹdẹ, kirobo ri mi ve kẹ Devid ọsẹ wẹn ta nẹ, Ohwo cha kanre owẹ ro tidia vwẹ enu rẹ ekete rẹ Izrẹli-i.

Ivie rẹ Ivẹ 19:34

Kidie me cha chochọ rẹ orere na ri mi sivwo, vwi fiki mẹ vẹ fiki ri Devid odibo me.

Ivie rẹ Ivẹ 8:19

Dede na Ọrovwohwo sa ghwọrọ Juda-a fiki ri Devid odibo rọye, fikiridie o veri nẹ ọye vwẹ urhukpẹ kẹ vẹ emọ rọye bẹdẹ.

2 Ikun rẹ Ivie 6:16

Asakiephana, E Ọrovwohwo Ọghẹnẹ rẹ Izrẹl, gba yọnrọn obo ru wo ve kẹ Devid ọsẹ mẹ, tanẹ, ohwo gbe cha kare owẹ ro che tidia ekete rẹ Izrẹl na vwẹ obaro mẹ-ẹ, ọ da dianẹ emọ wẹn ruru dẹndẹn vwẹ idjerhe rayen, re da yọnrọn urhi mẹ kirobo rẹ ekpuyovwi wẹn rnru.

ỌBE RẸ JOB 36:7

O si ẹro rọye nẹ evwata-a, ẹkẹvuọvo ọ phi ayen kugbe ivie vwẹ ekete rayen ọ me vwẹ ayen vi bẹdẹ, ka kpare ayen kpenu.

Une rẹ Ejiro 45:6

Ekete wẹn, E Ọghẹnẹ, ọ re bẹdẹ bẹdẹ, ọkpọ rẹ uvie wẹn na ọye ọkpọ rẹ abavo,

Une rẹ Ejiro 72:5

E jọ dia vwẹ ọke rẹ ọnre vwọ herọ na, kirobo re emeranvwe dia krite, wan uvwiẹ na ejobi!

Une rẹ Ejiro 89:4

Me vwẹ owọ re uvwiẹ wẹn muotọ bẹdẹ, Me bọn ekete wẹn na phihọ kẹ orua na ejobi bẹdẹ.

Aizaya 9:6

Kidie avwanre e vwiẹ ọmọ na kẹ, avwanre a vwẹ ọmọ na kẹ, isuesun na kẹ igabọ rọye ọ cha dia, ke se odẹ rọye Ọgba-Aghwanre, Ọghẹnẹ ro vwo Ogangan, Ọsẹ ri Bẹdẹ, Ọmọ rẹ ovie rẹ Ufuoma.

Aizaya 9:7

Obuebu rẹ isuesun rọye vẹ ufuoma rọye se vwo oba-a vwe enu rẹ ekete ri Devid, kugbe enu rẹ uvie rọye, rọ tọn phihọ, rọ yọnrọn vwẹ ọsoso vẹ ọvwata ne ọke nana yanran rhiri bẹdẹ. Oruru rẹ Ọrovwohwo rẹ otuofovwi na yi ri ru ọna.

Jerimaya 17:25

Kẹsiẹye ivie ke sa wan anurhoro nana ro orere na, re tidia enu rẹ ekete ri Devid, re gua akpẹrẹ kugbe iyesi, ayen kugbe isun rayen, ihwo ri Juda kugbe ihwo re dia Jerusalẹm; kẹ ihwo dia orere nana bẹdẹ

Jerimaya 33:17

Kidie enẹ Ọrovwohwo tare ohwo ro tidia ekete rẹ uwevwi rẹ Izrẹl gbe kare Devid bẹdẹ-ẹ.

Izikiẹl 37:25

Ayen ke dia otọ na rẹ esẹ rẹ ovwan diare re me vwọ kẹ odibo mẹ Jekọp, te ayen te emọ rayen kugbe uvwiẹ rayen ke dia etiyin bẹde; Devid odibo mẹ kọ dia osun rayen bẹdẹ.

Daniẹl 2:44

Vwẹ ọke rẹ ivie yena, Ọghẹnẹ rẹ odjuvwu na cha vwẹ uvie ọvo mu, ra sa guọghọ-ọ eyẹ e che siobọ nẹ ekete rọye ke ihwo ọfa-a. O cha guọghọ ivie nana ejobi ibribro ọ me vwẹ ayen te oba, kẹ o mudia bẹdẹ,

Daniẹl 7:14

Kọye vwẹ isuesun kẹ, kugbe urinrin vẹ uvie, rere ihwo ejobi, vẹ ẹgborho ejobi vẹ ephẹrẹ ejobi vwọ sa ga; isuesun rọye ọye isuesun ri bẹdẹ, ro che jẹ ẹwanvrẹn, kẹ uvie re jẹ sa ghwọrọ.

Matiu 16:18

Me ta kẹ wẹ nẹ, wọwẹ hẹ Pita, enu rẹ oragha nana me bọn ishọshi mẹ phihọ; ukpokpoma ọvuọvo se gere she-e.

Iyẹnrẹ Esiri ri Jọn 12:34

Otu na da kpahe kẹ, Avwanre nyori vwẹ evun rẹ urhi na nẹ Kristi dia bẹdẹ. Komavọ wọ rha vwọ ta nẹ a cha kpare Ọmọ rẹ ohwo kpenu?

Hibru 1:8

Ẹkẹvuọvo vwọ kpahe Ọmọ na ọ da ta, Ekete wẹn, E Ọghẹnẹ, ọ dia bẹdẹ bẹdẹ, ọkpọ rẹ ovwata na ọye hẹ ọkpọ rẹ uvie wẹn.

Ẹvwọphia 11:15

Amakashe ri ghwrẹ de hworo owanre rọye, edo rode de mu vwẹ odjuvwu, tanẹ, Uvie rẹ akpọ na rhi hirhe phihọ uvie rẹ Ọrovwavwanre kugbe Kristi rọye re, kọ cha re rhiri bẹdẹ bẹdẹ.

1 Samuẹl 25:28

Biko vwo ghovwo oruchọ rẹ ọmọtẹ wẹn; vwọ ọ rẹ uyota Ọrovwohwo cha kẹ wẹ uwevwi re bẹdẹ, fikiridie ofovwi ri wo phiẹ na Ọrovwohwo wo phio kẹ; a rha sa mrẹ umwemwu vwẹ evun wẹn uchọke wọ dia akpọ na krite-e.