2 Samuẹl 7:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ẹkẹvuọvo mi se sio nẹ otọ rẹ ẹguọnọ ro jẹrhẹriẹ mẹ-ẹ, kirobo ri mi ru Sọl ri mi si nẹ obaro mẹ.

2 Samuẹl 7:15 ပူးပေါင်းရင်းမြစ်များ

2 Samuẹl 7:14

Ke Me dia ọsẹ rọye kọ rha dia ọmọ mẹ, o de ru umwemwu, ke Me vwẹ uphiephia rẹ ohwo rẹ akpọ vwọ fa.

2 Samuẹl 7:16

Uwevwi wẹn vẹ uvie wẹn vẹ ekete wẹn kọ dia bẹdẹ.

1 Ivie 11:13

Dede na mi ghwe che si uvie na ejobi no re-e; ẹkẹvuọvo ke me yan jẹn orua ọvo vwo kẹ ọmọ wẹn, fiki ri Devid odibo mẹ kugbe fiki ri Jerusalẹm re me jẹreyọ.

Une rẹ Ejiro 89:28

Ẹguọnọ mẹ ro je rhẹriẹ na ke me sẹro rọye nu kẹ bẹdẹ, ọphọ mẹ ko mudia kokoroko kẹ.

Une rẹ Ejiro 89:31

re ayen de gbe iji mẹ ku rẹ ayen gbe sa sẹro re irhi mẹ na-a,

Une rẹ Ejiro 89:33

ẹkẹvuọvo mi se si ẹguọnọ mẹ ro jẹ rhẹriẹ na no oma-a, eyẹ ophiẹvwe rha sa dia esegbuyota mẹ-ẹ

Une rẹ Ejiro 89:34

Mẹvwẹ ọvo rha sa chọ urhi rẹ ọphọ mẹ-ẹ, eyẹ se ku ota ro nẹ unu mẹ rhe rhẹriẹ-ẹ.

Une rẹ Ejiro 89:49

Ọrovwohwo, tivọ ẹguọnọ wẹn ro jẹ rhẹriẹ nẹ awanre rhe na epha, ru wọ vwẹ esegbuyota wẹn vwo duvwu iyori ki Devid?

Aizaya 37:35

Kidie mẹvwẹ ọvo re cha chochọ rẹ orere na vwo sivwo, fiki rẹ odẹ mẹ kugbe fiki re odibo mẹ Devid.

Aizaya 55:3

Rhie erhọn wẹn, ri wo bru vwe rhe; nyo, re erhi wẹn vwọ rhọ; ke Me vẹ owẹ re ọphọ re rara, omamọ rẹ uvi rẹ ẹguọnọ ro jẹrhẹriẹ ri mi vwo kẹ Devid.

Aizaya 9:7

Obuebu rẹ isuesun rọye vẹ ufuoma rọye se vwo oba-a vwe enu rẹ ekete ri Devid, kugbe enu rẹ uvie rọye, rọ tọn phihọ, rọ yọnrọn vwẹ ọsoso vẹ ọvwata ne ọke nana yanran rhiri bẹdẹ. Oruru rẹ Ọrovwohwo rẹ otuofovwi na yi ri ru ọna.

1 Samuẹl 15:23

Kidie urhi ẹchọ epha kerẹ umwemwu rẹ epha, udu ọgangan ọ epha kerẹ orukuruku vẹ ẹdjọ ẹgọ. Fikiridie wọ sen ota rẹ Ọrovwohwo, okpuyovwi rọye je sen we nẹ wo gbe dia ovie-e.

1 Samuẹl 15:26

Samuẹl da ta kẹ Sọl me vẹ owẹ se rhivwi kpo-o, kidie wọ sen ota rẹ Ọrovwohwo, Ọrovwohwo je ghwa sen wẹ nẹ wọ gbe dia ovie vwẹ Izrẹli-i.

1 Samuẹl 15:28

Samuẹl da ta kẹ, Ọrovwohwo bẹre uvie rẹ Izrẹl mie we nonẹ na, ọ da vwọ kẹ ọrivẹ wẹn, ro yovwi nọ wẹ.

1 Samuẹl 16:14

Kọye rẹ Erhi rẹ Ọrovwohwo da kua nẹ oma ri Sọl, erhi umwemwu de nẹ obọ rẹ Ọrovwohwo rhe rhi kpokpo.

1 Samuẹl 19:24

Ọ da je sanvwe emwa rọye nu, o da mraro rhe vwẹ obaro ri Samuel, ọ da ban phihọ shevwerhẹ vwẹ uvo yena ejobi kugbe ason yena ejobi. Kẹ ọye nẹrhẹ a tanẹ, Sọl je hẹ usun rẹ emraro na?